«Тауарлар мен көлік құралдарының кедендік транзитінің және оларды уақытша сақтаудың кейбір мәселелері туралы» Қазақстан Республикасы Қаржы министрінің 2015 жылғы 31 наурыздағы № 249 бұйрығы (күші жойылды)

Тауарлар мен көлік құралдарының кедендік транзитінің және оларды уақытша сақтаудың кейбір мәселелері туралы
Қазақстан Республикасы Қаржы министрінің 2015 жылғы 31 наурыздағы № 249 бұйрығы

ҚР Қаржы министрінің 2018 жылғы 16 ақпандағы № 215 бұйрығымен ; 2018 жылғы 16 ақпандағы № 216 бұйрығымен күші жойылды

«Қазақстан Республикасындағы кеден ісі туралы» Қазақстан Республикасының 2010 жылғы 30 маусымдағы Кодексінің 260, 266, 322, 329-баптарына сәйкес БҰЙЫРАМЫН:

1. Қоса беріліп отырған:

1) осы бұйрыққа 1-қосымшаға сәйкес Тауарларды уақытша сақтау орындарына орналастыруды растау, тауарлар мен көлік құралдарын уақытша сақтауға орналастыруды растайтын құжаттарды қабылдау және тіркеу қағидалары;

2) осы бұйрыққа 2-қосымшаға сәйкес Кедендік алып жүру қағидалары;

3) осы бұйрыққа 3-қосымшаға сәйкес Кедендік транзиттің кеден рәсімін аяқтау үшін ұсынылатын құжаттарды беруді тіркеу қағидалары бекітілсін.

2. Қазақстан Республикасы Қаржы министрлігінің Мемлекеттік кірістер комитеті (Д.Е. Ерғожин) заңнамада белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрық мемлекеттік тіркелгеннен кейін күнтізбелік он күн ішінде оны мерзімді баспа басылымдарында және «Әділет» ақпараттық-құқықтық жүйесінде ресми жариялауға жіберуді;

3) осы бұйрықты Қазақстан Республикасы Қаржы министрлігінің интернет-ресурсында орналастыруды қамтамасыз етсін.

3. Осы бұйрық алғашқы ресми жарияланған күнінен кейін он күнтізбелік күн өткен соң қолданысқа енгізіледі.

Қазақстан Республикасы

Қаржы министрінің

2015 жылғы 31 наурыздағы

№ 249 бұйрығына

1-қосымша

Тауарларды уақытша сақтау орындарына орналастыруды растау,
тауарлар мен көлік құралдарын уақытша сақтауға орналастыруды
растайтын құжаттарды қабылдау және тіркеу

қағидалары