(БҰРЫНҒЫ РЕДАКЦИЯ) «ҚАЗАҚСТАН РЕСПУБЛИКАСЫ ИНВЕСТИЦИЯЛАР ЖӘНЕ ДАМУ МИНИ...

Қазақстан Республикасы Инвестициялар және даму министрлігінің 2014 - 2018 жылдарға арналған стратегиялық жоспарын бекіту туралы
Қазақстан Республикасы Инвестициялар және даму министрінің 2014 жылғы 9 желтоқсандағы № 256 бұйрығы

(2016.17.10. берілген өзгерістер мен толықтырулармен)

Осы редакция 2016 жылғы 6 желтоқсанда енгізілген өзгерістеріне дейін қолданылды

Қазақстан Республикасы Бюджет кодексінің 62-бабына сәйкес БҰЙЫРАМЫН:

1. Қазақстан Республикасы Инвестициялар және даму министрлігінің (бұдан әрі - Министрлік) 2014 - 2018 жылдарға арналған стратегиялық жоспары (бұдан әрі - Стратегиялық жоспар) бекітілсін.

2. Жоспардың орындалуына жауапты Министрліктің құрылымдық бөлімшелерінің басшылары жыл сайынғы есепті кезеңнен кейінгі жылдың, қаңтар айының 20-нан кешіктірмей, Стратегиялық жоспарлау департаментіне Стратегиялық жоспарды іске асыру барысы туралы ақпаратты ұсынуды қамтамасыз етсін.

3. Стратегиялық жоспарлау департаменті (Б.Т. Бекенов):

1) бекітілген Стратегиялық жоспарды күнтізбелік 3 күн ішінде Министрліктің веб-порталында орнастыруды қамтамасыз етсін;

2) стратегиялық жоспардың іске асырылуы туралы есепті, есептік кезеңнен кейінгі жылдың, ақпан айының 20-нан кешіктірмей дайындауды және оны Министрліктің веб-порталында орнастыруды қамтамасыз етсін.

4. Осы бұйрықтың орындалуын бақылау Министрліктің жауапты хатшысы Б.Б. Атамқұловқа жүктелсін.

5. Осы бұйрық қол қойылған күнінен бастап күшіне енгізіледі.

ҚР Инвестициялар және даму министрінің 2016.17.10. № 726 бұйрығымен стратегиялық жоспары жаңа редакцияда (бұр.ред.қара)

Қазақстан Республикасы

Инвестициялар және даму министрінің

2014 жылғы 9 желтоқсандағы

№ 256 бұйрығына

қосымша

Қазақстан Республикасы Инвестициялар және даму министрлігінің
2014 - 2018 жылдарға арналған стратегиялық жоспары

1-бөлім. Миссиясы мен пайымы

Миссиясы: Бәсекеге қабілетті және инновациялық индустрияны құрумен минералды-ресурстық тәуелді экономиканы әртараптандыру арқылы қазақстандықтардың жоғары деңгейдегі сапалы өміріне жету.

Пайымы: