(БҰРЫНҒЫ РЕДАКЦИЯ) ҚР ІШКІ ІСТЕР МИНИСТРІНІҢ 2005.16.03. № 168 БҰЙРЫҒЫ

Жол полициясының қызметін жетілдіру жөніндегі Қазақстан Республикасы Ішкі істер министрінің кейбір бұйрықтарына өзгерістер мен толықтырулар енгізу туралы
Қазақстан Республикасы Ішкі істер министрлігінің 2005 жылғы 16 наурыздағы № 168 Бұйрығы

(2006.08.06. берілген өзгерістерімен)

Осы редакция 2013 жылғы 2 сәуірде енгізілген өзгерістеріне дейін қолданылды

Мемлекеттік техникалық байқауды жүргiзудi және ірі көлемді, ауыр салмақты және қауіпті жүктерді көлік құралдарымен тасымалдау кезінде жол қозғалысы қауіпсіздігін қамтамасыз етуді ұйымдастыруды жетілдіру мақсатында БҰЙЫРАМЫН:

1. ҚР Ішкі істер министрінің 2006.08.06. № 263 Бұйрығымен күші жойылды (бұр. ред. қара)

2. «Ішкі істер органдары жол полициясы бөлімшелерінің көлік құралдарының конструкциясы мен техникалық жағдайын байқауды ұйымдастыруы жөніндегі нұсқаулықты бекіту туралы» Казахстан Республикасы Ішкі істер министрінің 2003 жылғы 13 ақпандағы № 87 бұйрығына (Нормативтік құқықтық актілерді мемлекеттік тіркеу тізілімінде № 2194 болып тіркелген) мынадай өзгерістер мен толықтырулар енгізілсін:

аталған бұйрықпен бекітілген Ішкі істер органдары жол полициясы бөлімшелерінің көлік құралдарының конструкциясы мен техникалық жағдайын бақылауды ұйымдастыруы жөніндегі нұсқаулықта:

21-тармақтағы «және жабдықтарының» деген сөздер алынып тасталсын;

22-тармақ мынадай редакцияда жазылсын:

»22. Көлік құралдарына қауіпті жүктерді тасымалдауға рұқсат берудің тәртібі, сондай-ақ мұндай көлік құралдарының конструкциясына, техникалық жағдайына қойылатын талаптар Қазақстан Республикасы Ішкі істер министрінің 1999 жылғы 22 қарашадағы № 587 бұйрығымен (Нормативтік құқықтық актілерді мемлекеттік тіркеу тізілімінде № 990 болып тіркелген) бекітілген Мемлекеттік техникалық байқауды жүргізу тәртібіне және «Автомотокөлік құралдары мен оларға тіркемелерді техникалық диагностикалау. Жұмыстардың технологиясына қойылатын жалпы техникалық талаптар» Қазақстан Республикасы мемлекеттік стандартының 1086-2003 МС «В» қосымшасы 11-тармағының талаптарына сәйкес айқындалады»;