(БҰРЫНҒЫ РЕДАКЦИЯ) «ГИДРОМЕЛИОРАЦИЯЛЫҚ ЖҮЙЕЛЕР МЕН СУ ШАРУАШЫЛЫҒЫ ҚҰРЫЛ...

Гидромелиорациялық жүйелер мен су шаруашылығы құрылыстарының паспорттарын жүргізу ережесін және паспорт нысанын бекіту туралы
Қазақстан Республикасы Ауыл шаруашылығы министрінің 2009 жылғы 4 маусымдағы № 326 бұйрығы

Осы редакция 2019 жылғы 13 желтоқсанда енгізілген өзгерістеріне дейін қолданылды

Қазақстан Республикасы Су кодексінің 37-бабының 1-тармағының  27) тармақшасына сәйкес БҰЙЫРАМЫН:

1. Қоса беріліп отырған:

1) Гидромелиорациялық жүйелер мен су шаруашылығы құрылыстарының паспорттарын жүргізу ережесі;

2) Гидромелиорациялық жүйелер мен су шаруашылығы құрылыстарының паспорт нысаны бекітілсін.

2. Қазақстан Республикасы Ауыл шаруашылығы министрлігі Табиғат ресурстарын пайдалану стратегиясы департаменті (Е.Р. Толқымбеков):

1) осы бұйрықты Қазақстан Республикасы Әділет министрлігінде мемлекеттік тіркелуін қамтамасыз етсін;

2) осы бұйрықтан туындайтын өзге де шараларды қолдансын.

3. Осы бұйрық алғашқы ресми жарияланған күнінен бастап он күнтізбелік күн өткеннен кейін қолданысқа енгізіледі.

Қазақстан Республикасы

Ауыл шаруашылығы министрінің

2009 жылғы 4 маусымдағы

№ 326 бұйрығымен бекітілген

Гидромелиорациялық жүйелер мен су шаруашылығы құрылыстарының паспорттарын жүргізу

 ережесі

1. Жалпы ережелер

1. Осы гидромелиорациялық жүйелер мен су шаруашылығы құрылыстарының паспорттарын жүргізу Ережесі (бұдан әрі - Ереже) Қазақстан Республикасы Су Кодексінің 37-бабына сәйкес әзірленген және су пайдаланушылары жеке және заңды тұлғалар болып табылатын су шаруашылығы құрылыстарының паспорттарын жүргізу тәртібін анықтайды.

2. Осы Ережеде келесі ұғымдар қолданылады:

паспорттандыру - гидромелиорациялық жүйелер мен су шаруашылығы құрылыстарының нақты техникалық жәй-күйін анықтау және алынған мәліметтерді гидромелиорациялық жүйелер мен су шаруашылығы құрылыстарының паспортына енгізу арқылы оларды мемлекеттік есепке алу;