«Жұмыссыз азаматтарға анықтама беру» мемлекеттік көрсетілетін қызмет регламенті (Атырау облысы әкімдігінің 2015 жылғы 25 қыркүйектегі № 293 қаулысына 4-қосымша ) (2016.18.07. берілген өзгерістер мен толықтырулармен) (күші жойылды)

Атырау облысы әкімдігінің

2015 жылғы 25 қыркүйектегі

№ 293 қаулысына 4-қосымша

Атырау облысы әкімдігінің

 2015 жылғы 25 қыркүйектегі

№ 293 қаулысымен бекітілген

Атырау облысы әкімдігінің 2019 жылғы 25 желтоқсандағы № 304 Қаулысымен күші жойылды

Атырау облысы әкімдігінің 2016.18.07. № 156 Қаулысымен барлық мәтін бойынша және 2 және 3-қосымшаларда «ХҚО», «халыққа қызмет көрсету орталығының» деген сөздер сәйкесінше «Мемлекеттік корпорация» деген сөздермен өзгертілді (бұр.ред.қара)

«Жұмыссыз азаматтарға анықтама беру»
мемлекеттік көрсетілетін қызмет регламенті

(2016.18.07. берілген өзгерістер мен толықтырулармен)

Атырау облысы әкімдігінің 2016.18.07. № 156 Қаулысымен 1-бөлім өзгертілді (бұр.ред.қара)

1. Жалпы ережелер

«Жұмыссыз азаматтарға анықтама беру» мемлекеттік көрсетілетін қызметін (бұдан әрі - мемлекеттік көрсетілетін қызмет) Атырау қаласы мен облыс аудандарының жұмыспен қамту және әлеуметтік бағдарламалар бөлімдерімен (бұдан әрі - көрсетілетін қызметті беруші) көрсетеді.

Өтінішті қабылдау және мемлекеттік қызметті көрсету нәтижесін беру:

1) «Азаматтарға арналған үкімет» мемлекеттік корпорациясы» коммерциялық емес акционерлік қоғамы (бұдан әрі - Мемлекеттік корпорация);

2) көрсетілетін қызметті беруші;

3) www.egov.kz  «электрондық үкімет» веб-порталы (бұдан әрі - портал) арқылы жүзеге асырылады.

Көрсетілетін мемлекеттік қызмет нысаны: электрондық (толық автоматтандырылған) және (немесе) қағаз түрінде.

Мемлекеттік қызметті көрсету нәтижесі: Қазақстан Республикасының Денсаулық сақтау және әлеуметтік даму министрінің 2015 жылғы 28 сәуірдегі № 279 «Әлеуметтік-еңбек саласындағы мемлекеттік көрсетілетін қызмет стандарттарын бекіту туралы» (нормативтік құқықтық актілерді мемлекеттік тіркеу тізілімінде № 11342 болып тіркелген) бұйрығымен бекітілген «Жұмыссыз азаматтарға анықтама беру» мемлекеттік көрсетілетін қызмет стандартына (бұдан әрі - Стандарт) 1-қосымшаға нысан бойынша жұмыссыз ретінде тіркеу туралы анықтама (бұдан әрі - анықтама).