Қалалық, аудандық (басқармалар) ішкі істер органдарының жанындағы медициналық айықтырғыш туралы Ережені, медициналық айықтырғыштарға жеткізілетін адамдарға медициналық көмек көрсету жөніндегі және медициналық айықтырғыш жанындағы профилактика кабинетінің жұмысын ұйымдастыру жөніндегі Нұсқаулықтарды бекіту туралы Қазақстан Республикасы Iшкі істер министрінің 1996 жылғы 25 қаңтардағы № 37 бұйрығы (2010.14.06. берілген өзгерістер мен толықтырулармен) (күші жойылды)

Қалалық, аудандық (басқармалар) iшкi iстер органдарының жанындағы медициналық айықтырғыш туралы Ереженi, медициналық
айықтырғыштарға жеткiзiлетiн адамдарға медициналық көмек көрсету жөніндегі және медициналық айықтырғыш жанындағы
профилактика кабинетінің жұмысын ұйымдастыру жөніндегі Нұсқаулықтарды бекіту туралы
 Қазақстан Республикасы Iшкi iстер министрінің 1996 жылғы 25 қаңтардағы № 37 бұйрығы

(2010.14.06. берілген өзгерістер мен толықтырулармен)

ҚР Ішкі істер министрінің 2011 жылғы 4 сәуірдегі № 143 Бұйрығымен күші жойылды

1. Қазақстан Республикасының қалалық аудандық iшкi iстер органдары (басқармасы) жанындағы медициналық айықтырғыш туралы Ереже (№ 1 қосымша), медициналық айықтырғыштарға жеткiзiлетiн адамдарға дәрiгерлiк көмек көрсету жөніндегі Нұсқаулық (№ 2 қосымша) және Медициналық айықтырғыш жанындағы профилактика кабинетінің жұмысын ұйымдастыру жөніндегі Нұсқаулық (№ 3 қосымша) бекiтіліп, 1996 жылдың «___» ___________ бастап күшiне енгiзiлсiн.

2. Алматы қалалық IIББ, облыстардың IIБ, көлiктегi IIБ және оқу орындарының бастықтары:

2.1. Ереже мен Нұсқаулықты бағынышты органдардың, бөлiмшелер мен қызметтердiң жеке құрамы оқып-үйренуiн ұйымдастырсын; сынақтар қабылдап, нәтижелерiн аттестациялауда көрсетсiн;

- медициналық айықтырғыштардың жұмысын бекітілген Ереже мен нұсқаулықтарға сәйкес қатаң түрде қамтамасыз етсiн.

2.2. Ереже мен Нұсқаулықтар қосымшалары бланктерiнiң қажеттi мөлшерiн дайындасын.

3. Секретариат (Вульф А.Ф.), Шаруашылық басқармасы (Строков А.А.) Ереже мен Нұсқаулықтардың қажеттi даналарын дайындап, тиiстi орындарға жолдасын.

4. Қаржы-экономикалық басқармасы (Майсақанов А.С.) аталған құжаттарды дайындау үшiн ақшалай қаржы бөлсiн.

5. Бұйрықтың орындалуын бақылау Қазақстан Республикасы IIМ Әкiмшiлiк қызмет Бас басқармасы (Приходько Н.И.) мен Штабына (Темiрбаев М.Р.) жүктелсiн.

6. КСРО IIМО 1985 жылғы 1 шiлдедегi № 106 бұйрығының күшi жойылды деп есептелсiн.

Iшкi iстер министрi -

Iшкi әскерлер Қолбасшысы