«Жұмыссыз азаматтарды есепке қою және тіркеу» мемлекеттік қызмет көрсетудің стандартын бекіту туралы» Астана қаласы әкімдігінің 2008 жылғы 13 наурыздағы № 23-294қ Қаулысы (күші жойылды)

«Жұмыссыз азаматтарды есепке қою және тіркеу» мемлекеттік қызмет көрсетудің стандартын бекіту туралы
Астана қаласы әкімдігінің 2008 жылғы 13 наурыздағы № 23-294қ Қаулысы

Астана қаласы Әкімдігінің 2009 жылғы 26 наурыздағы № 06-285қ Қаулысымен күші жойылды

Қазақстан Республикасы Үкіметінің 2007 жылғы 30 маусымдағы «Мемлекеттік қызмет көрсетудің үлгі стандартын бекіту туралы» № 558 қаулысына сәйкес, мемлекеттік қызмет көрсетудің сапасын көтеру мақсатында Астана қаласының әкімдігі ҚАУЛЫ ЕТЕДІ:

1. Қоса беріліп отырған «Астана қаласының Жұмыспен қамту және әлеуметтік бағдарламалар департаменті» мемлекеттік мекемесі (бұдан әрі - Департамент) көрсететін «Жұмыссыз азаматтарды тіркеу және есепке алу» мемлекеттік қызмет көрсетудің (бұдан әрі - мемлекеттік қызмет) стандарты бекітілсін.

2. Департамент мемлекеттік қызмет көрсетудің бекітілген стандартын, оның ішінде жыл сайын бекітілген көрсеткіштердің сапасы мен қол жетімділігін, қалалық маңызы бар бұқаралық ақпарат құралдарында жариялауды;

есептік тоқсаннан кейінгі айдың 10 жұлдызына және әрбір есеп беру жылының 15 желтоқсанына дейін Астана қаласы әкімі аппаратының мемлекеттік қызметтер мониторингі бөліміне сапа көрсеткіштері мен қол жетімділігінің мақсатты мәндеріне қол жеткізу жөнінде тоқсан сайынғы және жылдық есеп беруді қамтамасыз етсін.

3. Департамент осы қаулыны әділет органдарында мемлекеттік тіркеуді қамтамасыз етсін.

4. Осы қаулының орындалуын бақылау Астана қаласы әкімінің бірінші орынбасары Е.Х. Сұлтановқа жүктелсін.

5. Осы қаулы әділет органдарында мемлекеттік тіркелген күннен бастап күшіне енеді және алғаш ресми жарияланғаннан кейін күнтізбелік он күн өткен соң қолданысқа енгізіледі.

Астана қаласы әкімдігінің

2008 жылғы 13 наурыздағы

№ 23-294қ қаулысымен

бекітілді

Мемлекеттік қызмет көрсетудің стандарты

«Жұмыссыз азаматтарды есепке қою және тіркеу»

1. Жалпы ережелер

1. Осы стандарт жұмыссыздарды тіркеу бойынша мемлекеттік қызмет көрсету тәртібін анықтайды (бұдан әрі - мемлекеттік қызмет).