«Қазақстан Республикасы Бас прокуратурасының Өтініштер және іс жүргізу басқармасы туралы» Қазақстан Республикасы Бас Прокурорының 2018 жылғы 20 ақпандағы № 24 бұйрығы (2019.09.09. берілген өзгерістермен) (күші жойылды)

Қазақстан Республикасы Бас прокуратурасының Өтініштер және іс жүргізу басқармасы туралы

Қазақстан Республикасы Бас Прокурорының 2018 жылғы 20 ақпандағы № 24 бұйрығы

(2019.09.09. берілген өзгерістермен)

Ұйымдастырушылық-штаттық өзгерістерге байланысты «Прокуратура туралы» Қазақстан Республикасы Заңының 37-бабы 4) тармақшасын басшылыққа ала отырып, БҰЙЫРАМЫН:

1. Қазақстан Республикасы Бас прокуратурасының Өтініштер және іс жүргізу басқармасы туралы Ережесі осы бұйрықтың қосымшасына сәйкес бекітілсін.

2. «Қазақстан Республикасы Бас прокуратурасының Өтініштерді қарау туралы заңдардың қолданылуын қадағалау және іс жүргізу басқармасы жөніндегі Ережені бекіту туралы» Қазақстан Республикасы Бас Прокурорының 2017 жылғы 16 қаңтардағы № 3 бұйрығының күші жойылсын.

3. Осы бұйрықпен Қазақстан Республикасының прокуратура органдары, ведомстволары, мекемелері мен білім ұйымының барлық қызметкерлері таныстырылсын.

4. Осы бұйрықтың орындалуын бақылау Қазақстан Республикасы Бас Прокурорының Аппарат басшысына жүктелсін.

5. Осы бұйрық қол қойылған күннен бастап күшіне енеді.

Қазақстан Республикасы

Бас Прокурорының

2018 жылғы 20 ақпандағы

№ 24 бұйрығына

қосымша

Қазақстан Республикасы Бас прокуратурасының

Өтініштер және іс жүргізу басқармасы туралы

ЕРЕЖЕ

1. Жалпы ережелер

1. Қазақстан Республикасы Бас прокуратурасының Өтініштер және іс жүргізу басқармасы (бұдан әрі - Басқарма) Қазақстан Республикасы Бас прокуратурасының (бұдан әрі - Бас прокуратура) дербес құрылымдық бөлімшесі болып табылады.

ҚР Бас Прокурорының 2019.09.09. № 104 бұйрығымен 2-тармақ жаңа редакцияда (бұр.ред.қара)