Қазақстан Республикасы Сыртқы істер министрлігінің кейбір мәселелері Қазақстан Республикасы Үкіметінің 2001 ж. 31 қаңтардағы № 166 қаулысы (ҚР Үкіметінің 26.09.02 ж. № 1060 қаулысымен енгізілген өзгерістерімен) (күші жойылды)

Қазақстан Республикасы Сыртқы істер министрлігінің кейбір мәселелері
Қазақстан Республикасы Үкіметінің 2001 ж. 31 қаңтардағы № 166 қаулысы
(ҚР Үкіметінің 26.09.02 ж. № 1060 қаулысымен
енгізілген өзгерістерімен)

ҚР Үкіметінің 28.10.04 ж. № 1118 қаулысымен күші жойылды

Қазақстан Республикасы Президентінің "Қазақстан Республикасының жекелеген мемлекеттік органдарын қайта ұйымдастыру, тарату және құру туралы" 2001 жылғы 13 желтоқсандағы № 507 Жарлығына сәйкес Қазақстан Республикасының Үкіметі қаулы етеді:

ҚР Үкіметінің 26.09.02 ж. № 1060 қаулысымен 1-тармақтың күші жойылды

1. Қазақстан Республикасы Сыртқы істер министрлігінің Инвестициялар жөніндегі комитеті құрылсын.

ҚР Үкіметінің 26.09.02 ж. № 1060 қаулысымен 2-тармақтың күші жойылды

2. Қоса беріліп отырған Қазақстан Республикасы Сыртқы істер министрлігінің Инвестициялар жөніндегі комитеті туралы ереже бекітілсін.

3. Қазақстан Республикасы Үкіметінің кейбір шешімдеріне мынадай өзгерістер мен толықтырулар енгізілсін:

1) "Ақмола облысы орталығының қоныс аударуына байланысты босайтын ғимараттар мен қызметтiк үй-жайларды бөлу туралы" Қазақстан Республикасы Yкіметінiң 1999 жылғы 17 маусымдағы № 796 қаулысына:

көрсетiлген қаулыға қосымшадағы реттiк нөмiрi 27-жол алынып тасталсын;

2) "Қазақстан Республикасы Сыртқы iстер министрлігінiң мәселелерi" туралы Қазақстан Республикасы Yкіметінiң 1999 жылғы 21 қазандағы № 1578 (Қазақстан Республикасының ПYКЖ-ы, 1999 ж., № 49, 472-құжат) қаулысына:

көрсетiлген қаулымен бекітілген Қазақстан Республикасының Сыртқы iстер министрлігі (Сыртқыiсминi) туралы ережедегi:

1-тармағының екiншi абзацы мынадай редакцияда жазылсын:

"Министрлiктiң ведомстволары бар, олар - Тәуелсiз Мемлекеттер Достастығы iстерi жөніндегі комитет, Инвестициялар жөніндегі комитет";

10-тармақта:

6) тармақша мынадай редакцияда жазылсын:

"6) Қазақстан Республикасының экономикасына шетелдiк инвестициялар тартуға жәрдемдесу;";

мынадай мазмұндағы 6-1) тармақшамен толықтырылсын:

"6-1) Қазақстан Республикасындағы инвестициялық ахуалды жақсарту жөніндегі шараларды әзiрлеу және iске асыру";

11-тармақта:

9) тармақша "ынтымақтастық жөнiндегі" деген сөздерден кейiн "сондай-ақ Қазақстан Республикасының инвестициялық саясаты мәселелерi жөнiндегі" деген сөздермен толықтырылсын;

мынадай мазмұндағы 9-1) тармақшамен толықтырылсын:

"9-1) Қазақстан Республикасының инвестициялық ахуалын жақсартуға, оның iшiнде Қазақстан Республикасының заңнамасын жетiлдiруге, сондай-ақ халықаралық инвестициялық ынтымақтастықты дамыту жөнiндегі шараларды iске асыру жөнiнде жұмыстар жүргізедi".

4. Қазақстан Республикасының Сыртқы iстер министрлігі осы қаулыдан туындайтын қажеттi шараларды қабылдасын.

5. Осы қаулы қол қойылған күнiнен бастап күшiне енедi.

Қазақстан Республикасының

Премьер-Министрі

Қазақстан Республикасы Үкіметінің

2001 жылғы 31 қаңтардағы

№ 166 қаулысымен

бекітілген

Қазақстан Республикасы Сыртқы iстер министрлігінiң

Инвестициялар жөнiндегі комитетi туралы ереже

1. Жалпы ережелер

1. Қазақстан Республикасы Сыртқы iстер министрлігінiң Инвестициялар жөніндегі комитетi (бұдан әрi - Комитет) Қазақстан Республикасы Сыртқы iстер министрлігінiң құзыретi шегiнде Қазақстан Республикасында тiкелей инвестицияларды мемлекеттік қолдау саласында арнайы атқарушы және бақылау-қадағалау функцияларын, сондай-ақ ведомствоаралық үйлестiрудi жүзеге асыратын ведомство болып табылады.

2. Комитет өз қызметiн Қазақстан Республикасының Конституциясы мен заңдарына, Қазақстан Республикасы Президентінің, Үкіметінiң кесiмдерiне және өзге де нормативтiк құқықтық кесiмдерге, сондай-ақ осы Ережеге сәйкес жүзеге асырады.

3. Комитет мемлекеттік мекеме ұйымдық-құқықтық нысанындағы заңды тұлға болып табылады, оқшауланған мүлкi, Қазақстан Республикасының Мемлекеттік елтаңбасы бейнеленген және мемлекеттік тiлде өз атауы жазылған мөрi, белгіленген үлгiде бланктерi, сондай-ақ заңнамаға сәйкес банкiлерде есепшоттары болады.

4. Комитет өз құзыретіндегі мәселелер бойынша заңнамада белгiленген тәртiппен Қазақстан Республикасының бүкiл аумағында күшi бар бұйрықтар түрiнде кесiмдер шығарады.

5. Комитет штат санының лимитiн Қазақстан Республикасының Yкіметі бекiтедi.

6. Комитеттiң заңды мекен-жайы: 473000, Астана қаласы, Бейбiтшiлiк көшесi, 10.

7. Комитеттің толық атауы - "Қазақстан Республикасы Сыртқы iстер министрлігінiң Инвестициялар жөніндегі комитетi" мемлекеттік мекемесi.

8. Осы Ереже Комитеттiң құрылтай құжаты болып табылады.

9. Комитеттiң қызметiн қаржыландыру тек қана республикалық бюджеттен жүзеге асырылады.

Комитетке кәсiпкерлiк субъектiлерiмен Комитеттiң функциялары болып табылатын мiндеттердi орындау мәнiнде шарттық қарым-қатынастарға түсуге тыйым салынады.

Заңнамалық кесiмдермен Комитетке кiрiс әкелетiн қызметтi жүзеге асыру жөнiнде құқықтар берiлген жағдайда, осындай қызметтен алынған кiрiстер республикалық бюджеттiң кiрiсiне жiберiледi.

2. Комитеттiң негiзгі мiндеттерi, функциялары мен құқықтары

10. Комитеттiң негiзгі мiндеттерi:

1) Қазақстан Республикасының экономикасына шетелдiк инвестициялар тартуға жәрдемдесу;

2) елде инвестициялық ахуалды жақсарту жөнiнде шаралар әзiрлеу және iске асыру;

3) мемлекеттік органдардың шетелдiк инвесторлармен жұмыс жөніндегі қызметiн үйлестiру;

4) Қазақстан Республикасы Президентi жанындағы Шетелдiк инвесторлар кеңесi қызметiн қамтамасыз ету;

5) мемлекеттік бағдарламаларды, басымдықты жобаларды, оның iшiнде халықаралық экономикалық және қаржылық ұйымдар мен донор мемлекеттер беретiн заемдар мен гранттар есебiнен iске асыру үшiн қаржылық ресурстарды тартуға жәрдемдесу;

6) Қазақстан Республикасындағы инвестициялық мүмкiндiктерi туралы жарнамалық-ақпараттық науқан жүргізу;

7) шетелдiк және отандық инвесторлармен өзара iс-қимыл жасаудың тиiмдi жүйесiн құру Қазақстан Республикасының заңнамасында белгiленген кепiлдiктердi сақтауды, сондай-ақ инвесторлардың заңды құқықтары мен мүдделерiн қорғауды қамтамасыз етуге жәрдемдесу;

8) Қазақстан Республикасындағы мемлекеттік бағдарламалар мен басымдықты инвестициялық жобаларды iске асыруға арналған халықаралық экономикалық және қаржылық институттар тарапынан тiкелей инвестициялар мен қаржылық ресурстарды тарту мәселелерiнде орталық және жергiлiктi атқарушы органдар қызметiне жәрдемдесу;

9) Қазақстан Республикасы Сыртқы iстер министрлігінiң шет елдердегi мекемелерiнен алынған ұсыныстар мен жобаларды қорыту, талдау және оларды заңнамада белгiленген тәртiппен Қазақстан Республикасының орталық және жергілiктi атқарушы органдарында одан әрi жылжыту, сондай-ақ олардың iске асырылуын бақылау;

10) тiкелей инвестицияларды тарту мен пайдалану жөніндегі есеп пен есеп берудi мүдделi мемлекеттік органдармен бiрлесiп ұйымдастыру;

11) шет елдерде шаруашылық дауларды реттеуде сотқа дейінгi тәртiппен қазақстандық заңды және жеке тұлғаларға заңнамада белгiленген тәртiппен көмек көрсету;

12) Қазақстан Республикасында шаруашылық дауларды реттеуде сотқа дейiнгі тәртiппен шетелдiк заңды және жеке тұлғаларға заңнамада белгiленген тәртiппен көмек көрсету;

13) Қазақстан Республикасының жетiстiктерi мен инвестициялық мүмкiндiктерiн кеңiнен танымал ету және насихаттау мақсатында Қазақстанда және шет елдерде мүдделi мемлекеттік органдармен бiрлесiп, басқосулар, форумдар, семинарлар, тұсаукесерлер, конференциялар мен басқа да iс-шараларды ұйымдастыру және өткізу.

11. Комитет заңнамада белгiленген тәртiппен мынадай функцияларды жүзеге асырады:

1) тiкелей шетелдiк инвестициялар ағындарының қозғалысына талдау жасайды, оларды тарту мен көтермелеудiң әлемдiк тәжiрибесiн зерделейдi және қорытады;

2) Қазақстан Республикасының инвестициялық ахуалын жақсартуға, оның iшiнде Қазақстан Республикасының заңнамасын жетiлдiру жөнiнде, сондай-ақ халықаралық инвестициялық ынтымақтастықты дамытуға бағытталған шараларды iске асыру жөнiнде ұсыныстар дайындауды жүзеге асырады;

3) инвестициялық қызмет мәселелерi жөнiнде халықаралық келісімдердi дайындау мен жасасуды қамтамасыз етедi;

4) саяси және реттеу сипатындағы тәуекелдердi жабу кепiлдiктерiнiң мәселелерi бойынша халықаралық ұйымдармен өзара iс-қимылды жүзеге асырады;

5) Қазақстан Республикасында және шет елдерде экономикалық басқосулар, форумдар, инвестициялық конференциялар, семинарлар, көрмелер және басқа да тұсаукесерлiк iс-шараларды қоса алғанда, тiкелей инвестицияларды тарту жөнiндегі жарнамалық-ақпараттық жұмысты жүзеге асырады;

6) Қазақстан Республикасы экономикасының басымдықты секторларындағы тiкелей инвестицияларға мемлекеттік қолдау көрсетедi;

7) өз қызметi мәселелерi бойынша инвесторлармен, халықаралық және өзге де ұйымдармен ынтымақтастықты жүзеге асырады;

8) тiкелей шетелдiк және отандық инвестицияларды тарту үшiн экономиканың басымдықты секторларының тiзбесiн және инвестициялық жобаларды жүзеге асыру кезiнде жеңiлдiктер мен преференциялар беру тәртібін анықтау жөнiнде ұсыныстарды әзiрлейдi;

9) Қазақстан Республикасына тiкелей инвестицияларды тарту және жеңiлдiктер мен преференциялар беру жөнiндегі келісім-шарттар (бұдан әрi - Келiсім-шарт) жасасу бойынша келiссөздердi ұйымдастырады және қатысады;

10) тiкелей шетелдiк және отандық инвестицияларды тарту үшiн неғұрлым маңызды өндiрiстердiң тiзiмiн анықтайды;

11) экономиканың басымдықты секторларында инвестициялық жобаларды iске асыру үшiн жеңiлдiктер мен преференциялар беруге инвесторлардың өтiнiштерiн қабылдайды;

12) Келісім-шарттарды және инвестициялық жобаларға қатысты өзге де құжаттарды ұйымдастырады және оларға сараптама жүргiзедi;

13) жасалған Келісім-шарттардың өндiрiстiк-техникалық, экономикалық экологиялық, қаржылық салықтық және өзге де шарттарына талдау жасайды және орындалуын ұйымдастырады;

14) инвестициялық жобаларды iске асыру үшiн қажеттi барлық келiсу және рұқсат беру құжаттарын алуды қамтамасыз етедi;

15) Қазақстан Республикасындағы біліктi қызметкерлердi, тауарларды және қызметтердi iздестiруде инвесторларға жәрдемдеседi;

16) жасалған Келісім-шарттарды сақтауды жүзеге асырады;

17) тиiстi бақылау органдарымен олардың құзыретi шегінде өзара iс-қимыл жасай отырып, Келісім-шарттардың шарттарын сақтауды бақылауды қоса алғанда, инвестициялық жобалардың iске асырылуына мониторинг жүргізедi және оларды бақылайды;

18) бұқаралық ақпарат құралдарында инвестициялық жобаларды iске асыруға қатысты барлық нормативтiк құқықтық құжаттарды, Келісім-шарттар жасалған жобалар тiзбесiн, жобаларға жұмсалған инвестициялар сомасын және құрылатын жұмыс орындары санын жариялауды қамтамасыз етедi;

19) Комитет қызметкерлерiнiң біліктiлiгiн арттыруды, оларды даярлауды және қайта даярлауды қамтамасыз етедi;

20) Қазақстан Республикасының заңнамасында өзiне жүктелген өзге де функцияларды iске асырады.

12. Комитет негiзгі мiндеттердi және өзiне жүктелген өзге де функцияларды жүзеге асыру үшiн заңнамада белгiленген тәртiппен:

1) құзыретті және берiлген өкiлеттiктер шегiнде Қазақстан Республикасының атынан iс-қимыл жасауға және инвестициялық ынтымақтастық, инвестицияларды ынталандыру мен өзара қорғау саласында халықаралық келісімдер (шарттар) жасасу мәселелерi жөнiнде келiссөздер жүргізуге;

2) өз құзыретi шегiнде мемлекеттік органдар мен өзге де ұйымдар үшiн орындау мiндеттi, оның iшiнде Келісім-шарттарды әзiрлеуге және iске асыруға байланысты мәселелер бойынша бұйрықтар шығаруға;

3) инвесторлармен тікелей келiссөздер жүргізу кезiнде берiлген өкiлеттiктер шегiнде Қазақстан Республикасы атынан iс-қимыл жасауға, Келісім-шарттар жасасу және оларды бұзу шарттары мен тәртібін анықтауға, Келісім-шарттарға қол қоюға және оларды тiркеуге, өз құзыретi шегiнде олардың шарттарының сақталуын бақылауды жүзеге асыруға;

4) Комитет құзыретiне кiретiн мәселелер бойынша мемлекеттік органдардың және Қазақстан Республикасының Сыртқы iстер министрлігі шет елдерден мекемелерiнiң қызметін үйлестiруге;

5) Қазақстан Республикасында инвестициялық қызметтi реттеумен байланысты заңнамалық және өзге де нормативтiк құқықтық кесiмдер жобаларын әзiрлеуге және оларды әзiрлеуге қатысуға;

6) Келісім-шарттарға сараптама жүргізуге және дайындауға, мемлекеттік органдар және өзге де ұйымдар қызметкерлерiн, оның iшiнде шетелдiк азаматтарды тартуға;

7) инвесторлардан, мемлекеттік органдардан, өзге де ұйымдардан және олардың лауазымды адамдарынан инвестиция мәселелерi бойынша қажеттi ақпаратты сұратуға және алуға;

8) экономиканың басымдықты секторларында инвестициялық жобаларды iске асыру үшiн инвесторларға жеңiлдiктер мен преференциялар беруге;

9) мүдделi мемлекеттік органдар және ұйымдар өкiлдерiнiң қатысуымен айрықша маңызы бар жобаларды iске асыруға байланысты Келісім-шарттарды дайындау жөніндегі жұмыс топтарын құруға, сондай-ақ ведомствоаралық комиссиялар құруға;

10) инвестициялық қызмет мәселелерi бойынша газеттердi, бюллетеньдердi және журналдарды мемлекеттік тiлде, орыс, ағылшын және басқа да тiлдерде шығаруды қоса алғанда, баспа қызметiн жүзеге асыруға;

11) жарнамалық-ақпараттық және анықтамалық әдебиеттiң, картографиялық жұмыстардың, жарнамалық бейнефильмдердiң, слайдтардың және басқа да ақпараттық-тұсаукесерлiк материалдардың тапсырушысы болуға;

12) Қазақстан Республикасында инвестициялық қызметтi жүзеге асыру үшiн қажеттi жарнамалық-ақпараттық, анықтамалық және өзге де материалдарды инвесторларға беруге;

13) Қазақстан Республикасының заңнамасында көзделген өзге де өкiлеттiктердi жүзеге асыруға құқылы.

3. Комитет мүлкi

13. Комитеттiң жедел басқару құқығында оқшауланған мүлкi болады.

14. Комитетке бекітілген мүлiк республикалық меншiкке жатады.

15. Комитеттiң өзiне бекiтілген мүлiктi өз бетiнше иелiктен шығаруға немесе өзгеше билiк етуге құқығы жоқ.

Комитетке заңнамада белгiленген жағдайларда және шекте мүлiктi басқару құқығы берiлуi мүмкiн.

4. Комитет қызметiн ұйымдастыру

16. Комитеттi Қазақстан Республикасы Сыртқы iстер министрiнiң ұсынысы бойынша Қазақстан Республикасының Yкіметі қызметке тағайындайтын және қызметiнен босататын Төраға басқарады.

Комитет Төрағасының ұсынысы бойынша Қазақстан Республикасының Сыртқы істер министрi қызметке тағайындайтын және қызметiнен босататын Комитет Төрағасының орынбасары болады.

Төраға Комитет жұмысын ұйымдастырады және оған басшылық етедi, сондай-ақ Комитетке жүктелген мiндеттердiң орындалуы және оның өз функцияларын жүзеге асыруы үшiн жеке жауап бередi.

17. Төраға осы мақсаттарда:

1) өзiнiң орынбасарының және Комитет құрылымдық бөлiмшелерi басшыларының мiндеттерi мен өкiлеттiктерiн белгiлейдi;

2) заңнамада белгiленген тәртiппен Комитет қызметкерлерiн қызметке тағайындайды және қызметтен босатады;

3) заңнамада белгiленген тәртiппен Комитет қызметкерлерiне тәртiптiк жазалар қолданады;

4) мемлекеттік органдарда және өзге де ұйымдарда Комитеттiң мүддесiн бiлдiредi;

5) бұйрықтарға қол қояды;

6) Қазақстан Республикасының заңнамасында көзделген өзге де өкiлеттiктердi жүзеге асырады.

5. Комитеттi қайта ұйымдастыру және тарату

18. Комитеттi қайта ұйымдастыру және тарату Қазақстан Республикасының заңнамасына сәйкес жүзеге асырылады.