(БҰРЫНҒЫ РЕДАКЦИЯ) «2018 - 2020 ЖЫЛДАРҒА АРНАЛҒАН ОБЛЫСТЫҚ БЮДЖЕТ ТУРАЛ...

2018 - 2020 жылдарға арналған облыстық бюджет туралы
Павлодар облыстық мәслихатының 2017 жылғы 14 желтоқсандағы № 175/18 шешімі

(2018.14.06. берілген өзгерістер мен толықтырулармен)

Осы редакция 2018 жылғы 26 қыркүйекте енгізілген өзгерістеріне дейін қолданылды

Қазақстан Республикасының 2008 жылғы 4 желтоқсандағы Бюджет кодексінің 75-бабы 2-тармағына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабы 1-тармағының 1)-тармақшасына, Қазақстан Республикасының 2005 жылғы 8 шілдедегі «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Заңының 18-бабы 4-тармағына сәйкес Павлодар облыстық мәслихаты ШЕШІМ ҚАБЫЛДАДЫ:

Павлодар облыстық мәслихатының 2018.14.03. № 214/21 шешімімен (бұр.ред.қара); 2018.14.06. № 227/22 шешімімен (бұр.ред.қара) 1-тармақ өзгертілді

1. 2018 - 2020 жылдарға арналған облыстық бюджет тиісінше 1, 2 және 3-қосымшаларға сәйкес, соның ішінде 2018 жылға арналған мына көлемдерде бекітілсін:

1) кірістер - 151051856 мың теңге, соның ішінде:

салықтық түсімдер - 29737147 мың теңге;

салықтық емес түсімдер - 1681495 мың теңге;

негізгі капиталды сатудан түсетін түсімдер - 800 мың теңге;

трансферттердің түсімдері - 119632414 мың теңге;

2) шығындар - 150743812 мың теңге;

3) таза бюджеттік кредиттеу - 7237297 мың теңге, соның ішінде:

бюджеттік кредиттер - 10237761 мың теңге;

бюджеттік кредиттерді өтеу - 3000464 мың теңге;

4) қаржы активтерімен операциялар бойынша сальдо - 1810970 мың теңге, соның ішінде:

қаржы активтерін сатып алу - 2185710 мың теңге;

мемлекеттің қаржы активтерін сатудан түсетін түсімдер - 374740 мың теңге;

5) бюджет тапшылығы (профициті) - -8740223 мың теңге;

6) бюджет тапшылығын қаржыландыру (профицитін пайдалану) - 8740223 мың теңге.

Павлодар облыстық мәслихатының 2018.14.06. № 227/22 шешімімен 2-тармақ өзгертілді (бұр.ред.қара)

2. Аудандар (облыстық маңызы бар қала) бюджеттеріне салықтан түскен түсімдердің жалпы сомасын 2018 жылға мына көлемдерде үлестіру бекітілсін: