«Әлеуметтік мемлекеттік қызметтердің регламенттерін бекіту туралы» Оңтүстік Қазақстан облысы әкімдігінің 2012 жылғы 14 желтоқсандағы № 370 Қаулысы (күші жойылды)

Әлеуметтік мемлекеттік қызметтердің регламенттерін бекіту туралы
Оңтүстік Қазақстан облысы әкімдігінің 2012 жылғы 14 желтоқсандағы № 370 Қаулысы

Оңтүстік Қазақстан облысы әкімдігінің 2013 жылғы 27 маусымдағы № 157 Қаулысымен күші жойылды

«Әкімшілік рәсімдер туралы» Қазақстан Республикасының 2000 жылғы 27 қарашадағы Заңының 9-1-бабының 4-тармағына сәйкес Оңтүстік Қазақстан облысының әкімдігі ҚАУЛЫ ЕТЕДІ:

1. Мыналар:

1) осы қаулыға 1-қосымшаға сәйкес «Өтініш берушінің (отбасының) атаулы әлеуметтік көмек алушыларға тиесілігін растайтын анықтама беру» мемлекеттік қызметінің регламенті;

2) осы қаулыға 2-қосымшаға сәйкес «Адамдарға жұмыспен қамтуға жәрдемдесудің белсенді нысандарына қатысуға жолдама беру» мемлекеттік қызметінің регламенті;

3) осы қаулыға 3-қосымшаға сәйкес «18 жасқа дейінгі балалары бар отбасыларға мемлекеттік жәрдемақылар тағайындау» мемлекеттік қызметінің регламенті;