«Шет мемлекеттің туын көтеріп жүзетін кемелердің каботажды жүзеге асыруына рұқсат беру» мемлекеттік қызмет көрсету регламенті (Қазақстан Республикасы Көлік және коммуникация министрінің 2012 жылғы 17 қыркүйектегі № 603 бұйрығына 3-қосымша) (күші жойылды)

ҚР Қөлік және коммуникация министрінің м.а. 2014 жылғы 3 сәуірдегі № 221 бұйрығымен күші жойылды

Қазақстан Республикасы Көлік және

коммуникация министрінің

2012 жылғы 17 қыркүйектегі

№ 603 бұйрығына

3-қосымша

«Шет мемлекеттің туын көтеріп жүзетін кемелердің каботажды жүзеге асыруына рұқсат беру»
мемлекеттік қызмет көрсету регламенті


1. Негізгі ұғымдар және жалпы ережелер

1. Осы «Шет мемлекеттің туын көтеріп жүзетін кемелердің каботажды жүзеге асыруына рұқсат беру» Регламентінде (бұдан әрі - Регламент) келесі түсініктер пайдаланылады:

1) мемлекеттік қызмет - шет мемлекеттің туын көтеріп жүзетін кемелердің каботажды жүзеге асыруына рұқсат беру;

2) рұқсат - шет мемлекеттің туын көтеріп жүзетін кемелердің каботажды жүзеге асыруына рұқсат;

3) тұтынушы - мемлекеттік қызметті көрсету өтініші уәкілетті органға келіп түскен Қазақстан Республикасында белгіленген тәртіппен тіркелген жеке және заңды тұлға;

4) уәкілетті орган - Қазақстан Республикасы Көлік және коммуникация министрлігі.

2. Осы Регламент «Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1-бабы 4-тармағына, «Теңіз көлігі саласында Қазақстан Республикасы Көлік және коммуникация министрлігі көрсететін мемлекеттік қызметтердің стандарттарын бекіту туралы» Қазақстан Республикасы Үкіметінің 2012 жылғы 31 шілдедегі № 1008 қаулысымен бекітілген «Шет мемлекеттің туын көтеріп жүзетін кемелердің каботажды жүзеге асыруына рұқсат беру» мемлекеттік қызмет стандартына (бұдан әрі - Стандарт) сәйкес әзірленді.

3. Мемлекеттік қызмет уәкілетті органмен көрсетіледі.

4. Мемлекеттік қызмет көрсету нысаны: автоматтандырылмаған.

5. Мемлекеттік қызмет тегін көрсетіледі.