(БҰРЫНҒЫ РЕДАКЦИЯ) «МҮГЕДЕКТЕРГЕ КРЕСЛО-АРБАЛАР БЕРУ» МЕМЛЕКЕТТІК КӨРСЕ...

Осы редакция 2017 жылғы 25 сәуірде енгізілген өзгерістеріне дейін қолданылды

Павлодар облысы әкімдігінің

2015 жылғы 28 шілдедегі

№ 222/8 қаулысымен бекітілді

Павлодар облыстық әкімдігінің 2016.26.02. № 82/3 Қаулысымен барлық мәтіні бойынша «Халыққа қызмет көрсету орталығымен» деген сөздер «Азаматтарға арналған үкімет» мемлекеттік корпорациясымен» деген сөздермен ауыстырылды (бұр.ред.қара)

«Мүгедектерге кресло-арбалар беру»

мемлекеттік көрсетілетін қызмет регламенті

(2016.26.02. берілген өзгерістермен)

1. Жалпы ережелер

1. «Мүгедектерге кресло-арбалар беру» мемлекеттік көрсетілетін қызметін (бұдан әрі - мемлекеттік көрсетілетін қызмет) осы регламенттің 1-қосымшасына сәйкес аудандардың және облыстық маңызы бар қалалардың жұмыспен қамту және әлеуметтік бағдарламалар бөлімдері (бұдан әрі - көрсетілетін қызметті беруші) көрсетеді.

Өтінішті қабылдау және мемлекеттік қызмет көрсету нәтижесін беру көрсетілетін қызметті беруші арқылы жүзеге асырылады.

2. Мемлекеттiк қызмет көрсету нысаны: қағаз түрінде.

3. Мемлекеттiк қызмет көрсету нәтижесі мүгедектерге кресло-арба беру мерзімдерін көрсетумен құжаттарды ресімдеу туралы хабарлама (бұдан әрі - хабарлама) болып табылады.

Мемлекеттік қызметті көрсету нәтижесін ұсыну нысаны: қағаз түрінде.

2. Мемлекеттік қызмет көрсету процесінде көрсетілетін қызметті берушінің құрылымдық бөлімшелерінің
(қызметкерлерінің) іс-қимыл тәртібін сипаттау

4. Қазақстан Республикасы Денсаулық сақтау және әлеуметтік даму министрінің 2015 жылғы 28 сәуірдегі № 279 бұйрығымен бекітілген «Мүгедектерге кресло-арбалар беру» мемлекеттік көрсетілетін қызмет стандартының (бұдан әрі - Стандарт) 9-тармағының талаптарына сәйкес қажетті құжаттарды және ақпаратты ұсынумен Стандарттың қосымшасына сәйкес нысан бойынша толтырылған өтініш мемлекеттік қызметті көрсету жөніндегі рәсімді (іс-қимылды) бастау үшін негіздеме болып табылады.

5. Мемлекеттік қызметті көрсету процесінің құрамына кіретін әрбір рәсімнің (іс-қимылдың) мәні, оны орындау ұзақтығы.