«Нотариаттық қызметпен айналысу құқығына лицензия беру» мемлекеттiк көрсетiлетiн қызмет стандарты (Қазақстан Республикасы Әділет министрінің 2015 жылғы 24 сәуірдегі № 232 бұйрығына 2-қосымша) (2019.08.11. берілген өзгерістермен) (күші жойылды)

Қазақстан Республикасы

Әділет министрінің

2015 жылғы 24 сәуірдегі

№ 232 бұйрығына 2-қосымша

ҚР Әділет министрінің м.а. 2020 жылғы 28 мамырдағы № 62 бұйрығымен күші жойылды

«Нотариаттық қызметпен айналысу құқығына лицензия беру»

мемлекеттiк көрсетiлетiн қызмет стандарты
(2019.08.11. берілген өзгерістермен)

1. Жалпы ережелер

1. «Нотариаттық қызметпен айналысу құқығына лицензия беру» мемлекеттiк көрсетiлетiн қызметi (бұдан әрi - мемлекеттiк көрсетiлетiн қызмет).

2. Мемлекеттiк көрсетiлетiн қызмет стандартын Қазақстан Республикасының Әдiлет министрлiгi (бұдан әрi - Министрлiк) әзiрледi.

ҚР Әділет министрінің 2018.10.01. № 54 бұйрығымен 3-тармақ жаңа редакцияда (бұр.ред.қара)

3. Мемлекеттiк қызметті Қазақстан Республикасының Әдiлет министрлiгi (бұдан әрi - көрсетiлетiн қызметтi берушi) көрсетеді.

Өтініштерді қабылдау мен мемлекеттік көрсетілетін қызмет нәтижелерін беру www.egov.kz, www.elicense.kz «электрондық үкiметтің» веб-порталы (бұдан әрi - портал) арқылы жүзеге асырылады.

2. Мемлекеттiк қызметтi көрсету тәртiбi

ҚР Әділет министрінің 2018.10.01. № 54 бұйрығымен 4-тармақ жаңа редакцияда (бұр.ред.қара); ҚР Әділет министрінің м.а. 2019.08.11. № 540 бұйрығымен 4-тармақ өзгертілді (бұр.ред.қара)

4. Мемлекеттiк көрсетілетін қызметтi көрсету мерзiмi:

лицензия беру кезiнде - 15 (он бес) жұмыс күнi;

лицензияны қайта ресiмдеу кезiнде - 3 (үш) жұмыс күнi;

лицензияның телнұсқасын беру кезiнде - 2 (екi) жұмыс күнi;

Көрсетілетін қызметті беруші қызметті алушының құжаттарын алған сәтінен бастап екі жұмыс күні ішінде ұсынылған құжаттардың толықтығын тексереді.

Көрсетілетін қызметті алушы мемлекеттік көрсетілетін қызмет стандартының 9-тармағымен көзделген тізбеге сәйкес құжаттардың топтамасын толық ұсынбаған және (немесе) қолданылу мерзімі өтіп кеткен құжаттарды ұсынған жағдайларда, көрсетілетін қызметті беруші өтінішті қабылдаудан бас тартады.

ҚР Әділет министрінің 2018.10.01. № 54 бұйрығымен 5-тармақ жаңа редакцияда (бұр.ред.қара)