«Қостанай қаласында сайлау учаскелерін құру туралы» Қостанай облысы Қостанай қаласы әкімінің 2020 жылғы 19 маусымдағы № 1 шешімі (2022.08.09. берілген өзгерістермен)

Қостанай қаласында сайлау учаскелерін құру туралы
Қостанай облысы Қостанай қаласы әкімінің 2020 жылғы 19 маусымдағы № 1 шешімі

(2022.08.09. берілген өзгерістермен)

«Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасының Конституциялық заңының 23-бабына сәйкес, Қостанай қалалық аумақтық сайлау комиссиясының келісімі бойынша Қостанай қаласының әкімі ШЕШІМ ҚАБЫЛДАДЫ:

1. Осы шешімнің қосымшасына сәйкес Қостанай қаласының аумағында сайлау учаскелері құрылсын.

2. Әкімнің «Қостанай қаласында сайлау учаскелерін құру туралы» 2018 жылғы 16 қарашадағы № 3 шешімінің (2018 жылғы 19 қарашада Қазақстан Республикасы нормативтік құқықтық актілерінің эталондық бақылау банкінде жарияланған, Нормативтік құқықтық актілерді мемлекеттік тіркеу тізілімінде № 8099 болып тіркелген) күші жойылды деп танылсын.

3. «Қостанай қаласы әкімінің аппараты» мемлекеттік мекемесі Қазақстан Республикасының заңнамасында белгіленген тәртіпте:

1) осы шешімнің аумақтық әділет органында мемлекеттік тіркелуін;

2) осы шешімді ресми жарияланғанынан кейін Қостанай қаласы әкімдігінің интернет-ресурсында орналастырылуын қамтамасыз етсін.

4. Осы шешімнің орындалуын бақылау «Қостанай қаласы әкімінің аппараты» мемлекеттік мекемесінің басшысына жүктелсін.

5. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қостанай облысы Қостанай қаласы әкімінің 2020.12.11. № 5 шешімімен (бұр.ред.қара); 2021.19.07. № 4 шешімімен (бұр.ред.қара); 2022.08.09. № 3 шешімімен (бұр.ред.қара) қосымша өзгертілді

Қостанай облысы

 Қостанай қаласы әкімінің

2020 жылғы 19 маусымдағы

№ 1 шешіміне

қосымша

Қостанай қаласының аумағындағы сайлау учаскелері

№ 1 сайлау учаскесі

Сайлау учаскесінің орналасқан жері: Қостанай облысы, Қостанай қаласы, А. Байтұрсынов көшесі, 47, «А. Байтұрсынов атындағы Қостанай өңірлік университеті» коммерциялық емес акционерлік қоғамының ғимараты.