|
|
|
Қазақстан Республикасының Үкіметі мен Еуропа Қоғамдастығы Комиссиясы Меморандум Қазақстан Республикасы Үкіметінің 2002 ж. 26 желтоқсандағы № 368-II Заңына сәйкес бекітілді Қаржыландыру шарттары бойынша келісім Техникалық жәрдемдесу бағдарламасы № 1 жобаның сипаттамасы Заңдарды реформалауға жәрдемдесу № 2 жобаның сипаттамасы Өнеркәсiптiк бәсекелестiк қабiлетті қолдау № 3 жобаның сипаттамасы Қазақстан Республикасының макроэкономикалық талдау және болжамдау жөніндегі Экономика министрлігінiң институционалдық қабiлеттерiн күшейту № 4 жобаның сипаттамасы КИМЭП-тегi (Қазақстан Менеджмент және экономикалық болжамдау жөнiндегі институты) әкiмшiлiк бизнес магистрiнiң (ӘБМ) бағдарламасы № 5 жобасының сипаттамасы Экология министрлігіне қолдау көрсету (ауаның ластануы) № 6 жобаның сипаттамасы Қазақстанда салық-әкiмшілiк органдарын қайта ұйымдастыруға және реформалауға жәрдемдесу № 7 жобаның сипаттамасы Ауыл шаруашылығы өндiрушілерiн қорғау-pыноктың тік құрылымын құруды қолдау № 8 жобаның сипаттамасы Қазақстан Республикасында транзиттiк дәлiздер саясатын дамытуды қолдау № 9 жобаның сипаттамасы Қазақстан Республикасының мұнай өндiру секторын және мұнайды тасымалдау секторын қолдау Қаржыландыру туралы меморандумға қолданылатын жалпы қағидалар Түзету (Almaty, 3 April 2002) Қаржыландыру шарттары бойынша келісім Тараптар: Еуропалық Бірлестіктің атынан (әрі қарай Бірлестік) әрекет ететін Еуропалық Бірлестіктер комиссиясы (әрі қарай Комиссия) бiр жағынан және Қазақстанның атынан әрекет ететін (әрі қарай Қазақстан) Қазақстан Үкіметі (әрі қарай Үкімет) екiншi жағынан. Бұл тараптардың 1996-1999 жыл аралығында Қазақстанда техникалық көмек көрсету бойынша Бірлестіктің (ТАСИС) көрнекі бағдарламаларын орындауға берген келісімі назарға алынады. Осымен төмендегідей келісілді: 1. Мазмұны мен тақырыбы Тараптар осыменен 1999-қаржы жылында Тасис бағдарламасының шеңберінде Бірлестік грант ретінде қаржыландыру шарттары бойынша осы Келісімнің айнымас бір бөлігі болып табылатын - 1 Қосымшада берілетін Қазақстанға 1999 жылға Әрекет ету бағдарламасымен белгіленген техникалық көмек көрсету бойынша шаралар енгізуді қаржыландырады деп келіседі. Ыңғайлы болу үшін аталған бағдарлама былай деп белгіленген:
2. Орындалу Жоғарыда, яғни 1-бапта аталған шаралар қаржыландыру шарттары бойынша Келісімнің айнымас бір бөлігі болып табылатын 2-Қосымшада көрсетілген қаржыландыру шарттары бойынша Келісімге қолданылатын Негізгі қағидалар мен қаржыландыру шарттары бойынша осы Келісімде белгіленген ережелерге сәйкес Бірлестіктің бюджеті есебінен орындалып, қаржыландырылуы керек. Қаржыландыру шарттары бойынша осы Келісімге, сонымен қатар 1999 жылы Қазақстанға арналған Әрекет ету бағдарламасына және қаржыландыру шарттары бойынша осы Келісімге қолданылатын Негізгі қағидаларға енгізілетін түзетулер жазбаша түрде болуы керек және аталған тараптар арасында хат алмасу жолымен келісіле алады. 3. Тараптардың міндеттемелері Бірлестік 1999 жылғы әрекет ету Бағдарламасын орындау үшін Қазақстанға 16,650,000 Еуро- (он алты миллион алты жүз елу мың) бөлуге міндеттенеді. 4. Ұзақтылығы. Мерзімнің аяқталуы Бұл Келісім қаржыландыру шарттары бойынша оған екі тарапта қол қойғаннан кейін күшіне енеді. Қаржыландыру шарттары бойынша бұл Келісімнің аяқталу мерзімі - 31-желтоқсан 2002 жыл. Осы соңғы мерзім аяқталған соң KZ 9901 бағдарламасы бойынша қандай да бір қаржыландыру балансы аяқталады. Қаржыландыру шарттары бойынша осы Келісім мен KZ 9901 бағдарламасының ұзақтылығы Үкімет атынан жазбаша түрде негізделген сұраныс жіберген соң келісіле алады. 5. Мекен-жайлар Қаржыландыру шарттары бойынша осы Келісімге қатысы бap барлық және кез-келген мәлiмет мына мекен-жайға жiберiледi:
Mr. F. Lamoureux У.A. Жандосов мырза European Commission Премьер-министрдiң орынбасары Tacis Programme Чайковский к-ci, 144 CHAR 12/67 1-қабат, 109-бөлме Rue de Loi 200 480091 Алматы B-1049 Brussels Қазақстан Belgiunt 6. Көшiрме саны Қаржыландыру шарттары бойынша осы Келісімнің ағылшын тіліндегі екі нұсқасына, орыс тілдеріндегі екі нұсқасына қол қойылған, екі тіл де түпнұсқалық болып табылады. Еуропалық Комиссия үшiн Қазақстан Үкіметі үшін және оның атынан және оның атынан Аты-жөні: ________ мырза Аты-жөні: Қызметі: Қызметі: Күні: 11.10.99 Күні: 11.10.99 Жері: Брюссель Жері: Астана техникалық жәрдемдесу бағдарламасы 1999 Іс-қимыл бағдарламасының жобалары Қазақстан Республикасы ІС-ҚИМЫЛ БАҒДАРЛАМАСЫ - ҚАЗАҚСТАН 1999 M Еуро
Бұған қоса, Қазақстан (SPP&ATA) бағдарламаларына қатысудан өзiне пайда алады. Бұл жеке қаржылық ұсыныста баяндалатын болады. Тұтас алғанда 7.35 миллион Еуро мынадай салаларға бөлiндi: ┬──────────────────────────────────────────────────────────────────┬─────┐ │1. Темпус │ 2.0 │ ├──────────────────────────────────────────────────────────────────┼─────┤ │2. Стратегия тұжырымдауға консультативтiк жәрдемдесу бағдарламасы │ 2.5 │ ├──────────────────────────────────────────────────────────────────┼─────┤ │3. Кеден │ 0.5 │ ├──────────────────────────────────────────────────────────────────┼─────┤ │4. Статистика │ 1.5 │ ├──────────────────────────────────────────────────────────────────┼─────┤ │5. Лиен │ 0.3 │ ├──────────────────────────────────────────────────────────────────┼─────┤ │6. Менеджменттiң тиімдiлiгiн арттыру бағдарламасы │ 0.3 │ ├──────────────────────────────────────────────────────────────────┼─────┤ │7. Қалалардың бауырласуы │ 0.2 │ ├──────────────────────────────────────────────────────────────────┼─────┤ │8. АТА тетiгi │ 0.05│ ├──────────────────────────────────────────────────────────────────┼─────┤ │ Барлығы │ 7.35│ ┴──────────────────────────────────────────────────────────────────┴─────┘ * ("Қазақстанның экономикалық үрдiстерi" журналының жарияланымдарын қоса) Жобаның атауы Заңдарды реформалауға жәрдемдесу Сектор Құрылымдық және ұйымдық реформа Жалпы бюджет 1 млн ЕУРО Жобаның ұзақтығы 24 ай Түпкі алушы Әділет министрлігі Жобаның негіздемесi Тәуелсiздiк алғаннан бастап Қазақстан Үкіметі өзiнің күш-жiгерiн нарықтық экономиканы орнатуға және инфляцияның деңгейiн ауыздықтау, бюджеттің тапшылығын бақылау және ырықсыздандыру мен жекешелендiру процесiне бағытталған жүйелiк реформаларды енгізу жолымен тұрақты макроэкономикалық шеңберлердi қамтамасыз етуге шоғырландырды. Бақылаудағы құрылымдық реформалар елеулi дәрежеде баға және сауда бақылауын жойды, шағын және орта кәсiпорындарды жекешелендiру аяқталды десе де болады, ұжымшарлар мен кеңшарлардың көпшiлігi жекешелендiрілді, және көптеген мұнай, газ және минералдық қорлар игepyгe шетелдiк инвесторларға берiлдi. Осынау оң өзгерістерге қарамастан, заң жүйесiн реформалау экономикалық реформалау бағдарламасынан артта қалып қойды және нарықтық экономиканың талаптарына жауап бермейдi. Әлсiз заң базасы шарт бойынша мiндеттемелердi орындауға қатысты тәуекелдiң артуына жағдай тудырады және жеке капиталдың құйылуын тежейді. Қазiргi қолданылып жүрген заңдар шеңберiнiң жеке меншікті және экономикалық құқықтарды қол сұғушылықтан тиiмдi қорғауға қатысты әлсiз жақтарын толық сезiне отырып, ?кімет халықаралық донорлардың жәрдемдесуiмен Заңдарды реформалаудың мемлекеттік бағдарламасын бекiтті. Дүниежүзiлiк Банк (ДДҚБ) 15 млн. АҚШ доллары мөлшеріндегі техникалық көмек займын бекіту сатысында, ол заңдарды реформалау жобасын жүзеге асыруға бағытталады. ТАСИС жобасы ДБ жобасын заң аясында ұйымдық дамытуды нығайту мақсатында толықтыру ниетiнде. ТАСИС жобасына нақты мақсаттары, мiндеттерi мен ұйымдық бағалануы ДБ-мен және басқа да мүмкiн донорлармен егжей-тегжейлi техникалық тапсырманы игеру сатысында тығыз ынтымақтастықта жүзеге асырылады. Мақсаты Көзделiп отырған жобаның жалпы мақсаты - нарықтық экономиканың жұмыс iстеуі мақсатында негiзгi салаларда заң жүйесiн, нормативтiк база мен ұйымдық құрылымдарды нығайту. Негізгi компоненттерi Жоба өзiнiң назарын мынадай бiр немесе одан көп компоненттерге шоғырландырады деп көзделiнiп отыр: Заң құжаттарын құрастыру. Бұл компонент үкiметтің халықаралық донорлардың жәрдемдесуiмен және экономика саласына айрықша мән бере отырып заңдардың сапасын, қабiлетсiздігін, ашықтығын және қабылдау процесiнiң қиыншылығын жақсартудағы күш-жiгерiне құрылатын болады. Осы компонентпен ТАСИС мынадай бiр немесе одан көп тармақ бойынша жәрдем көрсете алады: а) мемлекеттік қызметшiлердi, атап айтқанда, экономикалық және нарықтық реформаларға қатысты заң актілерiн әзiрлеуге тартылғандарын оқыту б) заң құжаттарын жасауға тартылған органдарда құзыреттілікті және ұйымдық құрылымдарды жетiлдіру және) заң құжаттарын жасау мәселелерi бойынша техникалық консультация беру. Заң білімiн беру және қоғамның заң мәселелеріндегi хабардарлығы. Бұл компонент бүгiнгi нарыққа бағдарланған бiрыңғай, қазiргi заманғы заң білімiнің жүйесiн дамытуға жәрдемдеседі, оның мiндеттерi заң білімiнің сапасын және оқытуды, қоғамның заң нормаларынан хабардарлығы мен түсiнушiлiгiн жақсарту болып табылады. ТАСИС жобасы осы компонентпен мынадай бiр немесе одан көп тармақтар бойынша жәрдем көрсете алады: а) оқу бағдарламаларын, курстарды әзiрлеу б) заң оқу орындарын бiтiргенi туралы құжаттар беру кезiнде стандарттарды әзiрлеу с) қоғамның заң нормалары мен заң процесi туралы хабардарлығын арттыру мақсатында бұқаралық ақпарат құралдарындағы науқан. Заң ақпаратына қол жеткізу. Бұл компоненттiң мақсаты - тәжірибеден өтуші заңгерлер, жеке меншiк сектордың кәсiпорындары мен мемлекеттік қызметшiлердiң және тұтастай алғанда қоғамның сенімді және түпкiлiктi заң ақпаратына уақытылы және кең түрде қол жеткізуін қамтамасыз ету. Осы компонент бойынша заң ақпараты жарлықтарды, үкiметтiң қарарларын, министрлiк пен ведомстволардың қаулыларын, соттардың жекелеген шешiмдерiн қамтиды. Осы компонент бойынша ТАСИС жобасы мынадай бiр немесе одан көп тармақ бойынша көмек көрсете алады: а) заң ақпаратын беру бойынша ұлттық стратегияны әзiрлеу б) мұндай стратегияны жүзеге асыру бойынша бiрыңғай жүйенi әзiрлеу в) заң ақпаратына қол жеткізудiң электронды және электронды емес құралдарына қатысты жабдық пен қызмет көрсетудi қоса алғанда стратегиялық жоспардың бiр бөлiгiн немесе бүкiл өзiн жүзеге асыру г) заң ақпаратын сыныптау және кодификациялау. Заңдылықты нығайту. Бұл компоненттiң мақсаты - соттардың тәуелсiздiгін нығайту және жұмысының сапасы мен тиiмдiлiгiн арттыру болып табылады. Осы компонент бойынша ТАСИС жобасы мынадай бiр немесе одан көп тармақтар бойынша мынадай көмек көрсете алады: а) сот атқарушыларын және судьяларды экономикалық реформалау саласында заңдарды қолдануға оқыту б) даулар туындаған кезінде баламалы шешімдер қабылдау тетіктерін белгілеу үшін тиісті заң және нормативтік шеңберлерді әзірлеу с) судьяларды оқыту және қайта оқыту процесі арқылы баламалы шешімдерді қабылдаудың тетіктерін жүзеге асыру. Жалпы индикативтік бюджет: 1 млн. ЕУРО Жобаның атауы: Өнеркәсiптiк бәсекелестiк қабiлетті қолдау Сектор: Құрылымдық және институционалдық реформа Жобаның құны: 1 МЕВРО Жобаның ұзақтығы: 24 ай Түпкi алушы: Энергетика, индустрия және сауда министрлігі Алғы тарихы және негiздемесi: Қазақстан Үкіметі 1998 жылғы ақпанда бекiткен және қазiргі сәтте Еуропа Парламентi мен мүше-мемлекеттердің бекіту процесіндегі Әріптестік және ынтымақтастық туралы келісім (ӘЫК) ЕҚ мен Қазақстан арасындағы саяси және экономикалық өзара қарым-қатынастарға негiздер жасауға бағытталған. Атап айтқанда, өнеркәсiптiк ынтымақтастық туралы ереже (45-бап) қоғамдастықтың Қазақстанның өзiнің өнеркәсiбiн ЕҚ-де қолданып жүрген бәсекелестiк қағидаларына қайшы келмейтіндей қолдау дәрежесiнде қайта құрылымдау мен дамытудағы күш-жiгерiне көмек беруге бағытталған. Қазақстан Үкіметінiң ашық нарықтық экономикада экономикалық өрлеуiндегі алға жылжу мiндеттемелерi "Қазақстан - 2030" дамуының ұзақ мерзiмдi стратегиясында басымдықпен айқындалған. Инфляцияның қабылданымды деңгейiне қол жеткiзген соң Үкiметтің стратегиясы елдiң ЖIӨ-нiң 20.7% және жұмыс күшiнiң 22,2% құрайтын өңдеу өнеркәсiбiндегі реформалар жолымен экономикалық өсу жағына қарай өзгере бастады. Тәуелсiздiк алғаннан кейiн жүргiзiлген сыртқы сауда үшiн iлгерiмелi ырықсыздандыру экономиканың ашық саясатында Қазақстанның өңдеушi өнеркәсiбiнде iшкi рынокта да, сондай-ақ ТМД рыноктарында да бәсекелестiк қабiлетiнiң дамуында кемшiлiктер көрiндi. Қазақстандағы өңдеушi өнеркәсiпке терiс әсер ететiн құрылымдық кемшiлiктер мыналар болып табылады: - Өнiмдердің төмен сапасы және лайықсыз өнiмдiк құрам - Дайын өнiм мен жартылай фабрикаттарға сұраныстың төмендiгі - Менеджмент пен маркетингтегi жеткiлiксiз біліктілік - Экспортқа шартты және шартсыз кедергілердiң болуы - Өңдеуші өнеркәсiптегi жеткiлiксiз инвестициялау мен технологиялардың артта қалуының нәтижесiнде пайда болған өндiрiстік секторды тiкелей инвестициялауға байланысты тәуекел дәрежесiнiң жоғарылығы. Осы жағдайға байланысты Энергетика, индустрия және сауда министрлігі өнеркәсiп саясатын дамыту жөнiнде директива шығарды (1998-2003). Бұл директиваларды принципiнде Үкiмет пен Парламент қабылдады. Алайда әзiрленген директивалардың iргелi қағидалары егер Қазақстан бүкiл әлемде танылған бәсекелестiк пен сауда практикасының деңгейiне қол жеткiзгісi келсе, қайта қаралуы тиiс. Негiзгi мақсаттары: - Кәсiпорындарға ішкi де, сондай-ақ халықаралық рыноктарда да бүкiл әлемде танылған әділ практикамен дамуға және бәсекелестiк етуге мүмкiншiлiк беру. - Өңдеуші өнеркәсiптiң барлық топтары үшiн құқықтық база мен макроэкономикалық құрылымды құруға бағытталған тиiстi саясат жүргiзу жолымен өндірiстiк сектордағы кәсiпорындардың дамуын қолдау. - Өңдеуші өнеркәсiпте біліктi кәсiбилердің дамуын қолдау Негiзгi компоненттерi: Жоба бiр-бiрiмен өзара байланысты мынадай үш компоненттерден тұратын болады: - Бiрiншi компонент өңдеуші өнеркәсiптегi iрiктеп алынған кәсiпорындарға қайта құрылымдау жоспарларын жасау мен iске асыруға көмек беруді көздейді. - Екiншi компонент кәсiбилердi оқытудың трейнингi және турлары арқылы маркетинг, экспортты алға жылжыту, қаржы бақылауы секiлді тар тақырыптар бойынша оқытуда қолдау көрсетiлетiн болады. - Үшiншi компонент Энергетика, индустрия және сауда министрлiгіне өңдеу өнеркәсiбi саласында ашық нарықтық экономика қағидаларына сай келетiн тиiстi саясатты дамытуға және жүргiзуге көмек берудi көздейді. Жалпы индикативтiк бюджет: 1 МЕВРО Жобаның атауы: Қазақстан Республикасының макроэкономикалық талдау және болжамдау жөніндегі Экономика министрлігінiң институционалдық қабiлеттерiн күшейту Сектор: Құрылымдық және институционалдық реформа Жобаның құны: 1 миллион еуро Жобаның ұзақтығы: 24 ай Жобаның тапсырысшысы: Қазақстан Республикасының Экономика министрлігі Жалпы кіріспесі және жобаның қажеттілігінің түсiндiрмесi Қазақстан Республикасының Экономика министрлiгі Қазақстан Республикасы Президентінiң 1999 жылғы 13 қазандағы № 235 Жарлығына сәйкес құрылған болатын. Қазақстан Республикасының Экономика министрлігi (бұдан әрi Министрлiк) Қазақстан Республикасының, облыстар мен Алматы және Астана қалаларының әлеуметтiк-экономикалық дамуының негiзгi бағыттарын әзiрлеудi ұйымдастыру саласында мемлекеттік басқару мен бақылау функцияларын орындауға уәкiлеттік берiлген орталық атқарушы орган болып табылады. Министрлiк экономикалық саясатты айқындайды, елдiң әлеуметтiк-экономикалық дамуын талдау мен болжамдауды, индикативтiк жоспарлар мен жалпы экономикалық сипаттағы басқа да құжаттарды дайындау мен iске асыруды қамтамасыз етедi. Экономика министрлігі әлемдiк тауар рыноктарындағы конъюнктураны есепке ала отырып экономикалық даму сценарийiн әзiрлейдi. Қазақстан Республикасы Экономика министрлiгінiң мiндеттерiне мыналар кiредi: - қысқа және орта мерзiмдi кезеңге арналған Әлеуметтiк-экономикалық дамудың индикативтiк жоспарларын дайындау; - барлық деңгейлердегi бюджеттердi қалыптастыру үшiн негiз болып табылатын қысқа, орта мерзiмдi кезеңдерге арналған макроэкономикалық көрсеткiштерi әзiрлеу; - аймақтық саясатты әзiрлеу және iске асырылуын бақылау; - ?кіметтiң iс-қимыл жоспарын әзiрлеу, үйлестiру және iске асырылуын бақылау; - мемлекеттік инвестициялық бағдарламаларды дайындау. Экономика министрi ?кімет мүшесi болып табылады. Қазақстан Республикасының Экономика министрлiгі қызметiнiң негiзгі түрлерiне ақпаратты жинау, экономикалық талдау мен болжау, сондай-ақ олардың негiзiнде экономикалық саясаттан негiзгi бағыттарын айқындау жатады. Министрлiктiң ағымдағы қызметi ақпараттық базаның толық еместiгiн, методологиялық тәсiлдердiң ескіргендiгін, қажетті функцияларды жүзеге асыру үшiн технологиялар мен жабдықтардың жетiспеушiлiгiн қоса алғанда бiрнеше факторлармен шектелiнген. Қазақстан Республикасының Экономика министрлігі өз қызметiнде Қазақстан Республикасының Статистика жөніндегі агенттiгi берген деректердi пайдаланады. Бұдан басқа Экономика министрлігі өзiнiң мiндеттерiн тиiмдi және уақытылы орындау үшiн отандық та, сондай-ақ шетелдiк те қажетті түрлi көздерден жиналған қажетті ақпаратты пайдаланады. Бұдан басқа білiктілiкті арттыруда да, сондай-ақ Экономика министрлігінiң макроэкономикалық модельдеу және болжамдау техникасы бойынша штатының тәжирибесiнде де проблемалар бар. Сондай-ақ деректердi тиімді жинаудың, талдау мен өңдеудiң басты шектеулерiнiң бiрi жүйеде ақпараттық технологиялар мен қазiргi заманғы компьютерлiк жабдықтың жетiспеушілiгi болып табылады. Жобаның негiзгi мақсаттары мен мiндеттерi Жобаның негізгі мақсаты Қазақстан Республикасы Экономика министрлігінiң мамандарын нарықтық экономиканың тиiсті ерекшелiктерiне мемлекеттік бюджеттi әзiрлеуге арналған әлеуметтік-экономикалық саясат пен өлшемдердің iс-шараларын әзiрлеу, талдау мен болжаудың қазiргi заманғы құралдарымен қамтамасыз ету болып табылады. Жобаның мақсаттарын негізге ала отырып, сондай-ақ оның "Қазақстан Республикасының Стратегиялық жоспарлау және реформалар жөніндегі агенттігiнiң (Агенттік) институционалдық мүмкiншiлiктерiн күшейту" EDКZ-9602 жобасының жалғасы болып табылатындығын ескере отырып мынадай мiндеттердi шешу көзделiнедi: - СЖРА-да, Экономика министрлігінде жасалған экономикалық-математикалық модельдердiң тиiмдi "жерсiнуін" қамтамасыз ету; - Экономика министрлігінде тоқсандар, жыл бойынша және 5 жылға дейiнгi кезеңге арналған дамудың аса маңызды көрсеткіштерiн болжамдауды қамтамасыз етуге мүмкiндік беретiн қаржы және бюджеттік бағдарламалау құру мақсатында экономикалық-математикалық модельдердiң жүйесiн одан әрi дамыту және жақсарту; - қазiргi бар және жаңадан құрылатын модельдердің базасында сыртқы және iшкi факторларды ескере отырып әлеуметтiк-экономикалық жүйенiң жұмыс iстеуін жолға қоятын сапалық жаңа құралды әзiрлеу; - Экономика министрлiгінің мамандарын эконометрикалық талдау, экономикалық-математикалық модельдеу және болжамдау техникасына оқыту; - халықаралық стандарттарға сәйкес микроэкономикалық және макроэкономикалық модельдер құру үшiн қажет дәлдіктің жоғары дәрежесіндегі экономикалық деректермен ұдайы және кiдiрiссiз қамтамасыз ету. Жобаны негiзгi құрайтындар Семинарлар мен практикалық көмек жүргiзу арқылы Қазақстандағы экономикалық модельдеу мен талдаудың қазiргi бар мүмкiншiлiктерiн одан әрi кеңейту. Экономикалық саясатты тиiмдi экономикалық модельдеу мен талдау үшiн қажет экономикалық деректеpді берудiң қабiлетiн әзiрлеу. Қазақстан Республикасы Үкiметінің экономикалық модельдердiң нәтижелерiн интерпретациялаудағы және практикалық қолданудағы операциялық мүмкiншiлiктерiн ұлғайту.
Доступ к документам и консультации
от ведущих специалистов |