«Алматы қаласы аумағында таратылатын шетелдік мерзімді баспасөз басылымдарын есепке алу» мемлекеттік көрсетілетін қызмет регламентін бекіту туралы» Алматы қаласы әкімдігінің 2014 жылғы 28 сәуірдегі № 2/309 Қаулысы (2014.21.10. берілген толықтырулармен) (күші жойылды)

«Алматы қаласы аумағында таратылатын шетелдік мерзімді баспасөз басылымдарын есепке алу» мемлекеттік көрсетілетін қызмет регламентін бекіту туралы
Алматы қаласы әкімдігінің 2014 жылғы 28 сәуірдегі № 2/309 Қаулысы

(2014.21.10. берілген толықтырулармен)

Алматы қаласы әкімдігінің 2015 жылғы 13 шілдедегі № 3/436 Қаулысымен күші жойылды

Қазақстан Республикасының 1999 жылғы 23 шілдедегі № 451 «Бұқаралық ақпарат құралдары туралы», 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» және 2013 жылғы 15 сәуірдегі «Мемлекеттік көрсетілетін қызметтер туралы» Заңдарына сәйкес, Қазақстан Республикасы Үкіметінің 2014 жылғы 5 наурыздағы № 180 «Ақпарат саласындағы мемлекеттік көрсетілетін қызметтер стандарттарын бекіту туралы» қаулысын басшылыққа ала отырып, Алматы қаласының әкімдігі ҚАУЛЫ ЕТЕДІ:

1. Қоса беріліп отырған «Алматы қаласы аумағында таратылатын шетелдік мерзімді баспасөз басылымдарын есепке алу» мемлекеттік көрсетілетін қызмет регламенті бекітілсін.

2. Мыналардың күші жойылды деп танылсын:

Алматы қаласы әкімдігінің «Алматы қаласы аумағында таратылатын шетелдік бұқаралық ақпарат құралдарын есепке алу» электрондық мемлекеттік қызмет регламентін бекіту туралы» 2012 жылғы 8 маусымдағы № 2/536 қаулысы (нормативтік құқықтық актілерді мемлекеттік тіркеу Тізілімінде № 945 болып тіркелген, 2012 жылғы 24 шілдеде «Алматы ақшамы» және «Вечерний Алматы» газеттерінің сандарында жарияланған);

Алматы қаласы әкімдігінің «Алматы қаласы әкімдігінің «Алматы қаласы аумағында таратылатын шетелдік бұқаралық ақпарат құралдарын есепке алу» электрондық мемлекеттік қызмет регламентін бекіту туралы» 2012 жылғы 8 маусымдағы № 2/536 қаулысына өзгерістер мен толықтырулар енгізу туралы» 2013 жылғы 23 мамырдағы № 2/430 қаулысы (нормативтік құқықтық актілерді мемлекеттік тіркеу Тізілімінде 2013 жылғы 21 маусымда № 981 болып тіркелген, 2013 жылғы 27 маусымда «Алматы ақшамы» және «Вечерний Алматы» газеттерінде жарияланған).

3. Алматы қаласы Ішкі саясат басқармасы осы қаулыны Алматы қаласы әкімдігінің интернет-ресурсында орналастыруды қамтамасыз етсін.