«Құқық қорғау қызметіне кіретін азаматтарды тесттен өткізуді ұйымдастыру, бағдарламалары және қағидаларын бекіту туралы» Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2016 жылғы 20 қыркүйектегі № 1 бұйрығы (2024.12.02. берілген өзгерістер мен толықтырулармен)

Құқық қорғау қызметіне кіретін азаматтарды тесттен өткізуді ұйымдастыру, бағдарламалары және қағидаларын бекіту туралы

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 2016 жылғы 20 қыркүйектегі № 1 бұйрығы

(2024.12.02. берілген өзгерістер мен толықтырулармен)

ҚР Мемлекеттік қызмет істері агенттігі Төрағасының 2022.29.11. № 240 бұйрығымен тақырыбы жаңа редакияда (2022 ж. 1 желтоқсаннан бастап қолданысқа енгізілді) (бұр.ред.қара)

ҚР Мемлекеттік қызмет істері агенттігі Төрағасының 2020.14.05. № 79 бұйрығымен (бұр.ред.қара); 2022.29.11. № 240 бұйрығымен (2022 ж. 1 желтоқсаннан бастап қолданысқа енгізілді) (бұр.ред.қара) преамбуласы жаңа редакияда

«Мемлекеттік көрсетілетін қызметтер туралы» Қазақстан Республикасы Заңының 10-бабы 1) тармақшасына, «Қазақстан Республикасының мемлекеттік қызметі туралы» Қазақстан Республикасы Заңының 5-бабы 2-тармағының 5) тармақшасына сәйкес БҰЙЫРАМЫН:

ҚР Мемлекеттік қызмет істері агенттігі Төрағасының 2022.29.11. № 240 бұйрығымен 1-тармақ жаңа редакияда (2022 ж. 1 желтоқсаннан бастап қолданысқа енгізілді) (бұр.ред.қара)

1. Қоса беріліп отырған Құқық қорғау қызметіне кіретін азаматтарды тесттен өткізуді ұйымдастыру, бағдарламалары және қағидалары бекітілсін.

 2. Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Мемлекеттік қызмет департаментімен:

1) осы бұйрықтың Қазақстан Республикасы Әділет министрлігінде мемлекеттік тіркелуі;

2) осы бұйрықтың Қазақстан Республикасы Әділет министрлігінде мемлекеттік тіркелгеннен кейін он күнтізбелік күн ішінде оның мерзімдік баспа басылымдарына және «Әділет» ақпараттық-құқықтық жүйесіне ресми жариялауға жолдануы;