«Он сегіз жасқа дейінгі балаларға мемлекеттік жәрдемақы тағайындау» мемлекеттік көрсетілетін қызмет регламенті» (Қызылорда облыстық әкімдігінің 2015 жылғы 9 қыркүйектегі № 156 Қаулысымен бекітілген) (2017.23.08. берілген өзгерістермен) (күші жойылды)

Қызылорда облысы әкімдігінің 2018.11.04. № 1092 Қаулысымен мемлекеттік көрсетілетін қызмет регламенті алып тасталды

Қызылорда облысы әкімдігінің 2016.29.02. № 382 Қаулысымен (бұр.ред.қара); 2017.23.08. № 864 Қаулысымен (бұр.ред.қара) мемлекеттік көрсетілетін қызмет регламенті жаңа редакцияда

Қызылорда облысы әкімдігінің

2015 жылғы 9 қыркүйектегі

№ 156 қаулысымен

бекітілген

«Он сегіз жасқа дейінгі балаларға мемлекеттік жәрдемақы тағайындау»

мемлекеттік көрсетілетін қызмет регламенті

(2017.23.08. берілген өзгерістермен)

1. Жалпы ережелер

1. Көрсетілетін қызметті берушінің атауы: аудандардың жұмыспен қамту, әлеуметтік бағдарламалар және азаматтық хал актілерін тіркеу бөлімдері және облыстық маңызы бар қаланың жұмыспен қамту және әлеуметтік бағдарламалар бөлімі (бұдан әрі - көрсетілетін қызметті беруші).

Өтініштерді қабылдау және мемлекеттік көрсетілетін қызмет нәтижелерін беру:

1) көрсетілетін қызметті беруші;

2) кент, ауылдық округ әкімі (бұдан әрі - ауылдық округ әкімі);

3) «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі - Мемлекеттік корпорация) арқылы жүзеге асырылады.

2. Мемлекеттік көрсетілетін қызмет нысаны - қағаз түрінде.

3. Мемлекеттік көрсетілетін қызмет нәтижесі - он сегіз жасқа дейінгі балаларға мемлекеттік жәрдемақы тағайындау туралы хабарлама (бұдан әрі - хабарлама) не «Әлеуметтік-еңбек саласындағы мемлекеттік көрсетілетін қызмет стандарттарын бекіту туралы» Қазақстан Республикасының Денсаулық сақтау және әлеуметтік даму министрінің 2015 жылғы 28 сәуірдегі № 279 бұйрығымен (нормативтік құқықтық актілерді мемлекеттік тіркеу Тізілімінде №11342 болып тіркелген) бекітілген «Он сегіз жасқа дейінгі балаларға мемлекеттік жәрдемақы тағайындау» мемлекеттік көрсетілетін қызмет стандартының (бұдан әрі - стандарт) 10 және 10-1 тармақтарында қарастырылған жағдайларда және себептерде мемлекеттік қызметті көрсетуден дәлелді бас тарту туралы жауап (бұдан әрі - дәлелді бас тарту).

4. Мемлекеттік көрсетілетін қызмет нәтижесін ұсыну нысаны - қағаз түрінде.