«Жұмыссыз азаматтарды есепке қою және тіркеу» мемлекеттік қызмет көрсетудің стандартын бекіту туралы» Ақмола облысы әкімдігінің 2008 жылғы 11 тамыздағы № А-6/336 қаулысы (2008.26.12. берілген өзгерістермен) (күші жойылды)

«Жұмыссыз азаматтарды есепке қою және тіркеу» мемлекеттік қызмет көрсетудің стандартын бекіту туралы
Ақмола облысы әкімдігінің 2008 жылғы 11 тамыздағы № А-6/336 қаулысы

(2008.26.12. берілген өзгерістермен)

Ақмола облысы әкімдігінің 2011 жылғы 10 наурыздағы № а-2/68 Қаулысымен күші жойылды

«Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1 бабына, «Жеке заңды тұлғаларға көрсетілетін мемлекеттік қызметтердің тізілімін бекіту туралы» Қазақстан Республикасы Үкіметінің 2007 жылғы 30 маусымдағы № 561 қаулысына сәйкес Ақмола облысының әкімдігі ҚАУЛЫ ЕТЕДІ:

1. Қоса беріліп отырған «Жұмыссыз азаматтарды есепке қою және тіркеу» мемлекеттік қызмет көрсетудің стандарты бекітілсін.

2. Осы қаулының орындалуын бақылау облыс әкімінің орынбасары Ғ.М. Бекмағамбетовке жүктелсін.

3. Облыс әкімдігінің осы қаулысы Ақмола облысы әділет департаментінде мемлекеттік тіркеуден өткен күнінен кейін күшіне енеді және ресми жарияланған күнінен бастап қолданысқа енгізіледі.

Ақмола облысы әкімдігінің

2008 жылғы 11 тамыздағы

№ А-6/336 қаулысымен

бекітілген

«Жұмыссыз азаматтарды есепке қою және тіркеу» мемлекеттік қызмет көрсетудің стандарты

1. Жалпы ережелер

1. Осы стандарт жұмыссыз азаматтарды есепке алу және тіркеу бойынша мемлекеттік қызмет көрсетудің (бұдан әрі- мемлекеттік қызмет) тәртібін белгілейді. Жұмыссыз азаматтарды есепке алу және тіркеу жұмыс табуға ниет білдірген және одан әрі оларды есепке алып, жұмысқа орналастыру үшін уәкілетті органға өтініш жасағандарды жұмыссыз тұлғалар ретінде тіркеу үшін жүзеге асырылады.

2. Көрсетілетін мемлекеттік қызметтің нысаны: ішінара автоматтандырылған.

3. Мемлекеттік қызмет «Халықты жұмыспен қамту туралы» Қазақстан Республикасының 2001 жылғы 23 қаңтардағы Заңының 15-бабы негізінде көрсетіледі.