Қазақстан Республикасы Мәдениет, ақпарат және қоғамдық келісім министрлігінің «Рауан» республикалық баспасы» республикалық мемлекеттік кәсіпорнын қайта ұйымдастыру туралы Қазақстан Республикасы Үкіметінің 2000 жылғы 13 қарашадағы № 1701 қаулысы (2003.26.11. берілген өзгерістер мен толықтырулармен)

Қазақстан Республикасы Мәдениет, ақпарат және қоғамдық келісім министрлігінің «Рауан» республикалық баспасы»
республикалық мемлекеттік кәсіпорнын қайта ұйымдастыру туралы
Қазақстан Республикасы Үкіметінің 2000 жылғы 13 қарашадағы № 1701 қаулысы

(2003.26.11. берілген өзгерістер мен толықтырулармен)

Қазақстан Республикасының Үкіметі қаулы етеді:

1. Қазақстан Республикасы Мәдениет, ақпарат және қоғамдық келісім министрлігінің шаруашылық жүргізу құқығындағы «Рауан» республикалық баспасы» республикалық мемлекеттік кәсіпорны оны мемлекеттің 100 пайыздық қатысуымен «Мектеп» ашық акционерлік қоғамы (бұдан әрі - «Мектеп» ААҚ) етіп қайта құру арқылы қайта ұйымдастырылсын.

ҚР Үкіметінің 31.10.01 ж. № 1383 қаулысымен 2-тармақ өзгертілді

2. Қазақстан Республикасы Қаржы министрлігінің Мемлекеттік мүлік және жекешелендіру комитеті Қазақстан Республикасының заңнамасында белгіленген тәртіппен:

1) «Мектеп» ААҚ жарғысын бекіткен кезде негізгі қызметі баспа өнімдерін шығару деп белгілесін;

2) «Мектеп» ААҚ мемлекеттік тіркелуін қамтамасыз етсін;

3) «Мектеп» ААҚ мемлекеттік тіркеуден өткізілгеннен кейін оның акцияларының мемлекеттік пакетіне иелік ету және пайдалану құқықтарын Қазақстан Республикасының Мәдениет, ақпарат және қоғамдық келісім министрлігіне берсін;

4) алынып тасталды

5) осы қаулыны іске асыру жөнінде өзге де шаралар қабылдасын.

ҚР Үкіметінің 26.11.03 ж. № 1180 қаулысымен 3-тармақ өзгертілді

3. Қазақстан Республикасы Үкіметінің кейбір шешімдеріне мынадай өзгерістер мен толықтырулар енгізілсін:

1) «Акциялардың мемлекеттік пакеттеріне мемлекеттік меншіктің түрлері және ұйымдарға қатысудың мемлекеттік үлестері туралы» Қазақстан Республикасы Үкіметінің 1999 жылғы 12 сәуірдегі № 405 қаулысына (Қазақстан Республикасының ПҮКЖ-ы, 1999 ж., № 13, 124-құжат):

көрсетілген қаулымен бекітілген Акцияларының мемлекеттік пакеттері мен үлестері республикалық меншікке жатқызылған акционерлік қоғамдар мен шаруашылық серіктестіктердің тізбесінде:

«Алматы қаласы» бөлімінде:

реттік нөмірі 293 «293. «Алатау» БПК» ААҚ» және 293-1 «293-1. «Алматы-Болашақ» ЖАҚ» деген жолдардағы «293» және «293-1» деген сандар «123-27» және «123-28» деген сандармен ауыстырылсын;

мынадай мазмұндағы реттік нөмірі 123-29-жолмен толықтырылсын:

«123-29. «Мектеп» ААҚ»;

2) «Қазақстан Республикасы Мәдениет, ақпарат және қоғамдық келісім министрлігінің мәселелері» туралы Қазақстан Республикасы Үкіметінің 1999 жылғы 29 сәуірдегі № 499 қаулысына (Қазақстан Республикасының ПҮКЖ-ы, 1999 ж., № 16, 163-құжат):

көрсетілген қаулымен бекітілген Қазақстан Республикасы Мәдениет, ақпарат және қоғамдық келісім министрлігінің қарауындағы ұйымдардың тізбесінде:

«Басқа ұйымдар» бөлімінде:

реттік нөмірі 49-жол мынадай редакцияда жазылсын:

«49. «Мектеп» ААҚ»;

3) «Республикалық меншіктегі ұйымдар акцияларының мемлекеттік пакеттері мен мемлекеттік үлестеріне иелік ету және пайдалану жөніндегі құқықтарды беру туралы» Қазақстан Республикасы Үкіметінің 1999 жылғы 27 мамырдағы № 659 қаулысына:

көрсетілген қаулымен бекітілген Иелік ету және пайдалану құқығы салалық министрліктерге және өзге де мемлекеттік органдарға берілетін республикалық меншік ұйымдарындағы акциялардың мемлекеттік пакеттерінің және қатысудың мемлекеттік үлестерінің тізбесінде:

«Қазақстан Республикасының Мәдениет, ақпарат және қоғамдық келісім министрлігі» бөлімінде:

реттік нөмірі 224-1 «224-1. «Алатау» БПК» ААҚ» деген жолдағы «224-1» деген сан «224-3» деген санмен ауыстырылсын;

мынадай мазмұндағы реттік нөмірі 224-4-жолмен толықтырылсын:

«224-4. «Мектеп» ААҚ».

4. Осы қаулы қол қойылған күнінен бастап күшіне енеді.

Қазақстан Республикасының

Премьер-Министрі