«Өнеркәсіптік авариялардың трансшекаралық әсері туралы конвенцияның (Хельсинки, 1992 жылғы 17 наурыз) мақсаттары үшін құзыретті органдар мен бірыңғай байланыс пункті ретінде белгілеу туралы» Қазақстан Республикасы Үкіметінің 2016 жылғы 21 маусымда № 364 Қаулысы (2021.14.04. берілген өзгерістермен)

Өнеркәсіптік авариялардың трансшекаралық әсері туралы конвенцияның (Хельсинки, 1992 жылғы 17 наурыз) мақсаттары үшін құзыретті органдар мен бірыңғай байланыс пункті ретінде белгілеу туралы
Қазақстан Республикасы Үкіметінің 2016 жылғы 21 маусымда № 364 Қаулысы

(2021.14.04. берілген өзгерістермен)

1992 жылғы 17 наурызда Хельсинкиде (Финляндия) жасалған Өнеркәсіптік авариялардың трансшекаралық әсері туралы конвенцияның (бұдан әрі - Конвенция) 17-бабына сәйкес Қазақстан Республикасының Үкіметі ҚАУЛЫ ЕТЕДІ:

ҚР Үкіметінің 2021.14.04. № 239 Қаулысымен 1-тармақ өзгертілді (бұр.ред.қара)

1. Мыналар:

1) Қазақстан Республикасы Төтенше жағдайлар министрлігі мен Қазақстан Республикасы Экология, геология және табиғи ресурстар министрлігі Конвенцияның мақсаттары үшін құзыретті органдар;

2) Қазақстан Республикасы Төтенше жағдайлар министрлігі Конвенцияның мақсаттары үшін бірыңғай байланыс пункті ретінде белгіленсін.

2. Қазақстан Республикасының Сыртқы істер министрлігі Бiрiккен Ұлттар Ұйымының Еуропалық экономикалық комиссиясы хатшылығына қабылданған шешім туралы хабарласын.

3. Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.