| ||||||||||||||||||||
|
|
|
2009 жылға арналған республикалық бюджеттен облыстық бюджеттерге, Астана және Алматы қалаларының бюджеттеріне денсаулық сақтауға бөлінетін ағымдағы нысаналы трансферттердің ережесін бекіту туралы (2009.30.12. берілген өзгерістер мен толықтыруларымен)
«2009-2011 жылдарға арналған республикалық бюджет туралы» Қазақстан Республикасының 2008 жылғы 4 желтоқсандағы Заңының 12 және 20-баптарын іске асыру мақсатында Қазақстан Республикасының Үкіметі ҚАУЛЫ ЕТЕДІ: 1. Қоса беріліп отырған 2009 жылға арналған республикалық бюджеттен облыстық бюджеттерге, Астана және Алматы қалаларының бюджеттеріне денсаулық сақтауға бөлінетін ағымдағы нысаналы трансферттерді пайдалану ережесі бекітілсін. 2. Қазақстан Республикасы Денсаулық сақтау министрлігі бекітілген - ағымдағы нысаналы трансферттердің сомасын Қазақстан Республикасының Үкіметі белгілеген тәртіппен облыстық бюджеттерге, Астана және Алматы қалаларының бюджеттеріне аударуды қамтамасыз етсін. 3. Облыстардың, Астана және Алматы қалаларының әкімдері: 1) бөлінген ағымдағы нысаналы трансферттердің сомасын уақтылы және нысаналы пайдалануды; 2) Қазақстан Республикасы Денсаулық сақтау министрлігіне бөлінген ағымдағы нысаналы трансферттердің сомасын пайдалану туралы есептерді есепті айдан кейінгі айдың 15-күніне дейін беруді қамтамасыз етсін. 4. Осы қаулы 2009 жылғы 1 қаңтардан бастап қолданысқа енгізіледі және ресми жариялануға тиіс.
Үкіметінің 2009 жылғы 16 қаңтардағы № 11 қаулысымен бекітілген
2009 жылға арналған республикалық бюджеттен облыстық бюджеттерге, Астана және Алматы қалаларының бюджеттеріне денсаулық сақтауға бөлінетін ағымдағы нысаналы трансферттерді пайдалану ережесі
1. Осы 2009 жылға арналған республикалық бюджеттен облыстық бюджеттерге, Астана және Алматы қалаларының бюджеттеріне денсаулық сақтауға бөлінетін ағымдағы нысаналы трансферттерді пайдалану ережесі (бұдан әрі - Ереже) «2009-2011 жылдарға арналған республикалық бюджет туралы» Қазақстан Республикасының 2008 жылғы 4 желтоқсандағы Заңының 12 және 20-баптарына сәйкес әзірленген. Ереже облыстық бюджеттерге, Астана және Алматы қалаларының бюджеттеріне республикалық бюджеттен денсаулық сақтауға бөлінетін ағымдағы нысаналы трансферттерді мынадай республикалық бюджеттік бағдарламалар бойынша пайдалану тәртібін айқындайды: 1) 010 «Облыстық бюджеттерге, Астана және Алматы қалаларының бюджеттеріне кепілдік берілген тегін медициналық көмек көлемін қамтамасыз етуге және кеңейтуге бөлінетін ағымдағы нысаналы трансферттер»; 2) 027 «Облыстық бюджеттерге, Астана және Алматы қалаларының бюджеттеріне жаңадан іске қосылатын денсаулық сақтау объектілерін ұстауға бөлінетін ағымдағы нысаналы трансферттер»; 3) 028 «Облыстық бюджеттерге, Астана және Алматы қалаларының бюджеттеріне дәрілік заттарды, вакциналарды және басқа да иммунобиологиялық препараттарды сатып алуға бөлінетін ағымдағы нысаналы трансферттер»; 4) 038 «Облыстық бюджеттерге, Астана және Алматы қалаларының бюджеттеріне жергілікті деңгейде медициналық денсаулық сақтау ұйымдарын материалдық-техникалық жарақтандыруға бөлінетін ағымдағы нысаналы трансферттер». 2. Ағымдағы нысаналы трансферттерді пайдалану Қазақстан Республикасының бюджет заңнамасына, мемлекеттік сатып алу туралы және денсаулық сақтау саласындағы заңнамасына сәйкес жүзеге асырылады. 3. Қазақстан Республикасы Денсаулық сақтау министрлігі 2009 жылғы 15 қаңтарға дейінгі мерзімде: 1) 2009 жылға арналған болжамды бағаларды ескере отырып, аурулар түрлерінің тізбесі мен амбулаториялық және стационарлық емдеу кезінде дәрілік заттардың, вакциналар мен басқа да медициналық иммундық-биологиялық препараттардың бірыңғай номенклатурасын, сондай-ақ олардың көлемін айқындайды; ҚР Үкіметінің 2008.09.09. № 1335 қаулысымен 2) тармақша өзгертілді (бұр.ред.қара) 2) уәкілетті орган бекіткен медицина техникасымен және медициналық мақсаттағы бұйымдармен жарақтандырудың ең төмен нормативтерінің (стандарттарының) шеңберінде жергілікті деңгейдегі медицина ұйымдарына арналған медициналық жабдықтар мен медициналық мақсаттағы бұйымдардың тізбесін денсаулық сақтауды жергілікті мемлекеттік басқару органдарымен келіседі. ҚР Үкіметінің 2008.09.09. № 1335 қаулысымен 4-тармақ өзгертілді (бұр.ред.қара) 4. Қазақстан Республикасы Денсаулық сақтау министрлігі вакциналар мен басқа да медициналық иммундық-биологиялық препараттарды, диабетке қарсы препараттарды, туберкулезге қарсы препараттарды, онкологиялық сырқаттарға және гематологиялық сырқаттарға химиялық препараттар сатып алу, гемофилиямен ауыратын ересек сырқаттарға арналған қан ұйыту факторларын және жергілікті деңгейдегі денсаулық сақтау ұйымдары үшін осы Ережеге 1-қосымшаға сәйкес медициналық жабдықтарды, медициналық мақсаттағы бұйымдарды мемлекеттік сатып алу жөніндегі конкурстардың бірыңғай ұйымдастырушысы болады. Конкурстық комиссияның құрамына облыстық, Астана және Алматы қалаларының денсаулық сақтауды басқару органдарының өкілдері кіреді. ҚР Үкіметінің 2008.09.09. № 1335 қаулысымен 5-тармақ өзгертілді (бұр.ред.қара) 5. Денсаулық сақтауды жергілікті мемлекеттік басқару органдары АИТВ жұқтырған және ЖҚТБ-мен ауыратын балаларды емдеу үшін, лейкемиямен ауыратын балалар үшін дәрілік заттарды, жіті миокард инфаркт сырқаттарына тромболитикалық препараттарды сатып алу жөніндегі, осы Ережеге 1-қосымшада санамаланған медициналық жабдықтарды қоспағанда, жергілікті деңгейдегі денсаулық сақтау ұйымдары үшін медициналық жабдықтар мен медициналық мақсаттағы бұйымдарды мемлекеттік сатып алу жөніндегі конкурстардың ұйымдастырушылары болады. 6. Облыстық бюджеттерге, Астана және Алматы қалаларының бюджеттеріне кепілдік берілген тегін медициналық көмек көлемін қамтамасыз етуге және кеңейтуге берілетін ағымдағы нысаналы трансферттер гематологиямен ауыратын ересектерді химиялық препараттармен, жіті миокард инфаркт сырқаттарын тромболитикалық препараттармен, гемофилиямен (В гемофилияны қоса алғанда) ауыратын ересек сырқаттарды қан ұйыту факторларымен қамтамасыз ету, аурулардың алдын алуға, салауатты өмір салтын насихаттау мен қалыптастыруға, психоэмоционалдық және физикалық жүктемелерге үстемеақы алатын лауазымдар мен мамандықтардың (неонатологтар, операцияларға қатыспайтын хирургиялық бөлімшелердің мейірбикелері, онкогематологтар) тізбесін кеңейтуге және ауыр (аса ауыр) физикалық жұмыс және зиянды (аса зиянды) және қауіпті (аса қауіпті) еңбек жағдайларында жұмыс істейтін жұмысшыларға, туберкулезге қарсы қызмет, сәулелік диагностика мамандарына үстемеақыларды ұлғайтуға, коронаграфиялық зерттеулерге, Алматы, Жамбыл, Қызылорда және Оңтүстік Қазақстан облыстарының тегін медициналық көмектің кепілді көлемін қаржыландыруды орта өңірлік деңгейге дейін кезең-кезеңмен жеткізуге пайдаланылады. 7. Мемлекеттік қабылдау комиссиясының заңнамада белгіленген тәртіппен объектіні пайдалануға беру туралы бекітілген актісі облыстық бюджеттерге, Астана және Алматы қалаларының бюджеттеріне жаңадан іске қосылатын денсаулық сақтау объектілерін ұстауға ағымдағы нысаналы трансферттер бөлу үшін шарт болып табылады. Ағымдағы нысаналы трансферттер күрделі сипаттағы шығыстарды қоспағанда, жаңадан іске қосылатын денсаулық сақтау объектілерін ұстауға байланысты ағымдағы шығыстарға пайдаланылады. Денсаулық сақтауды жергілікті мемлекеттік басқару органдары объектіні пайдалануға беру кешіктірілген жағдайда 2009 жылғы 1 тамыздан кешіктірмей Қазақстан Республикасы Денсаулық сақтау министрлігіне тиісті қаржы жылына арнап бекітілген сома шегінде қаражатты объектілер арасында қайта бөлу туралы ұсыныстар енгізе алады. ҚР Үкіметінің 2008.09.09. № 1335 қаулысымен 8-тармақ жаңа редакцияда (бұр.ред.қара) 8. Облыстық бюджеттерге, Астана және Алматы қалаларының бюджеттеріне жергілікті деңгейдегі медициналық денсаулық сақтау ұйымдарын материалдық-техникалық жарақтандыруға берілетін ағымдағы нысаналы трансферттер медициналық жабдықтар, медициналық мақсаттағы бұйымдар сатып алуға пайдаланылады. 9. Қазақстан Республикасы Денсаулық сақтау министрлігі облыстық бюджеттерге, Астана және Алматы қалаларының бюджеттеріне берілетін ағымдағы нысаналы трансферттерді аударуды нысаналы трансферттер бойынша нәтижелер туралы келісімнің, заңнамада белгіленген тәртіппен бекітілген төлемдер бойынша тиісті бюджеттік бағдарламаны қаржыландырудың жеке жоспарының негізінде жүргізеді. 10. Осы Ережеге қосымшаларға сәйкес тиісті әкімшілік-аумақтық бірліктердің медицина ұйымдарының арасында медициналық жабдықтар мен медициналық мақсаттағы бұйымдарды бөлуді ағымдағы нысаналы трансферттердің сомасын пайдалану бағыттарына сәйкес денсаулық сақтауды жергілікті мемлекеттік басқару органдары жүзеге асырады. 11. Қазақстан Республикасы Денсаулық сақтау министрлігі Қазақстан Республикасының заңнамасында белгіленген тәртіппен және мерзімде Қазақстан Республикасы Қаржы министрлігіне есеп береді.
ҚР Үкіметінің 2008.09.09. № 1335 қаулысымен 1-қосымша жаңа редакцияда (бұр.ред.қара)
2009 жылға арналған республикалық бюджеттен облыстық бюджеттерге, Астана және Алматы қалаларының бюджеттеріне денсаулық сақтауға бөлінетін ағымдағы нысаналы трансферттерді пайдалану ережесіне 1-қосымша
Конкурстың бірыңғай ұйымдастырушысы Қазақстан Республикасы Денсаулық сақтау министрлігі болып табылатын жергілікті деңгейдегі медициналық ұйымдарды материалдық-техникалық жарақтандыруға облыстық бюджеттерге, Астана және Алматы қалаларының бюджеттеріне берілетін ағымдағы нысаналы трансферттердің шеңберінде 2009 жылы сатып алынатын медициналық жабдықтардың және медициналық мақсаттағы бұйымдардың тізбесі
ҚР Үкіметінің 2008.09.09. № 1335 қаулысымен (бұр.ред.қара); ҚР Үкіметінің 2009.30.12. № 2273 қаулысымен (бұр.ред.қара) 2-қосымша жаңа редакцияда
2009 жылға арналған республикалық бюджеттен облыстық бюджеттерге, Астана және Алматы қалаларының бюджеттеріне денсаулық сақтауға бөлінетін ағымдағы нысаналы трансферттерді пайдалану ережесіне 2-қосымша
2009 жылы облыстық бюджеттерге, Астана және Алматы қалаларының бюджеттеріне жергілікті деңгейде денсаулық сақтау ұйымдарын материалдық-техникалық жарақтандыруға берілетін ағымдағы нысаналы трансферттердің сомасын бөлу
мың теңге
кестенің жалғасы мың теңге
Доступ к документам и консультации
от ведущих специалистов |