«Ислам банктерінің пруденциалдық нормативтерді орындауы жөніндегі есептілігі, оны ұсыну нысандары мен мерзімдері туралы» Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқарамасының 2009 жылғы 27 наурыздағы № 67 Қаулысы (2013.25.02. берілген өзгерістер мен толықтырулармен) (күші жойылды)

Ислам банктерінің пруденциалдық нормативтерді орындауы жөніндегі есептілігі, оны ұсыну нысандары мен мерзімдері туралы
Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқарамасының 2009 жылғы 27 наурыздағы № 67 Қаулысы

(2013.25.02. берілген өзгерістер мен толықтырулармен)

ҚР Ұлттық Банкі Басқармасының 2015 жылғы 8 мамырдағы № 75 Қаулысымен күші жойылды

«Қазақстан Республикасындағы банктер және банк қызметі туралы» Қазақстан Республикасының 1995 жылғы 31 тамыздағы Заңының 42-бабының 1-1-тармағына, «Қаржы рыногы мен қаржылық ұйымдарды мемлекеттік реттеу және қадағалау туралы» Қазақстан Республикасы 2003 жылғы 4 шілдедегі Заңының 9-бабының 1-тармағының 6) тармақшасына сәйкес Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы ҚАУЛЫ ЕТЕДІ:

ҚР Ұлттық Банкі Басқармасының 2012.28.04. № 172 Қаулысымен 1-тармақ жаңа редакцияда (бұр.ред.қара); ҚР Ұлттық Банкі Басқармасының 2012.24.12. № 383 Қаулысымен 1-тармақ өзгертілді (бұр.ред.қара)

1. Ислам банктері пруденциалдық нормативтерді орындауы жөніндегі мынадай есептіліктерді ұсынады:

1) осы қаулының 1-қосымшасына сәйкес нысан бойынша пруденциалдық нормативтерді орындауы жөніндегі есеп;

2) осы қаулының 2-қосымшасына сәйкес нысан бойынша кредиттік тәуекелді есепке ала отырып мөлшерленген активтер талдамасы;

3) осы қаулының 3-қосымшасына сәйкес нысан бойынша кредиттік тәуекелді есепке ала отырып мөлшерленген шартты және ықтимал міндеттемелер талдамасы;

4) осы қаулының 4-қосымшасына сәйкес нысан бойынша уақыт аралығы бойынша (валюталар бойынша) ашық позицияларды бөлу;

5) осы қаулының 5-қосымшасына сәйкес нысан бойынша исламдық бағалы қағаздарының жалпы нарықтық тәуекелі есебінің талдамасы;

6) осы қаулының 6-қосымшасына сәйкес нысан бойынша акциялардың нарықтық құнының немесе акция индексінің өзгеруіне байланысты нарықтық тәуекелдің талдамасы;