(БҰРЫНҒЫ РЕДАКЦИЯ) ҚР ПРЕМЬЕР-МИНИСТРІНІҢ 2010.13.02 № 26-Ө ӨКІМІ

Қазақстан Республикасын үдемелі индустриялық-инновациялық дамыту жөніндегі республикалық басқару орталығын құру туралы
Қазақстан Республикасы Премьер-Министрінің 2010 жылғы 13 ақпандағы № 26-ө Өкімі

(2010.07.10. берілген өзгерістер мен толықтыруларымен)

Осы редакция 2012 жылғы 23 қаңтарда енгізілген өзгерістеріне дейін қолданылды

Мемлекет басшысының 2010 жылғы 29 қаңтардағы «Жаңа онжылдық - жаңа экономикалық өрлеу - Қазақстанның жаңа мүмкіндіктері» атты Қазақстан халқына Жолдауын іске асыру мақсатында елді үдемелі индустриялық-инновациялық дамытуды жүзеге асыру мәселелері бойынша:

1. Мынадай:

1) осы өкімге 1-қосымшаға сәйкес құрамда оған инвестициялық жобалардың іске асырылу барысын үйлестіру жөніндегі функциялар жүктеле отырып, Қазақстан Республикасын үдемелі индустриялық-инновациялық дамыту жөніндегі республикалық басқару орталығы (бұдан әрі - РБО);

2) осы өкімге 2-қосымшаға сәйкес құрамда инвестициялық жобалардың іске асырылу барысын бақылау жөніндегі республикалық жобалау топтары (бұдан әрі - Топтар) құрылсын.

2. Облыстарды, республикалық маңызы бар қала мен астананы үдемелі индустриялық дамыту жөніндегі үйлестіру кеңестері үдемелі индустриялық-инновациялық дамыту жөніндегі өңірлік басқару орталықтары (бұдан әрі - Орталықтар) ретінде инвестициялық жобалардың іске асырылу барысын үйлестіруді жүзеге асырсын.

3. Инвестициялық жобалар:

осы өкімге 3-қосымшаға сәйкес Топтар;

осы өкімге 4-қосымшаға сәйкес Орталықтар арасында бөлінсін.

ҚР Премьер-Министрінің 2010.27.05. № 77-ө Өкімімен 4-тармақ өзгертілді (бұр.ред.қара)

4. Қазақстан Республикасы Индустрия және жаңа технологиялар министрлігі:

Топтар мен Орталықтар қызметін үйлестіруді жүзеге асырсын;

инвестициялық жобалардың іске асырылу барысына тәуелсіз мониторинг жүргізетін ұйымды айқындасын.

ҚР Премьер-Министрінің 2010.27.05. № 77-ө Өкімімен 5-тармақ өзгертілді (бұр.ред.қара)

5. Топтардың, Орталықтардың басшылары:

объектілер мен құрылыс алаңдарына тікелей бара отырып, кемінде айына бір рет Топтардың және Орталықтардың отырыстарын өткізсін;