«Электрондық ақпараттық ресурстарды Алматы қаласы әкімдігінің интернет-ресурсына орналастыру ережесін бекіту туралы» Алматы қаласы әкімдігінің 2010 жылғы 26 тамыздағы № 3/532 қаулысы

Электрондық ақпараттық ресурстарды Алматы қаласы әкімдігінің интернет-ресурсына орналастыру ережесін бекіту туралы
Алматы қаласы әкімдігінің 2010 жылғы 26 тамыздағы № 3/532 қаулысы

Қазақстан Республикасының Азаматтық кодексіне, Қазақстан Республикасының 2007 жылғы 11 қаңтардағы «Ақпараттандыру туралы» Заңына, Қазақстан Республикасы Үкіметінің 2007 жылғы 13 шілдедегі № 598 «Электрондық ақпараттық ресурстарды мемлекеттік органдардың интернет-сайттарына орналастыру ережесін бекіту туралы» қаулысына сәйкес Алматы қаласының әкімдігі ҚАУЛЫ ЕТЕДІ:

1. Қоса беріліп отырған Электрондық ақпараттық ресурстарды Алматы қаласы әкімдігінің интернет-ресурсына орналастыру ережесі бекітілсін.

2. Алматы қаласы әкімінің баспасөз қызметі Электрондық ақпараттық ресурстарды Алматы қаласы әкімдігінің интернет-ресурсына орналастыру бойынша жауапты құрылымдық бөлімше болып белгіленсін.

3. Осы қаулының орындалуын бақылау Алматы қаласы әкімі аппаратының басшысы Б. Доспановқа жүктелсін.

Алматы қаласы әкімдігінің

2010 жылғы 26 тамыздағы

№ 3/532 қаулысымен бекітілген

Электрондық ақпараттық ресурстарды Алматы қаласы әкімдігінің интернет-ресурсына орналастыру

ережесі

1. Жалпы ережелер

1. Осы Ережелер Электрондық ақпараттық ресурстарды Алматы қаласы әкімдігінің интернет-ресурсына орналастыру тәртібін белгілейді.

2. Алматы қаласы әкімдігінің интернет-ресурсы:

1) жергілікті бюджеттен қаржыландырылатын атқарушы органдардың, орталық мемлекеттік органдардың аумақтық бөлімшелері мен мемлекеттік кәсіпорындардың қала тұрғындарымен өзара іс-қимыл жасауының тиімді жүйесін қалыптастыруға мүмкіндік туғызады;

2) жергілікті бюджеттен қаржыландырылатын атқарушы органдардың қызметіне қоғамдық бақылауды жүзеге асыру түрінің бірі болып табылады.

3. Интернет-ресурс қаланың қоғамдық саяси дамуы мен экономикалық, әлеуметтік маңызды міндеттерін шешуге бейімдеуі және қамтамасыз етуі тиіс:

1) жергілікті бюджеттен қаржыландырылатын атқарушы органдардың қызметі туралы ақпаратқа азаматтардың кіру құқығын жүзеге асыруды;