«Қазақстан Республикасы экономикасының стратегиялық салаларындағы жекешелендірілген ұйымдарды басқару тиімділігінің мониторингі туралы» Қазақстан Республикасы Үкіметінің 2002 жылғы 3 мамырдағы № 491 қаулысы (күші жойылды)

«Қазақстан Республикасы экономикасының стратегиялық
салаларындағы жекешелендірілген ұйымдарды басқару
тиiмдiлiгінiң мониторингі туралы»
Қазақстан Республикасы Үкіметінің 2002 жылғы 3 мамырдағы № 491 қаулысы

 ҚР Үкіметінің 2005.27.07. № 781 қаулысымен күші жойылды

Экономикалық қауiпсiздiктi және Қазақстан Республикасы экономикасының тұрақты дамуын қамтамасыз ету мақсатында Қазақстан Республикасының ?кіметi қаулы етеді:

1. Қоса берiлiп отырған Қазақстан Республикасы экономикасының стратегиялық салаларындағы жекешелендiрiлген ұйымдарды басқару тиiмдiлiгiнiң мониторингiн жүзеге асыру ережесi бекітілсiн.

2. Қазақстан Республикасы Қаржы министрлігінiң Мемлекеттік мүлiк және жекешелендiру комитетi:

осы қаулы жарияланған күнiнен бастап 2 ай мерзiмде орталық атқарушы органдармен бiрлесiп, Қазақстан Республикасы экономикасының стратегиялық салаларындағы мониторингке жататын ұйымдар тiзбесiнiң жобасын дайындасын және Қазақстан Республикасының Үкіметіне енгiзсiн;

осы қаулы жарияланған күнiнен бастап 3 ай мерзiмде Қазақстан Республикасы экономикасының стратегиялық салаларындағы жекешелендiрiлген ұйымдарды басқару тиiмдiлiгiнiң мониторингiн жүргiзудiң тетiгi жөнiнде әдiстемелiк ұсынымдар әзiрлесiн және бекiтсiн;

мониторингтi ұйымдастыру және жүргiзу кезiнде қолданыстағы заңнамада көзделген құқықтар мен кепiлдiктердiң, сондай-ақ мемлекеттік меншiк объектiлерiн жекешелендiру кезiнде жасалған шарттар және келісім-шарттар қағидаларының сақталуын қамтамасыз етсiн;

"Экономиканың стратегиялық салаларындағы меншiктiң мемлекеттік мониторингi туралы" Қазақстан Республикасы Заңының жобасын әзiрлесiн және 2002 жылдың екiншi жарты жылдығында Қазақстан Республикасының Үкіметіне енгiзсiн.

3. "Қазақстан Республикасының Қаржы министрлігі Мемлекеттік мүлiк және жекешелендiру комитетiнiң мәселелерi" туралы Қазақстан Республикасы Үкіметінiң 1999 жылғы 5 шiлдедегi № 930 қаулысына (Қазақстан Республикасының ПYКЖ-ы, 1999 ж., № 32-33, 295-құжат) мынадай өзгерiс пен толықтырулар енгiзiлсiн:

көрсетiлген қаулымен бекітілген Қазақстан Республикасы Қаржы министрлігінiң Мемлекеттік мүлiк және жекешелендiру комитетi туралы ережеге:

11-тармақтың 7) тармақшасындағы "қатысу" деген сөзден кейiн ";" белгiсi қойылып, мынадай мазмұндағы 8) тармақшамен толықтырылсын:

"8) Қазақстан Республикасы экономикасының стратегиялық салаларындағы жекешелендiрiлген ұйымдарды басқару тиiмдiлiгiнiң мониторингiн жүргiзу";

12-тармақтың 13) тармақшасы мынадай редакцияда жазылсын:

"13) мемлекеттік меншiк объектiлерi мен жекешелендiрiлген ұйымдарды басқару тиiмдiлiгiне мониторинг жүргiзу және мониторинг субъектiлерi мен қатысушыларының іс-әрекеттерiн үйлестiрудi;";

13-тармақта:

1) тармақша ", әдiстемелiк ұсынымдар әзiрлеуге және бекiтуге" деген сөздермен толықтырылсын;

10) тармақша "меншiктi" деген сөзден кейiн "және жекешелендiрiлген ұйымдардың меншiгiн" деген cөздермен толықтырылсын;

14) тармақша "ұйымдар" деген сөзден кейiн "және жекешелендiрiлген объектiлер" деген сөздермен толықтырылсын, "тексерулерге" деген сөзден кейiн ", мониторингке" деген сөзбен толықтырылсын.

4. Осы қаулының орындалуын бақылау Қазақстан Республикасы Премьер-Министрінің орынбасары - Қазақстан Республикасының Қаржы министрi А.С.Павловқа жүктелсiн.

5. Осы қаулы қол қойылған күнiнен бастап күшiне енедi және жариялануға тиiс.

Қазақстан Республикасының

Қазақстан Республикасы

Үкіметінiң 2002 жылғы 3 мамырдағы

№ 491 қаулысымен бекітілген

Қазақстан Республикасы экономикасының

стратегиялық салаларындағы жекешелендiрiлген ұйымдарды

басқару тиiмдiлiгiнiң мониторингiн жүзеге асыру

ЕРЕЖЕСI

1. Жалпы ереже

1. Қазақстан Республикасы экономикасының стратегиялық салаларындағы жекешелендiрiлген ұйымдарды басқару тиiмдiлiгiнiң мониторингiн жүзеге асыру ережесi (бұдан әрi - Ереже) мониторинг ұғымын, оның мақсаттарын, мiндеттерiн, мазмұнын, мәнiн және оны жүргiзудiң тәртібін айқындайды.

2. Мониторинг - бұл ақпарат жинау, Қазақстан Республикасы экономикасының стратегиялық салаларындағы жекешелендiрiлген ұйымдарды басқару тиiмдiлiгiнiң жай-күйiн қадағалау, талдау, бағалау және болжау.

Мониторинг тұрақты экономикалық дамуды болжау және реттеу жүйесiнiң бiр бөлiгi болып табылады, елдiң экономикалық қауiпсiздiгiн қамтамасыз етудiң ақпараттық-талдау функцияларын орындайды.

3. Басқару тиiмдiлiгi - Қазақстан Республикасы экономикасының стратегиялық салаларындағы жекешелендiрiлген ұйымдардың мүлкiне басшылық етудiң және иелiк етудiң нәтижесi.

4. Қазақстан Республикасы экономикасының стратегиялық салаларына: мұнай-газ, энергетика, кен-металлургия, көлiк-коммуникация және машина жасау салалары жатады.

5. Мониторинг объектiлерi - Қазақстан Республикасының ?кіметi бекiтетiн тiзбе бойынша Қазақстан Республикасы экономикасының стратегиялық салаларындағы жекешелендiрiлген ұйымдар.

6. Қазақстан Республикасы Қаржы министрлігінiң Мемлекеттік мүлiк және жекешелендiру комитетi мониторинг жүргiзу жөніндегі уәкiлеттi орган (бұдан әрi - уәкiлеттi орган) болып табылады.

Уәкiлеттi орган мониторинг жүргiзу кезiнде ол туралы Ереженi, осы Ереженi басшылыққа алады.

7. Мыналар мониторингке қатысушылар болып табылады:

1) уәкiлеттi орган;

2) орталық және жергiлiктi атқарушы органдар;

3) меншiгiнде не басқаруында тексерiлетiн ұйымдар бар тұлғалар;

4) уәкiлеттi орган заңнамада белгiленген тәртiппен мониторинг жүргiзуге тартатын консалтингтiк қызметтер көрсету саласында маманданатын ұйымдар, кеңесшiлер және сарапшылар.

8. Осы Ереже мониторингке қатысушыларға қолданылады.

2. Мониторингтiң мақсаттары мен міндеттері

9. Мониторингтiң мақсаты - Қазақстан Республикасының ұлттық қауiпсiздiгiн нығайтуға, экономиканы оның тұрақты дамуына қауiп төндiретiн iшкi және сыртқы қолайсыз жағдайлардан, процестер мен факторлардан сақтауға ықпал жасау.

10. Мыналар мониторингтiң мiндеттерi болып табылады:

1) мониторинг объектiлерiнiң әлеуметтiк-экономикалық, қаржылық, құқықтық, технологиялық, өндiрiстiк-техникалық, экологиялық жай-күйiн талдау;

2) мониторинг объектiлерiн тиiмдi басқаруға кедергi келтiретiн проблемаларды айқындау;

3) салалар мен аймақтардың даму перспективаларына мониторинг объектiлерiнiң қызметi нәтижелерiнiң әсер етуiн бағалау;

4) ұлттық экономикаға инвестициялардың құйылуына жәрдемдесу үшін жағдайлар жасау;

5) мониторинг мәселелерi бойынша орталық және жергiлiктi атқарушы органдармен өзара iс-қимыл жасау;

6) ?кіметке, орталық және жергiлiктi атқарушы органдарға тұтастай алғанда республика бойынша, сондай-ақ аймақтар бөлiнiсiнде объектiлердi басқарудың нысандары мен әдiстерiн жетiлдiру жөнiнде ұсынымдар әзiрлеу;

7) тиiмсiз басқаруға әкеп соқтыруы мүмкiн себептер мен жағдайлардың алдын алу;

8) мониторинг бойынша электрондық дерекқор қалыптастыру және жүргiзу.

3. Мониторингтің мазмұны мен мәні

11. Мыналар мониторингтiң мазмұнын құрайды:

1) мониторингтiң мәнi жөнiнде мерзiмдi ақпарат жинау;

2) мониторинг объектiлерiн басқару тиiмдiлiгiнiң жай-күйiн қадағалау;

3) мониторинг объектiлерiнiң әлеуметтiк-экономикалық, қаржылық, құқықтық, технологиялық, өндiрiстiк-техникалық, экологиялық жай-күйiнiң үрдiстерiн талдау;

4) мониторинг объектiлерiн басқару тиiмдiлiгiн тiкелей тексеру және бағалау;

5) республика, аймақтар мен стратегиялық салалар экономикасының дамуына мониторинг объектiлерiнiң қаржы-экономикалық жай-күйiнiң әсер етуiн болжау.

12. Мынадай мәселелер мониторингтiң мәнiне жатады:

1) мониторинг объектiлерiнiң қаржылық және экономикалық жағдайы;

2) мониторинг объектiлерiнiң негiзгi қорларының жай-күйi, өндiрiске озық технологияларды енгізу;

3) мониторинг объектiлерiнiң инвестициялық қызметi;

4) қоршаған ортаны қорғау және табиғи ресурстарды ұтымды пайдалану;

5) қызметкерлердiң әлеуметтiк және еңбек құқықтарын қорғау;

6) құқықтық мәселелер.

4. Мониторинг жүргiзудiң тәртібі

13. Мониторинг бiр немесе бiрнеше объектiлерде мониторингтiң мәнiне жататын жекелеген немесе барлық мәселелер бойынша жүргiзiлуi мүмкiн.

14. Уәкiлеттi орган:

1) Қазақстан Республикасы экономикасының стратегиялық салаларындағы ұйымдар тiзбесiнен мониторингке жататын объектiлердi анықтайды;

2) мониторинг жүргiзудiң жоспары мен бағдарламасын бекiтедi;

3) жұмыстардың түрлерi мен орындау мерзiмдерi, есептер берудің тәртібі, алынған ақпарат пен материалдардың құпиялылығын сақтау жөніндегі мiндеттемелердi қамтитын мониторинг жүргiзу жөніндегі консалтингтiк қызметтер көрсетуге арналған шарттарды белгiленген тәртiппен жасасады;

4) орталық және жергiлiктi атқарушы органдармен мониторинг жүргiзу жөніндегі топтың құрамына қосу үшiн өкiлдердің кандидатураларын келiседi;

5) уәкiлеттi органның өкiлi басшылық ететiн мониторинг жүргiзу жөніндегі топты бекiтедi;

6) мониторинг жүргiзу жөніндегі топтың мүшелерiне объект пен мониторингтiң мәнi, тексерiлетiн объектiде болу мерзiмi, мемлекеттік, коммерциялық және қызметтiк құпияны жарияламау туралы мiндетi көрсетiлген хат бередi;

7) мониторинг жүргiзу жөніндегі топтың мүшелерiн әдiстемелiк құралдармен, ұсынымдармен және ақпараттық материалдармен қамтамасыз етедi;

8) мониторинг объектiлерiнiң басшыларын, орталық және жергiлiктi атқарушы органдарды мониторинг жүргiзу туралы хабардар етедi, олармен өзара iс-қимыл жасайды;

9) қолданыстағы заңнама талаптарын ескере отырып, ақпарат, материалдар жинауды жүзеге асырады және олармен мониторингке қатысушыларды жабдықтайды;

10) жүргiзiлген мониторингтiң нәтижелерiн қорытындылайды және ?кіметке, орталық және жергiлiктi атқарушы органдарға мониторинг жүргiзудiң нәтижелерi бойынша даму болжамдары мен ұсынымдар қамтылған ақпарат ұсынады;

11) мониторингтiң электронды дерекқорын қалыптастырады, оның жаңартылуын, сақталуын қамтамасыз етедi, ақпараттық қызмет көрсетудi жүзеге асырады.

15. Мониторинг жүргiзудiң тәртібі мыналарды қадағалаудың негiзiнде жүзеге асырылады:

1) базалық көрсеткiштердi - бастапқы деректердi (мониторингке қатысушылар беретiн статистикалық есептеме, ақпарат пен материалдар);

2) ағымдағы өзгерiстердi тiркейтiн шұғыл көрсеткiштердi;

3) жүргiзiлген мониторингтердiң кезеңдерi бойынша көрсеткiштердi (белгiлi бiр уақыттан кейiн қадағалау).

16. Мониторинг объектiлерiн басқару тиiмдiлiгiнiң жай-күйiн талдау мониторингтiң мәнi бойынша базалық (бастапқы) деректердi мониторинг нәтижесiнде алынған деректермен салыстыру жолымен жүзеге асырылады.

17. Мониторинг объектiлерiн басқару тиiмдiлiгiнiң жай-күйi туралы тұжырымдар мониторинг жүргiзу жөніндегі топтың уәкiлеттi органға берiлетiн есептерiнде бекітіледi.

Уәкiлеттi орган ұсынылған материалдардың негiзiнде жекешелендiрiлген ұйымдардың меншiгiн басқарудың жай-күйiне бағалау жүргiзедi.

18. Мониторинг жүргiзу ұйымдардың өзiнде де, экономика салаларында да терiс процестердiң алдын алу мен болдырмау жөнiнде ұсынымдар әзiрлеу мақсатында мониторингтiң тексерiлетiн объектiлерi дамуының үрдiстерi туралы болжаммен аяқталады.

5. Мониторингтi қаржылық қамтамасыз ету

19. Мониторингтi жүргiзу республикалық бюджеттiң қаражаты есебiнен қаржыландырылады.