Ауыл шаруашылық жануарларын бірдейлендіру туралы Қазақстан Республикасы Ауыл шаруашылығы министрінің 2003 жылғы 2 сәуірдегі № 164 бұйрығы (2006.05.04. берілген өзгерістер мен толықтыруларымен) (күші жойылды)

Ауыл шаруашылық жануарларын бірдейлендіру туралы Қазақстан Республикасы
Ауыл шаруашылығы министрінің 2003 жылғы 2 сәуірдегі № 164 бұйрығы

(2006.05.04. берілген өзгерістер мен толықтыруларымен)

ҚР Ауыл шаруашылығы министрінің 2010 жылғы 29 наурыздағы № 202 Бұйрығымен күші жойылды

Қазақстан Республикасының 2002 жылғы 10 шілдедегі "Ветеринария туралы" Заңына сәйкес, бұйырамын:

1. Бекітілсін:

1) Ауыл шаруашылық жануарларын бірдейлендіру жүргізу Ережесі;

2) Ветеринариялық паспорты;

3) Ауыл шаруашылық жануарларын бірдейлендіру жүргізу үшін облыстарға, Астана және Алматы қалаларына бекітілген кодтары.

2. Ветеринариялық департаментіне, Ауыл шаруашылығы министрлігінің облыстық аумақтық басқармаларымен, Астана және Алматы қалалары, бірлесе отырып, заңдылықтарда белгіленген тәртіпте, осы бұйрықтан туындайтын керекті шаралар қабылдасын.

3. Осы бұйрықтың орындалуына бақылау жасау ветеринария Департаментіне (М.Т.Мыңжанов) жүктелсін.

4. Осы бұйрық Қазақстан Республикасы Әділет Министрлігінде мемлекеттік тіркеуден өткізілген күннен бастап күшіне енеді.

Қазақстан Республикасының

Премьер-Министрінің

орынбасары - Министр

Қазақстан Республикасы

Ауыл шаруашылығы министрлігінің

"Ауыл шаруашылық жануарларын

бірдейлендіруді жүргізу Ережесі"

2003 жылғы 02 сәуіріндегі

№ 164 бұйрығымен бекітілген

Ауыл шаруашылық жануарларын бірдейлендіруді жүргізу

Ережесі

1. Жалпы ережелер

ҚР Ауыл шаруашылығы министрінің 2006.05.04. № 218 Бұйрығымен 1-тармақ өзгертілді (бұр. ред. қара)

1. Осы ауыл шаруашылық жануарларын бірдейлендіру Ережесі (бұдан әрі - Ереже) Қазақстан Республикасының "Ветеринария туралы" Заңының 32 бабының 1 тармағына сәйкес әзірленді және жануарлар ауруларының профилактикасы мен диагностикасы жөніндегі ветеринариялық дауалауды жүзеге асыруды бақылау мақсатында және ауылдық (поселкалық) округтарда (қалаларда) ауыл шаруашылық жануарларына есеп жүргізу ауыл шаруашылық жануарларын бірдейлендірудің бірыңғай тәртібін анықтайды.