Авиабағыттарға субсидияларды жұмсау ережесін бекіту туралы Қазақстан Республикасы Үкіметінің 2002 ж. 17 тамыздағы № 915 қаулысы (ҚР Үкіметінің 20.03.04 ж. № 362 қаулысымен енгізілген өзгерістерімен) (күші жойылды)

Авиабағыттарға субсидияларды жұмсау ережесін бекіту туралы Қазақстан
Республикасы Үкіметінің 2002 ж. 17 тамыздағы № 915 қаулысы
(ҚР Үкіметінің 20.03.04 ж. № 362 қаулысымен енгізілген өзгерістерімен)

ҚР Үкіметінің 2007 жылғы 28 желтоқсандағы № 1344 Қаулысымен күші жойылды

"Азаматтық авиацияны мемлекеттік реттеу туралы" Қазақстан Республикасының 2001 жылғы 15 желтоқсандағы Заңына сәйкес Қазақстан Республикасының Үкіметі қаулы етеді:

1. Қоса беріліп отырған Авиабағыттарға субсидияларды жұмсау ережесі бекітілсін.

2. Осы қаулы қол қойылған күнінен бастап күшіне енеді.

Қазақстан Республикасының

Қазақстан Республикасы

Үкіметінiң

2002 жылғы 17 тамыздағы

№ 915 қаулысымен

бекітілген

Авиабағыттарға субсидияларды жұмсау

ережесi

1. Жалпы ережелер

1. Осы Ереже республикалық және жергiлiктi бюджеттер есебiнен авиабағыттарға субсидиялар жұмсау тәртібін анықтайды.

2. Қазақстан Республикасы Үкіметінiң немесе ол уәкiлеттiк берген мемлекеттік органның шешімдерi негiзінде жүзеге асырылатын авиабағыттар бойынша тұрақты тасымалдар, сондай-ақ жергiлiктi атқарушы органдардың шешімдерi негiзінде жүзеге асырылатын, авиабағыттың тиiмдi жұмыс iстеуi үшiн қажеттi кiрiс деңгейiн қамтамасыз етпейтiн тасымалдарға тиiстi бюджетте көзделген қаражат есебiнен субсидия берiлуге тиiс.

Авиатасымалдарды субсидиялауға авиатасымалдар кезiнде тариф пен пайдалану шығыстары көлемiнің арасында белгiленген айырма жатады.

3. Субсидиялау авиатасымалдарға әуе кемесiнің экономика сыныбы есебiнен қолданылады.

2. Субсидияларды есептеу және төлеу тәртібі

4. Республикалық бюджеттен авиатасымалдар бойынша субсидиялар төлеу Қазақстан Республикасы Үкіметінің қаулысымен бекітілген тиiстi бюджеттік бағдарлама паспортына сәйкес жүргiзiледi.

5. Жергiлiктi бюджеттен авиатасымалдар бойынша субсидиялар төлеу әкiмдiк қаулысымен бекітілген тиiстi бюджеттік бағдарламалар паспорттарына сәйкес жүргiзiледi.

ҚР Үкіметінің 20.03.04 ж. № 362 қаулысымен 6-тармақ өзгертілді

6. Субсидияларды төлеу ай сайын авиатасымалдардың нақты орындалған және құжатпен расталған көлемi бойынша осы Ережеге 1-қосымшаға сәйкес жүзеге асырылады.

7. Субсидиялар алу үшiн Қазақстан Республикасының Көлiк және коммуникациялар министрлігі, ал жергiлiктi бюджеттен субсидияланған жағдайда - жергiлiктi уәкiлеттi орган (бұдан әрi - уәкiлеттi органдар) мен авиатасымалдарды жүзеге асыратын авиакомпаниялар арасында осы Ереженің 2-тармағына сәйкес белгiленген авиабағытты субсидиялау туралы шарт жасалады.

8. Авиабағытты субсидиялау туралы келісім жасалғаннан кейiн авиакомпания ай сайын, есептi айдан кейiнгi айдың 5-i күнiне дейiнгi мерзiмде айлық қаржы есебiн уәкiлеттi органға осы Ережеге 1-қосымшаға сәйкес ұйым басшысы, бас бухгалтерi қол қойған және мөрмен куәландырған мынадай құжаттарды қоса бередi:

1) сатылған билеттер тiзiлiмiн қоса, осы бағыт бойынша тасымалданған авиажолаушылар авиабилеттерi купондарының көшiрмесi;

2) әуежай, аэронавигация, метео қызметтерi шоттарының көшiрмесi;

3) жанар-жағар май материалдарын құю жөніндегі талаптар көшiрмесi;

4) жинақтау-тиеу ведомосiнің көшiрмесi;

5) жүк құжатының көшiрмесi;

6) бiр ұшу сағаты өзiндiк құнының есебi;

7) ұшу тапсырмасының көшiрмесi.

9. Уәкiлеттi орган тiркелген құжаттары бар айлық қаржылық есебiн қабылдағаннан кейiн осы Ереженің 2-қосымшасына сәйкес салыстыру актісін жасайды және жүргiзілген шығыстардың мақсатты жұмсалуы мен субсидиялар сомасын бекіту туралы қорытынды жасай отырып авиатасымалдардың орындалу фактілеріне тексеру жүргiзедi.

10. "Қазаэронавигация" республикалық мемлекеттік кәсіпорны, Қазақстан Республикасының әуежайлары және "Қазавиамет" республикалық мемлекеттік кәсiпорны уәкілеттi органға осы Ереженің 9-тармағында көрсетiлген мерзiмде әрбiр жеке авиабағыт бойынша көрсеткен авиақызметтерi үшiн авиакомпанияларға төлеуге ұсынылған шоттар көшiрмелерiн бередi.

11. Уәкiлеттi орган Қазақстан Республикасының Қаржы министрлігі Қазынашылық комитетiнің немесе жергiлiктi атқарушы органның бюджеттік ақшаны пайдалануға рұқсатына сәйкес Қазақстан Республикасы Қаржы министрлігінің қазынашылық аумақтық органдарына осы Ереженiң 3-қосымшасына сәйкес субсидияланатын авиатасымалдар тiзiлiмiн, салыстыру актілерін және шарттардың көшiрмесiн өзiнің бюджеттік шотынан авиакомпанияның ағымдағы шотына ақша аударуға төлем тапсырмаларымен бiрге бередi.

12. Осы Ереженің 8 және 9-тармақтарымен бекітілген талаптарды авиабағыттарды пайдалану процесінде орындамаған авиакомпанияларға және жолаушыларды, қолжүктерін, жүктердi және почтаны тасымалдау жөніндегі қызметтерді көрсету үшін авиабағыттарға арналған куәліктерді қайтарып алған жағдайда субсидияларды есептеу мен төлеу жүргізілмейді.

Авиабағыттарға субсидияларды

жұмсау ережесіне

1-қосымша

Қаржылық есеп нысаны

(ай сайын)

                                                                    теңге

Күні

Бағыт-

 тар  

 ЖЖМ

Аэро- 

нави- 

гация 

Метео

қам- 

тама-

сыз  

ету  

 Рейс   

 бойын- 

  ша    

 барлық 

 пайда- 

  лану  

 шығыс- 

  тары  

 Тариф 

Тасымал- 

данған   

жолаушы- 

лар саны 

 (адам)  

 Рейс- 

 тен   

 түсе- 

 тін   

 табыс 

  Субси-    

 диялауға   

 жататын    

  сома      

 1  

  2   

  3   

  4  

    5  

   6   

   7   

  8 

  9   

 10  

   11   

 12    

 13      

 14    

   15       

     Бас бухгалтер

        М.О.

Авиабағыттарға субсидияларды

жұмсау ережесіне

2-қосымша

САЛЫСТЫРУ АКТІСІ

200_ жылғы "___" ____________

     Біз, төменде қол қойған _____________________________________________

                    (Авиакомпанияның басшысы мен бас бухгалтерінің А.Ә.Т.)

бір тараптан және ________________________________________________________

                           (Уәкілетті орган басшысының А.Ә.Т.)

екінші тараптан, 200_ жылғы "___" _______ орындалған жұмыстар үшін өзара

есеп айырысудың осы салыстыру актісін жасадық.

                                                               теңге

 Жазбаның мазмұны       

  Авиакомпания      

    Уәкілетті орган        

 дебет  

  кредит   

  дебет    

  кредит       

Өзара есеп айырысу нәтижесінде субсидиялау сомасы _________________________

                                     (сомасы санмен және жазумен, теңгеде)

теңгені құрады.

Тараптардың заңды мекен-жайлары:

     Уәкілетті орган                              Авиакомпания

          СТН                                         СТН

    Банкілік деректері                          Банкілік деректері

   _______________________                     ______________________

   (басшының қолы, А.Ә.Т.)                    (басшының қолы, А.Ә.Т.)

          М.О.                              ___________________________

                                           (бас бухгалтердің қолы А.Ә.Т.)

                                                        М.О.

Авиабағыттарға субсидияларды

жұмсау ережесіне

3-қосымша

                                           ___________________________

                                                    сомадағы тізілімді

                                                             бекітемін

                                    ___________________________________

                                    (қолы) (уәкілетті органның басшысы)

                                            200_ жылғы "___" __________

                         Авиатасымалдарды субсидиялау

                                  ТІЗІЛІМІ

200_ жылғы "___" __________

р/с   

N     

     Авиабағыт   

    Авиатасымал     

    Авиатасымал бойынша    

     субсидиялау сомасы    

          (теңге)          

1     

         2       

         3          

             4             

                                (сома санмен және жазумен, теңгеде)

Осы тізілімге қоса тіркелді:

1. ___________________________

2. ___________________________

3. ___________________________

       Авиакомпания                             Уәкілетті орган

_____________________________             _____________________________

    (басшының қолы, А.Ә.Т.)                   (басшының қолы, А.Ә.Т.)

______________________________            ______________________________

(бас бухгалтердің қолы, А.Ә.Т.)            (бас бухгалтердің қолы, А.Ә.Т.)

      М.О.                                               М.О.