«Орал қаласының ветеринария бөлімі» мемлекеттік мекемесі туралы ережені бекіту туралы» Батыс Қазақстан облысы Орал қаласы әкімдігінің 2015 жылғы 30 қаңтардағы № 376 Қаулысы (күші жойылды)

«Орал қаласының ветеринария бөлімі» мемлекеттік мекемесі туралы ережені бекіту туралы
Батыс Қазақстан облысы Орал қаласы әкімдігінің 2015 жылғы 30 қаңтардағы № 376 Қаулысы

Батыс Қазақстан облысы Орал қаласы әкімдігінің 2016 жылғы 13 мамырдағы № 1331 Қаулысымен күші жойылды

Қазақстан Республикасының Азаматтық кодексін, «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасының Заңын басшылыққа ала отырып, Орал қаласының әкімдігі ҚАУЛЫ ЕТЕДІ:

1. Қоса беріліп отырған «Орал қаласының ветеринария бөлімі» мемлекеттік мекемесі туралы ереже бекітілсін.

2. Орал қаласы әкімі аппараты басшысының орынбасары-мемлекеттік-құқықтық жұмыстар бөлімінің басшысы (М. Умралеев) осы қаулының әділет органдарында мемлекеттік тіркелуін, «Әділет» ақпараттық-құқықтық жүйесінде және бұқаралық ақпарат құралдарында оның ресми жариялануын қамтамасыз етсін.

3. Осы қаулының орындалуын бақылау Орал қаласы әкімінің орынбасары М. Қ. Сатыбалдиевке жүктелсін.

4. Осы қаулы алғашқы ресми жарияланған күнінен бастап қолданысқа енгізіледі.

Орал қаласы әкімдігінің

2015 жылғы 30 қаңтардағы

№ 376 қаулысымен бекітілген

«Орал қаласының ветеринария бөлімі»
мемлекеттік мекемесі туралы
ереже

1. Жалпы ережелер

1. «Орал қаласының ветеринария бөлімі» мемлекеттік мекемесі Қазақстан Республикасының заңнамасына сәйкес ветеринария саласында басшылықты жүзеге асыратын Қазақстан Республикасының мемлекеттік органы болып табылады.

2. «Орал қаласының ветеринария бөлімі» мемлекеттік мекемесі өз қызметін Қазақстан Республикасының Конституциясына және заңдарына, Қазақстан Республикасы Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.