(БҰРЫНҒЫ РЕДАКЦИЯ) «КАРАНТИНДІК РЕЖИМДІ ЕНГІЗЕ ОТЫРЫП КАРАНТИНДІ АЙМАҚТ...

Карантиндік режимді енгізе отырып карантинді аймақты белгілеу туралы
Батыс Қазақстан облысы әкімдігінің 2015 жылғы 29 желтоқсандағы № 373 Қаулысы

(2019.29.04. берілген өзгерістермен)

Осы редакция 2020 жылғы 30 сәуірде енгізілген өзгерістеріне дейін қолданылды

«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы, «Өсімдіктер карантині туралы» 1999 жылғы 11 ақпандағы Қазақстан Республикасының Заңдарын басшылыққа ала отырып және Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитетінің Батыс Қазақстан облыстық аумақтық инспекциясының 2015 жылғы 11 желтоқсандағы № 3-11-981 ұсынысы бойынша Батыс Қазақстан облысының әкімдігі ҚАУЛЫ ЕТЕДІ:

1. Осы қаулының қосымшасына сәйкес Ақжайық, Бөрлі, Жәнібек, Зеленов, Казталов, Сырым, Тасқала, Теректі, Шыңғырлау аудандарының және Орал қаласының аумақтарында карантиндік режимді енгізе отырып, карантинді аймақ белгіленсін.

2. 2012 жылғы 12 қазандағы № 192 «Карантиндік режимді енгізе отырып карантинді аймақты белгілеу туралы» (Нормативтік құқықтық актілерді мемлекеттік тіркеу тізілімінде № 3110 тіркелген, 2012 жылғы 8 желтоқсандағы «Орал өңірі» және «Приуралье» газеттерінде жарияланған) және 2014 жылғы 22 сәуірдегі № 73 «Батыс Қазақстан облысы әкімдігінің 2012 жылғы 12 қазандағы № 192 «Карантиндік режимді енгізе отырып карантинді аймақты белгілеу туралы» қаулысына өзгеріс енгізу туралы» (Нормативтік құқықтық актілерді мемлекеттік тіркеу тізілімінде № 3546 тіркелген, 2014 жылғы 7 маусымдағы «Орал өңірі» және «Приуралье» газеттерінде жарияланған) Батыс Қазақстан облысы әкімдігі қаулыларының күші жойылды деп танылсын.

3. «Батыс Қазақстан облысының ауыл шаруашылығы басқармасы» мемлекеттік мекемесі (М. К. Оңғарбеков) осы қаулының әділет органдарында мемлекеттік тіркелуін, «Әділет» ақпараттық-құқықтық жүйесінде және бұқаралық ақпарат құралдарында оның ресми жариялануын қамтамасыз етсін.