«Облыстың мемлекеттік орман қоры учаскелерінде ормандарды пайдаланудың кейбір түрлері үшін төлемақы ставкаларын бекіту туралы» Жамбыл облысы мәслихатының 2015 жылғы 25 маусымдағы № 38-11 шешімі (күші жойылды)

Облыстың мемлекеттік орман қоры учаскелерінде ормандарды пайдаланудың кейбір түрлері үшін төлемақы ставкаларын бекіту туралы
Жамбыл облысы мәслихатының 2015 жылғы 25 маусымдағы № 38-11 шешімі

Жамбыл облыстық мәслихатының 2018 жылғы 29 маусымдағы № 24-9 шешімімен күші жойылды

«Салық және бюджетке төленетін басқа міндетті төлемдер туралы» (Салық кодексі) Қазақстан Республикасының 2008 жылғы 10 желтоқсандағы кодексінің 506 бабына, Қазақстан Республикасының 2003 жылғы 8 шілдедегі Орман кодексінің 14 бабына және Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес Жамбыл облыстық мәслихаты ШЕШІМ ҚАБЫЛДАДЫ:

1. Облыстың мемлекеттік орман қоры учаскелерінде екінші дәрежелі сүрек ресурстарын дайындауға төлемақы ставкалары 1-қосымшаға сәйкес белгіленсін.

2. Мемлекеттік орман қоры учаскелерінде жанама орман пайдалану үшін төлемақы ставкалары 2-қосымшаға сәйкес белгіленсін.

3. Аңшылық шаруашылығының қажеттіліктері үшін, ғылыми-зерттеу, мәдени-ағарту, туристік, рекреациялық және спорттық мақсаттарда мемлекеттік орман қоры учаскелерін пайдалану үшін төлемақы ставкалары 3-қосымшаға сәйкес белгіленсін.

4. Мемлекеттік орман қоры учаскелерінде дәрілік өсімдіктерді жинау және дайындау үшін төлемақы ставкалары мен мемлекеттік орман қоры учаскелерінде қамысты жинау және дайындау үшін төлемақы ставкалар 4-қосымшаға сәйкес белгіленсін.

5. «Облыстың мемлекеттік орман қоры учаскелерінде орманды пайдаланудың кейбір түрлері үшін төлемақы ставкаларын белгілеу туралы» Жамбыл облыстық мәслихатының 2011 жылғы 15 наурыздағы № 32-8 шешімінің (нормативтік құқықтық актілердің мемлекеттік тіркеу Тізілімінде № 1776 болып тіркелген, «Ақ жол» газетінде 2011 жылдың 28 сәуірінде № 69-70 (17 359-17 360) жарияланған) күші жойылды деп танылсын.

6. Осы шешім әділет органдарында мемлекеттік тіркелген күннен бастап күшіне енеді және оны алғаш ресми жарияланғаннан кейін күнтізбелік он күн өткен соң қолданысқа енгізіледі.