| ||||||||||||||||||||
|
|
|
Жеке кәсіпкерлік субъектілерінің бірлестіктеріне аккредиттеу жүргізу ережесін бекіту туралы
ҚР Үкіметінің 2015 жылғы 28 желтоқсандағы № 1089 Қаулысымен 2016 жылғы 1 қаңтардан бастап күші жойылды
«Жеке кәсіпкерлік туралы» Қазақстан Республикасының 2006 жылғы 31 қаңтардағы Заңына сәйкес Қазақстан Республикасының Үкіметі қаулы етедi: 1. Қоса беріліп отырған Жеке кәсіпкерлік субъектілерінің бірлестіктеріне аккредиттеу жүргізу ережесі бекітілсін. 2. Осы қаулы алғаш рет ресми жарияланған күнінен бастап қолданысқа енгізіледі.
Қазақстан Республикасының
Үкіметінің 2006 жылғы 31 мамырдағы № 477 қаулысымен бекітілген
Жеке кәсіпкерлік субъектілерінің бірлестіктеріне аккредиттеу жүргізу 1. Жалпы ережелер
ҚР Үкіметінің 2009.02.10. № 1513 Қаулысымен 1-тармақ жаңа редакцияда (бұр.ред.қара) 1. Осы Жеке кәсіпкерлік субъектілерінің бірлестіктеріне аккредиттеу жүргізу ережесі (бұдан әрі - Ереже) «Жеке кәсіпкерлік туралы» Қазақстан Республикасының 2006 жылғы 31 қаңтардағы Заңына сәйкес әзірленді және жеке кәсіпкерлік субъектілерінің бірлестіктеріне аккредиттеу жүргізуді ұйымдастыру мен жүзеге асыру тәртібін белгілейді. ҚР Үкіметінің 2009.02.10. № 1513 Қаулысымен 2-тармақ өзгертілді (бұр.ред.қара) 2. Мыналар аккредиттеуге жатады: республикалық деңгейде - жеке кәсіпкерлік субъектілері бірлестіктерінің одағы (қауымдастығы), шағын кәсіпкерлік жөніндегі республикалық бірлестік, жеке кәсіпкерлік субъектілерінің республикалық салалық бірлестіктері; облыстық деңгейде - жеке кәсіпкерлік субъектілері республикалық бірлестіктерінің филиалдары, облыстық бірлестіктер, шағын кәсіпкерлік жөніндегі республикалық бірлестіктердің филиалдары, облыстық бірлестіктер; қалалық, аудандық деңгейлерде - жеке кәсіпкерлік субъектілері республикалық бірлестіктерінің филиалдары, облыстық, қалалық, аудандық бірлестіктер, шағын кәсіпкерлік жөніндегі бірлестіктердің республикалық филиалдары, облыстық, қалалық, аудандық бірлестіктер. 3. ҚР Үкіметінің 2013.31.12. № 1524 Қаулысымен алып тасталды (бұр.ред.қара) 4. Егер аккредиттеуге бір әкімшілік-аумақтық бірлестікті, қызметтің бір саласын білдіретін екі немесе одан да көп коммерциялық емес ұйым үміткер болған жағдайда, онда азаматтардың көп санын біріктіретін коммерциялық емес ұйым аккредиттеуге жатады. ҚР Үкіметінің 2009.02.10. № 1513 Қаулысымен 5-тармақ өзгертілді (бұр.ред.қара) 5. Жеке кәсіпкерлік субъектілерінің бірлестіктерін (бұдан әрі - бірлестіктер) аккредиттеуді орталық мемлекеттік және жергілікті атқарушы органдар (бұдан әрі - мемлекеттік органдар) жүзеге асырады. ҚР Үкіметінің 2009.02.10. № 1513 Қаулысымен (бұр.ред.қара); 2013.31.12. № 1524 Қаулысымен (бұр.ред.қара) 6-тармақ өзгертілді 6. Мемлекеттік орган аккредиттеудi жүзеге асырудың мерзiмi мен шарттары туралы мемлекеттiк және орыс тiлдерiндегі хабарландыру жарияланғаннан кейiн, жыл сайын аккредиттеуді жүзеге асырады. Аккредиттеуді республикалық деңгейде жүзеге асыру кезінде хабарландыру Қазақстан Республикасының барлық аумағында таралатын мерзімді баспа басылымдарында не мемлекеттік органдардың ресми сайттарында жарияланады. Аккредиттеуді облыстық, қалалық және аудандық деңгейлерде жүзеге асыру туралы хабарландыру тиісті әкімшілік-аумақтық бірліктің аумағында таралатын мерзімді баспа басылымдарында жарияланады. ҚР Үкіметінің 2009.02.10. № 1513 Қаулысымен 7-тармақ өзгертілді (бұр.ред.қара) 7. Аккредиттеуді объективті және білікті түрде жүзеге асыру мақсатында мемлекеттік органда аккредиттеу жөніндегі комиссия (бұдан әрі - комиссия) құрылады. Комиссияның құрамы және ол туралы ереже мемлекеттік орган басшысының шешімімен бекітіледі.
2. Аккредиттеу жүргізудің тәртібi
ҚР Үкіметінің 2009.02.10. № 1513 Қаулысымен (бұр.ред.қара); 2013.31.12. № 1524 Қаулысымен (бұр.ред.қара) 8-тармақ өзгертілді 8. Аккредиттеу алу үшін өтініш беруші мемлекеттік органға мынадай құжаттарды ұсынады: 1) осы Ережеге 1-қосымшаға сәйкес өтініш; 2) салыстыру үшін түпнұсқаны ұсынбаған жағдайда құрылтай құжаттарының және бiрлестiктi заңды тұлға ретiнде мемлекеттiк тiркеу (қайта тіркеу) туралы куәлiктiң* немесе анықтаманың нотариалды куәландырылған көшiрмелерi; *Ескертпе: «Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы» 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін берілген заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін жарамды болып табылады. 3) бірлестік мүшелерінің тізімі; 4) ҚР Үкіметінің 2009.02.10. № 1513 Қаулысымен алып тасталды (бұр.ред.қара) 5) ҚР Үкіметінің 2009.02.10. № 1513 Қаулысымен алып тасталды (бұр.ред.қара) ҚР Үкіметінің 2009.02.10. № 1513 Қаулысымен 9-тармақ өзгертілді (бұр.ред.қара) 9. Аккредиттеуді жүргізу тәртібі мынадай кезеңдерді қамтиды: 1) комиссияның аккредиттеу материалдарын қарауы; 2) мемлекеттік органның аккредиттеу туралы немесе аккредиттеуден бас тарту туралы шешім қабылдауы; 3) аккредиттеу туралы куәлікті немесе негіздеумен аккредиттеуден бас тарту туралы жазбаша хабарламаны беру. ҚР Үкіметінің 2009.02.10. № 1513 Қаулысымен 10-тармақ өзгертілді (бұр.ред.қара) 10. Құжаттарды қарау комиссияның мәжілістерінде жүзеге асырылады. Комиссия мыналарға: 1) бірлестікті аккредиттеуді; 2) бірлестікті аккредиттеуден бас тартуды; 3) аккредиттеу туралы куәліктің күшін тоқтата тұруды немесе тоқтатуды ұсынады. ҚР Үкіметінің 2009.02.10. № 1513 Қаулысымен 11-тармақ өзгертілді (бұр.ред.қара) 11. Мемлекеттік орган комиссияның ұсынымы негізінде аккредиттеу туралы куәлікті беру туралы немесе аккредиттеуден бас тарту туралы шешімді қабылдайды. Аккредиттеу туралы куәлік немесе себебін негіздеумен аккредиттеуден бас тарту туралы жазбаша хабарлама мемлекеттік орган тиісті шешім қабылдаған күннен бастап бес жұмыс күні ішінде бірлестікке беріледі. ҚР Үкіметінің 2013.31.12. № 1524 Қаулысымен 12-тармақ жаңа редакцияда (бұр.ред.қара) 12. Құжаттарды қарау және аккредиттеу туралы куәлiктi беру туралы немесе аккредиттеуден бас тарту туралы шешiм қабылдау мерзімі өтініштерді қабылдау мерзімі аяқталған сәттен бастап он жұмыс күнiнен аспауға тиiс. ҚР Үкіметінің 2009.02.10. № 1513 Қаулысымен 13-тармақ өзгертілді (бұр.ред.қара) 1) берілген құжаттар осы Ереженің 8-тармағының талаптарына сәйкес келмеген; 2) бірлестік өз мүшелерінің құқықтары мен заңды мүдделерін қорғау жөніндегі қызметті жүзеге асырмаған; 3) ұсынылған құжаттарда сенімсіз немесе толық емес мәліметтер болған жағдайда аккредиттеуден бас тартылуы мүмкін. ҚР Үкіметінің 2009.02.10. № 1513 Қаулысымен 14-тармақ өзгертілді (бұр.ред.қара) 14. Аккредиттеу туралы куәлік осы Ережеге 2-қосымшаға сәйкес нысан бойынша 3 жыл мерзімге беріледі. 15. Аккредиттеу туралы куәлік иеліктен шығарылмайды және басқа заңды тұлғаларға берілмейді. ҚР Үкіметінің 2009.02.10. № 1513 Қаулысымен 16-тармақ өзгертілді (бұр.ред.қара) 16. Аккредиттеу туралы куәлікті жоғалтқан кезде бірлестік тиісті өтініш берілген күннен бастап он жұмыс күнінің ішінде куәлікті берген мемлекеттік органнан оның телнұсқасын ала алады. 3. ҚР Үкіметінің 2009.02.10. № 1513 Қаулысымен тараудың тақырыбы алып тасталды (бұр.ред.қара) ҚР Үкіметінің 2009.02.10. № 1513 Қаулысымен 17-тармақ өзгертілді (бұр.ред.қара) 17. Аккредиттеу туралы куәліктің қолданылуын мемлекеттік орган аккредиттеуге ұсынылған құжаттарда сенімсіз немесе бұрмаланған деректер анықталған жағдайда тоқтата тұрады. ҚР Үкіметінің 2009.02.10. № 1513 Қаулысымен 18-тармақ өзгертілді (бұр.ред.қара) 18. Куәліктің қолданылуының тоқтатыла тұруына әкеп соққан бұзушылықтар жойылған кезде мемлекеттік орган комиссияның оң шешімі негізінде оның қолданылуын жаңғыртады. 19. Аккредиттеу туралы куәлік өз қолданылуын мынадай: 1) ҚР Үкіметінің 2009.02.10. № 1513 Қаулысымен алып тасталды (бұр.ред.қара) 2) куәліктің қолданылуын тоқтата тұруға әкеп соққан бұзушылықтар бір айдың ішінде жойылмаған; 3) аккредиттелген бірлестік қайта ұйымдастырылған немесе таратылған; 4) бірлестік куәліктің қолданылуын ерікті тоқтату туралы өтініш берген; 5) оның қолданылу мерзімі өткен жағдайда тоқтатады. 20. Комиссия аккредиттеу туралы куәліктің қолданылуын тоқтату мәселелерін он жұмыс күні ішінде қарайды. ҚР Үкіметінің 2009.02.10. № 1513 Қаулысымен 21-тармақ өзгертілді (бұр.ред.қара) 21. Мемлекеттік орган бірлестікті аккредиттеу туралы куәліктің қолданылуын тоқтата тұру немесе тоқтату туралы бес жұмыс күні ішінде (мемлекеттік орган жолсыздықты тапқан сәттен бастап) хабардар етеді.
Жеке кәсіпкерлік субъектілерінің бірлестіктеріне аккредиттеу жүргізу ережесіне № 1 қосымша
Кімге ___________________________ (орталық мемлекеттік және _________________________________ жергілікті атқарушы орган басшысы- _________________________________ ның лауазымы, Т.А.Ә.) Кімнен __________________________ (бірлестік басшысының _________________________________ лауазымы Т.А.Ә.) Деректемелер: _________________________________ (заңды мекен-жайы, байланыс телефоны)
Өтініш
______________________________________________________________ (орталық мемлекеттік және жергілікті атқарушы органының атауы)
жанындағы кәсіпкерлік мәселелері жөніндегі сараптамалық кеңестің қызметі шеңберінде жеке кәсіпкерліктің мүдделерін қозғайтын нормативтік құқықтық кесімдердің жобаларына сараптама жүргізу құқығын тану үшін _______________________________________________ (бірлестіктің атауы) аккредиттеуді сұраймын. Өтінішке мынадай құжаттар қоса берілді: 1. ________________________________________________________ 2. ________________________________________________________ 3. ________________________________________________________ 4. ________________________________________________________ 5. ________________________________________________________
М.О. _________ _________________________________ (қолы) (лауазымы, тегі, аты, әкесінің аты)
"___"______ 200__ жыл
Жеке кәсіпкерлік субъектілерінің бірлестіктеріне аккредиттеу жүргізу ережесіне № 2 қосымша
Елтаңба ____________________________________ (бірлестіктің атауы)
аккредиттеу туралы КУӘЛІК
______________________________________________________________ (орталық мемлекеттік және жергілікті атқарушы органының атауы) ______________________________________________________________ (бірлестіктің атауы) ______________________________________________________________ (орталық мемлекеттік және жергілікті атқарушы органының атауы) жанындағы кәсіпкерлік мәселелері жөніндегі сараптамалық кеңестің қызметі шеңберінде _____________________________________________ (бірлестіктің атауы) жеке кәсіпкерлік мүдделерін қозғайтын нормативтік құқықтық кесімдердің жобаларына сараптама жүргізу құқығын мойындайды. (200 жылғы "___" ________ № ____ бұйрық) Куәлік 200 жылғы "___" ________ дейін жарамды Орталық мемлекеттік және жергілікті атқарушы органының басшысы (тегі, аты, әкесінің аты, қолы)
Сериясы:
Берілген күні:
Доступ к документам и консультации
от ведущих специалистов |