«Жекешелендірудің 2021 - 2025 жылдарға арналған кейбір мәселелері туралы» Қазақстан Республикасы Үкіметінің 2020 жылғы 29 желтоқсандағы № 908 Қаулысы (2024.24.03. берілген өзгерістер мен толықтыруларымен)

Жекешелендірудің 2021 - 2025 жылдарға арналған кейбір мәселелері туралы
Қазақстан Республикасы Үкіметінің 2020 жылғы 29 желтоқсандағы № 908 Қаулысы

(2024.24.03. берілген өзгерістер мен толықтыруларымен)

Осы Қаулыға толықтыру енгізу туралы ҚР Үкіметінің 2023.19.10. № 927 Қаулысын қараңыз (қызмет бабында пайдалану үшін)

Қазақстан Республикасының Үкіметі ҚАУЛЫ ЕТЕДІ:

ҚР Үкіметінің 2022.02.02. № 44 Қаулысымен 1-тармақ жаңа редакцияда (бұр.ред.қара); ҚР Үкіметінің 2022.02.08. № 523 Қаулысымен 1-тармақ өзгертілді (бұр.ред.қара); ҚР Үкіметінің 2023.25.12. № 1177 Қаулысымен 1-тармақ жаңа редакцияда (2023 ж. 29 желтоқсаннан бастап қолданысқа енгізілді) (бұр.ред.қара)

1. Қоса беріліп отырған:

1) Жекешелендірудің 2021 - 2025 жылдарға арналған кешенді жоспары (бұдан әрі ‒ Кешенді жоспар);

2) жекешелендіру объектілерін Кешенді жоспарға қосу және одан алып тастау жөніндегі әдістеме бекітілсін.

2. Теңгерімдік құны республикалық бюджет туралы заңда белгіленген және тиісті қаржы жылының 1 қаңтарында қолданыста болатын айлық есептік көрсеткіштің 2 500 000 еселенген мөлшерінен асатын, басым тәртіппен бәсекелес ортаға беруге жататын квазимемлекеттік сектор субъектілері (бұдан әрі - ірі ұйымдар) бойынша:

1) осы қаулыға 1-қосымшаға сәйкес басым тәртіппен жекешелендіруге жататын республикалық меншіктегі ірі ұйымдардың тізбесі бекітілсін;

2) осы қаулыға 2-қосымшаға сәйкес «Самұрық-Қазына» ұлттық әл-ауқат қоры» (келісу бойынша), «Бәйтерек» ұлттық басқарушы холдингі» (келісу бойынша), «Қазақстан инжиниринг» ұлттық компаниясы» (Kazakhstan Engineering) (келісу бойынша) акционерлік қоғамдарына ұлттық басқарушы холдингтердің, ұлттық компаниялардың және олармен үлестес болып табылатын өзге де заңды тұлғалардың басым тәртіппен бәсекелес ортаға беру ұсынылатын еншілес, тәуелді ірі ұйымдарының тізбесін бекіту ұсынылсын.

3. Осы қаулыға 3-қосымшаға сәйкес жекешелендіруге жататын республикалық меншіктегі ұйымдардың тізбесі бекітілсін.

ҚР Үкіметінің 2021.24.12. № 934 Қаулысымен 4-тармақ жаңа редакцияда (бұр.ред.қара)