(БҰРЫНҒЫ РЕДАКЦИЯ) «ӘКIМШIЛIК ДЕРЕКТЕРДI ЖИНАУҒА АРНАЛҒАН НЫСАНДАРДЫ ЖӘ...

Әкiмшiлiк деректердi жинауға арналған нысандарды және оларды толтыру жөніндегі нұсқаулықтарды бекiту туралы
Қазақстан Республикасы Денсаулық сақтау және әлеуметтік даму министрінің 2014 жылғы 11 желтоқсандағы № 312 бұйрығы

(2019.27.03. берілген өзгерістермен)

Осы редакция 2019 жылғы 3 шілдеде енгізілген өзгерістеріне дейін қолданылды

«Халықтың көші-қоны туралы» 2011 жылғы 22 шілдедегі Қазақстан Республикасы Заңының 11-бабының 7) тармақшасына, «Мемлекеттік статистика туралы» 2010 жылғы 19 наурыздағы Қазақстан Республикасының Заңы 16-бабының 3-тармағының 2) тармақшасына сәйкес бұйырамын:

1. Бекітілсін:

1) осы бұйрықтың 1-қосымшасына сәйкес «Оралмандар туралы жалпы мәліметтер» әкімшілік деректерді жинауға арналған нысан;

2) осы бұйрықтың 2-қосымшасына сәйкес «Оралмандар туралы жалпы мәліметтер» әкімшілік деректерді жинауға арналған нысанды толтыру жөніндегі нұсқаулық;

3) осы бұйрықтың 3-қосымшасына сәйкес «Оралмандарды әлеуметтік қолдау жөніндегі мәліметтер» әкімшілік деректерді жинауға арналған нысан;

4) осы бұйрықтың 4-қосымшасына сәйкес «Оралмандарды әлеуметтік қолдау жөніндегі мәліметтер» әкімшілік деректерді жинауға арналған нысанды толтыру жөніндегі нұсқаулық;

5) осы бұйрықтың 5-қосымшасына сәйкес «Мемлекеттер бөлінісіндегі келген оралмандардың саны туралы мәліметтер» нысан;

6) осы бұйрықтың 6-қосымшасына сәйкес «Мемлекеттер бөлінісіндегі келген оралмандардың саны туралы мәліметтер» әкімшілік деректерді жинауға арналған нысанды толтыру жөніндегі нұсқаулық.

2. Қазақстан Республикасы Денсаулық сақтау және әлеуметтік даму министрлігінің Еңбек, әлеуметтік қорғау және көші-қон комитеті заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрықтың Қазақстан Республикасы Әділет министрлігінде мемлекеттік тіркеуден өткеннен кейін күнтізбелік он күн ішінде бұқаралық ақпарат құралдарында және «Әділет» ақпараттық-құқықтық жүйесінде ресми жариялануын;