«Әлеуметтік медициналық сақтандыру қорының медициналық көмек көрсетуге арналған қаражат бойынша есептілікті ұсыну нысандары мен мерзімдерін бекіту туралы» Қазақстан Республикасы Денсаулық сақтау министрінің 2017 жылғы 16 тамыздағы № 612 бұйрығы (2024.30.11. берілген өзгерістер мен толықтырулармен)

Әлеуметтік медициналық сақтандыру қорының медициналық көмек көрсетуге арналған қаражат бойынша есептілікті ұсыну нысандары мен мерзімдерін бекіту туралы
Қазақстан Республикасы Денсаулық сақтау министрінің 2017 жылғы 16 тамыздағы № 612 бұйрығы

(2024.30.11. берілген өзгерістер мен толықтырулармен)

ҚР Денсаулық сақтау министрінің 2024.13.11. № 94 бұйрығымен тақырыбы жаңа редакцияда (2024 ж. 30 қарашадан бастап қолданысқа енгізілді) (бұр.ред.қара)

ҚР Денсаулық сақтау министрінің 2023.26.07. № 137 бұйрығымен преамбуласы жаңа редакцияда (2024 ж. 1 қаңтардан бастап қолданысқа енгізілді) (бұр.ред.қара)

«Міндетті әлеуметтік медициналық сақтандыру туралы» 2015 жылғы 16 қарашадағы Қазақстан Республикасының Заңы 11-бабының 7) тармақшасына, сондай-ақ «Мемлекеттік статистика туралы» 2010 жылғы 19 наурыздағы Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:

ҚР Денсаулық сақтау министрінің 2018.11.10. № ҚР ДСМ-27 бұйрығымен (бұр.ред.қара); 2021.12.07. № ҚР ДСМ-60 бұйрығымен (бұр.ред.қара); 2023.26.07. № 137 бұйрығымен (2024 ж. 1 қаңтардан бастап қолданысқа енгізілді) (бұр.ред.қара) 1-тармақ жаңа редакцияда; ҚР Денсаулық сақтау министрінің 2024.13.11. № 94 бұйрығымен 1-тармақ өзгертілді (2024 ж. 30 қарашадан бастап қолданысқа енгізілді) (бұр.ред.қара)

1. Бекітілсін:

1) осы бұйрыққа 1-қосымшаға сәйкес әлеуметтік медициналық сақтандыру қорының медициналық көмек көрсетуге арналған қаражат бойынша есептілікті ұсыну нысандары мен мерзімдерінің тізбесі;

 2) осы бұйрыққа 2-қосымшаға сәйкес «Әлеуметтік медициналық сақтандыру қорының активтерін орналастыру туралы есеп» нысаны;

3) осы бұйрыққа 3-қосымшаға сәйкес «Тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде активтер мен пассивтер бойынша әлеуметтік медициналық сақтандыру қорының есебі» нысаны;