«Халықтың санитариялық-эпидемиологиялық саламаттылығы саласында тексерілетін субъектілерді (объектілерді) тексеру мәселелері бойынша міндетті ведомстволық есептіліктің нысандарын және бару арқылы жүргізілетін бақылау мен қадағалаудың өзге де нысандарын бекіту туралы» Қазақстан Республикасы Ұлттық экономика министрінің 2015 жылғы 11 тамыздағы № 604 және Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің төрағасының 2015 жылғы 4 қыркүйектегі № 112 н/қ бірлескен бұйрығы

Халықтың санитариялық-эпидемиологиялық саламаттылығы саласында тексерілетін субъектілерді (объектілерді) тексеру мәселелері бойынша міндетті ведомстволық есептіліктің нысандарын және бару арқылы жүргізілетін бақылау мен қадағалаудың өзге де нысандарын бекіту туралы

Қазақстан Республикасы Ұлттық экономика министрінің 2015 жылғы 11 тамыздағы № 604 және Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің төрағасының 2015 жылғы 4 қыркүйектегі № 112 н/қ бірлескен бұйрығы

«Қазақстан Республикасындағы мемлекеттік бақылау және қадағалау туралы» 2011 жылғы 6 қаңтардағы Қазақстан Республикасы Заңының 13-бабы 2-тармағының 6) тармақшасына, 14-бабының 1-тармағына сәйкес, БҰЙЫРАМЫЗ:

1. Қоса беріліп отырған халықтың санитариялық-эпидемиологиялық саламаттылығы саласында тексерілетін субъектілерді (объектілерді) тексеру мәселелері бойынша міндетті ведомстволық есептіліктің нысандары және бару арқылы жүргізілетін бақылау мен қадағалаудың өзге де нысандары бекітілсін.

2. Қазақстан Республикасы Ұлттық экономика министрлігінің Тұтынушылардың құқықтарын қорғау комитеті Қазақстан Республикасы заңнамасында белгіленген тәртіппен:

1) осы бірлескен бұйрықтың Қазақстан Республикасы Ұлттық экономика министрлігінің интернет-ресурсында орналастырылуын;

2) облыстардың, Астана және Алматы қалаларының бөлінісінде жүргізілетін тексерулер мен олардың нәтижелері туралы ведомстволық есептіліктің жиынтық деректерін ай сайын, айдың 10 күніне Қазақстан Республикасы Ұлттық экономика министрлігінің интернет-ресурсында жариялануын қамтамасыз етсін.