| ||||||||||||||||||||
|
|
|
ҚР Үкіметінің 2014 жылғы 21 қаңтардағы № 20 Қаулысымен күші жойылды
ҚР Үкіметінің 2012.28.03. № 363 Қаулысымен стандарт жаңа редакцияда (бұр.ред.қара) Қазақстан Республикасы Үкіметінің 2009 жылғы 15 желтоқсандағы № 2121 қаулысына бекітілген
«Қазақстан Республикасының азаматтарын тұрғылықты жері бойынша тіркеу» мемлекеттік қызмет стандарты (2012.29.12. берілген өзгерістер мен толықтырулармен)
1. Жалпы ережелер
ҚР Үкіметінің 2012.29.12. № 1788 Қаулысымен 1-тармақ өзгертілді (бұр.ред.қара) 1. «Қазақстан Республикасының азаматтарын тұрғылықты жері бойынша тіркеу» мемлекеттік қызметін (бұдан әрі - мемлекеттік қызмет) ішкі істер органдарының аумақтық көші-қон полициясы бөліністері (бұдан әрі - уәкілетті орган) «Халықты құжаттандыру және тіркеу» тіркеу пункті» ақпараттық жүйесін (бұдан әрі - ХҚТ ТП) пайдалана отырып, сондай-ақ халыққа қызмет көрсету орталықтары (бұдан әрі - Орталықтар) арқылы көрсетеді, олардың мекенжайлары осы стандартқа 1-қосымшада көрсетілген. Мемлекеттік қызмет сондай-ақ «Электрондық үкіметтің» www.egov.kz веб-порталы (бұдан әрі - веб-портал) арқылы ұсынылады. 2. Мемлекеттік қызмет көрсету нысаны: ішінара автоматтандырылған. 3. Мемлекеттік қызмет Қазақстан Республикасы Үкіметінің 2011 жылғы 1 желтоқсандағы № 1427 қаулысымен бекітілген Ішкі көшіп-қонушыларды тіркеу қағидаларының 3 және 5-тармақтарының негізінде жүзеге асырылады. 4. Мемлекеттік қызмет көрсету туралы ақпарат Қазақстан Республикасы Ішкі істер министрлігінің интернет-ресурсында (электрондық пошта: www.mvd.kz), сондай-ақ ресми ақпарат көздері мен орталықтардың және уәкілетті органдардың үй-жайларында орналасқан стенділерде орналастырылады, олардың тізбесі осы стандартқа 1 және 2-қосымшаларда көрсетілген. ҚР Үкіметінің 2012.29.12. № 1788 Қаулысымен 5-тармақ жаңа редакцияда (бұр.ред.қара) 5. Көрсетілетін мемлекеттік қызметтің нәтижесі ХҚТ ТП-ның ақпараттық жүйесіне мәліметтерді енгізу және электрондық тасымалдағышы бар жеке куәлікке азаматтың заңды мекенжайын қайта жазуды жүргізу немесе бас тарту туралы дәлелді жауап болып табылады. 6. Мемлекеттік қызмет Қазақстан Республикасының аумағында тұрақты тұратын оның азаматтарына және шет елден тұрақты тұруға келген азаматтарға (бұдан әрі - тұтынушы) көрсетіледі. ҚР Үкіметінің 2012.29.12. № 1788 Қаулысымен 7-тармақ жаңа редакцияда (бұр.ред.қара) 7. Мемлекеттiк қызмет көрсету мерзiмдерi: 1) құжаттарды тапсырған кезде кезек күтудiң рұқсат етiлген ең ұзақ уақыты 30 минуттан аспайды; 2) мемлекеттiк қызмет алу үшiн веб-портал арқылы электрондық сұрау салу берілген күннен бастап - 30 минуттан аспайды; 3) құжаттарды алған кезде кезек күтудiң рұқсат етiлген ең ұзақ уақыты 30 минуттан аспайды. Мемлекеттік қызмет тұтынушы өтініш білдірген күні көрсетіледі. 8. Мемлекеттік қызмет ақылы көрсетіледі. Мемлекеттік баж заңдық мәні бар іс-әрекеттер жасаған және (немесе) құжаттар берілген жердегі бюджетке «Салық және бюджетке төленетін басқа да міндетті төлемдер туралы» Қазақстан Республикасының 2008 жылғы 10 желтоқсандағы Кодексінің (Салық кодексі) 540-бабымен белгіленген мөлшерде банк мекемелері арқылы төленеді. Қазақстан Республикасының азаматын тұрғылықты жері бойынша тіркеу үшін мемлекеттік баждың мөлшері мемлекеттік баж төленген күнге белгіленген ең төменгі есептік көрсеткіштің 10 пайызын құрайды. Мемлекеттік баж тіркеуші органға тиісті құжаттар берілгенге дейін төленуі тиіс. Қазақстан Республикасы азаматтарының тұрғылықты жері бойынша тіркеу кезінде: қарттар мен мүгедектерге арналған жалпы үлгідегі медициналық-әлеуметтік мекемелерде тұратын қарттар мен мүгедектер; толық мемлекет қамқорлығындағы және жатақханаларда тұратын мектеп-интернаттардың, кәсіптік мектептер мен кәсіптік лицейлердің оқушылары; Қазақстан Республикасының азаматтығын алғанға дейін репатрианттар (оралмандар); Кеңес Одағының батырлары, Социалистік Еңбек ерлері, Даңқ орденінің үш дәрежесімен және Еңбек Даңқы орденінің үш дәрежесімен, «Алтын Қыран», «Отан» ордендерімен наградталған, «Халық қаһарманы», «Қазақстанның Еңбек Ері» атақтарын алған адамдар, «Ардақты ана» атағын алған, «Алтын алқа», «Күміс алқа» алқаларымен наградталған көп балалы аналар; Ұлы Отан соғысына қатысушылар және оларға теңестірілген адамдар, Ұлы Отан соғысы жылдары тылдағы жанқиярлық еңбегі мен мінсіз әскери қызметі үшін бұрынғы КСР Одағының ордендерімен және медальдарымен наградталған адамдар, 1941 жылғы 22 маусым мен 1945 жылғы 9 мамыр аралығында кемінде алты ай жұмыс істеген (қызмет еткен) және Ұлы Отан соғысы жылдары тылдағы жанқиярлық еңбегі мен мінсіз әскери қызметі үшін бұрынғы КСР Одағының ордендерімен және медальдарымен наградталмаған адамдар, мүгедектер, сондай-ақ бала жастан мүгедектердің ата-аналарының бірі; Чернобыль апатының салдарынан зардап шеккен азаматтар мемлекеттік баж төлеуден босатылады. ҚР Үкіметінің 2012.29.12. № 1788 Қаулысымен 9-тармақ өзгертілді (бұр.ред.қара) 9. Мемлекеттік қызмет Орталық арқылы ХҚТ ТП-мен ұсынылады, қабылдау жексенбі және мереке күндерін қоспағанда, еңбек заңнамасына сәйкес, Орталықтың белгіленген жұмыс кестесіне сәйкес күн сайын түскі үзіліссіз жүзеге асырылады. Орталықтың жұмыс кестесі: Жұмыс күндері - дүйсенбіден бастап сенбіге дейін, демалыс күні - жексенбі. Жұмыс уақыты: Орталыққа жүгінген кезде: 1) мемлекеттік қызмет алу үшін өтініштерді қабылдау жексенбі және мерекелік күндерді қоспағанда, дүйсенбiден бастап жұмаға дейін сағат 9.00-ден 18.30-ға дейін, түскi үзiлiссіз, сенбі күні - сағат 9.00-ден 13.00-ге дейiн еңбек заңнамасына сәйкес, Орталықтың белгіленген жұмыс кестесіне сәйкес жүзеге асырылады.; веб-портал арқылы жүгінген кезде: өтініштерді қабылдау - тәулік бойы. 2) мемлекеттік қызмет көрсету нәтижелерін беру жексенбі және мерекелік күндерді қоспағанда, дүйсенбiден бастап жұмаға дейін сағат 9.00-ден 20-00-ге дейін, түскi үзiлiссіз, сенбі күні - сағат 9.00-ден 20.00-ге дейiн еңбек заңнамасына сәйкес, Орталықтың белгіленген жұмыс кестесіне сәйкес жүзеге асырылады. Өтініш берілген кезде қағаз тасымалдағышта толтырылып, қабылдау еңбек заңнамасына сәйкес, жексенбі және мереке күндерді қоспағанда, Орталықтың белгіленген жұмыс кестесіне сәйкес күн сайын, түскі үзіліссіз жүзеге асырылады. Орталықтың жұмыс кестесі осы стандарттың 1-қосымшасында көрсетілген. Орталықтың өкілдіктерінде құжаттар түскі үзіліссіз сағат 9.00-ден 18.30-ға дейін қабылданады. Орталықтарда алдын ала жазылу және жеделдетілген қызмет көрсету көзделмеген. 10. Мемлекеттік қызмет тұтынушының тұрғылықты жеріндегі мүмкіндігі шектеулі тұтынушылар үшін жағдайлар (пандус) көзделген Орталықтың ғимаратында көрсетіледі. Залда анықтама бюросы, электрондық кезек терминалы, күту креслолары, толтырылған бланк үлгілері бар ақпараттық стенділер орналасқан.
2. Мемлекеттік қызмет көрсету тәртібi
ҚР Үкіметінің 2012.29.12. № 1788 Қаулысымен 11-тармақ өзгертілді (бұр.ред.қара) 11. Мемлекеттік қызметті алу үшін тұтынушылар: 1) тұрғын үй иесінің келісімі бар тіркеу туралы өтініш; 2) белгіленген тәртіппен меншігіне тұрғын үйді сатып алғанын растайтын немесе Қазақстан Республикасының заңнамасында көзделген өзге де негіздер бойынша тұрғын үйге тұруға құқық беретін құжаттарды (түпнұсқасы мен көшірмесі); 3) тұрғылықты жерінен мекенжай анықтамасын; 4) бұрынғы тұрғылықты жерінен кету мекенжай парағын; 5) жеке басты куәландыратын құжатын (16 жасқа дейінгі балалар - туу туралы куәлігін) (түпнұсқасы мен көшірмесі); әскери міндеттілер бұған қоса: 6) жергілікті әскери басқарма органының әскери есепке қабылдағаны туралы белгісі бар әскери билетін (әскерге шақырылушылар тіркеу куәлігін) (түпнұсқасы мен көшірмесі); 7) 3 данада жаңа тұрғылықты жері бойынша келу мекенжай парағын (ХҚТ ТП арқылы қызмет алған кезде бланкілерді толтыру талап етілмейді); 8) келу парағына статистикалық талон; 9) құжат үшін мемлекеттік баж төленгені туралы түбіртек (мемлекеттік баж төлеуден босатылған адамдар растайтын құжаттар тапсырады) ұсынады. Тұтынушы веб-портал арқылы өтініш білдірген жағдайда электрондық сұрау салу сұрау салуды жіберіп отырған адамның электрондық цифрлық қолтаңбасымен және тіркеуге келісімін беруші тұрғын үй иесінің электрондық цифрлық қолтаңбасымен куәландырылады. Мемлекеттік қызметті веб-портал арқылы алу үшін электрондық сұрау салынған жағдайда ақы төлеу «электрондық үкіметтің» төлем шлюзі (бұдан әрі - ЭҮТШ) арқылы жүзеге асырылады. Мемлекеттік қызметті веб-портал арқылы алу үшін осы стандартқа 4-қосымшаға сәйкес электрондық сұрау салудың нысаны толтырылады. Электрондық сұрау салуды қабылдау www.egov.kz веб-порталында «Электрондық қызметтер» бөлімінде жүзеге асырылады. Электрондық сұрау салудың үлгісі Қазақстан Республикасы Ішкі істер министрлігінің www.mvd.kz интернет-ресурсында орналастырылады. 12. Бланкілер күту залында арнайы тағандарда орналастырылады. 13. Құжаттарды қабылдауды Орталықтардың операциялық залдарында орналасқан ХҚТ ТП-ның жұмыс орындарында уәкілетті органдардың қызметкерлері жүзеге асырады. ҚР Үкіметінің 2012.29.12. № 1788 Қаулысымен 14-тармақ өзгертілді (бұр.ред.қара) 14. Осы стандарттың 7-тармағына сәйкес мемлекеттік қызметті алу күнін көрсете отырып, барлық қажетті құжаттарды тұтынушының тапсырығанын растайтын құжаттарды беру көзделмеген. Тұтынушының электрондық поштасына немесе веб-порталдағы Жеке кабинетіне тұтынушының мемлекеттік қызметті алу күнін көрсете отырып, мемлекеттік қызметті ұсыну үшін өтінімді қабылдау туралы хабарлама жіберіледі. 15. Мемлекеттік қызмет тұтынушы жеке өзі келген кезде ұсынылады. 16. Тұтынушы осы стандарттың 11-тармағында көрсетілген құжаттардың бірін ұсынбаған жағдайда, уәкілетті орган мемлекеттік қызмет көрсетуден бас тартады.
17. Уәкілетті органның және Орталықтың қызметі адамның конституциялық құқықтарын сақтауға, қызметтік борышты орындау кезіндегі заңдылықты сақтауға негізделген және сыпайылық, көрсетілетін қызмет туралы толық ақпарат беру, оның сақталуын, қорғалуын және құпиялылығын қамтамасыз ету қағидаттарында жүзеге асырылады.
18. Тұтынушыларға мемлекеттік қызмет көрсету нәтижелері осы стандартқа 3-қосымшаға сәйкес сапа және қолжетімділік көрсеткіштерімен өлшенеді. 19. Мемлекеттік қызмет көрсететін Көші-қон полициясы комитетінің және уәкілетті органдардың, мемлекеттік қызметтерді көрсететін мекемелердің немесе өзге де субъектілердің жұмысы бағаланатын мемлекеттік қызметтің сапа және қол жетімділік көрсеткіштерінің нысаналы мәндері жыл сайын Ішкі істер министрінің тиісті бұйрығымен бекітіліп отырады.
20. Шағым дайындауда уәкілетті орган қызметкерінің әрекетіне (әрекетсіздігіне) шағым беру тәртібін түсіндіру үшін тұтынушы телефондары осы стандарттың 1-қосымшасында көрсетілген уәкілетті орган басшыларына жүгінеді. 21. Көрсетілген қызмет нәтижелерімен келіспеген жағдайда шағым уәкілетті орган басшысының атына демалыс және мереке күндерін қоспағанда, жұмыс күндері сағат 13.00-ден 14.30-ға дейін түскі үзіліспен, сағат 9.00-ден 17.00-ге дейін беріледі. Уәкілетті орган басшыларының телефондары мен мекенжайлары осы стандарттың 2-қосымшасында көрсетілген. Уәкілетті органдардың әрекетіне (әрекетсіздігіне) шағым Қазақстан Республикасы Ішкі істер министрлігіне демалыс және мереке күндерін қоспағанда, жұмыс күндері түскі асқа сағат 13.00-ден 14.30-ға дейін үзіліспен, сағат 9.00-ден 17.00-ге дейін беріледі. Қазақстан Республикасы Ішкі істер министрлігінің телефоны мен мекенжайы осы стандарттың 26-тармағында көрсетілген. 22. Орталық қызметкерлері дөрекі қызмет көрсеткен жағдайда шағым Орталық басшысының атына немесе қарамағына Орталық кіретін Қазақстан Республикасы Көлік және коммуникация министрлігінің Мемлекеттік қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетіне беріледі. Орталықтар басшыларының мекенжайлары мен телефондары осы стандартқа 1-қосымшада көрсетілген, Мемлекеттік қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің мекенжайы мен телефоны осы стандарттың 27-тармағында көрсетілген. 23. Көрсетілген қызмет нәтижелерімен келіспеген жағдайда тұтынушының заңнамада белгіленген тәртіппен сотқа жүгінуге құқығы бар. 24. Қолданыстағы заңнамада көзделген жағдайда шағымдар ауызша немесе жазбаша нысанда пошта арқылы немесе электронды түрде (Қазақстан Республикасы Ішкі істер министрлігінің Көші-қон полицясы комитетінің электронды мекенжайына: migration.kz@mail.ru) не осы стандарттың 21 және 22-тармақтарында көрсетілген ұйымның кеңсесі арқылы жұмыс күндері қолма-қол қабылданады. Қажет болған жағдайда тұтынушылар шағымға уәкілетті органдар ұсынған мемлекеттік қызметтердің сапасыздығын және Орталық қызметкерлерінің дөрекі қызмет көрсеткенін растайтын құжаттарын қоса береді. 25. Пошта және қолма-қол қабылданған шағымдарды растау оларды Орталықта немесе уәкілетті органның кеңсесінде жеке және заңды тұлғалар өтінішін журналға тіркеу болып табылады (мөртанба, кіріс нөмірі және тіркеу мерзімі шағымның екінші данасында немесе шағымға ілеспе хатта қойылады). Тұтынушыға шағымды қабылдаған адам, оның шағымының қабылданғанын растайтын нөмірі, күні, шағымды қабылдаған адамның тегі, байланыс деректері көрсетілген талон береді. Шағымдарды қарау Қазақстан Республикасының заңнамасында белгіленген тәртіппен және мерзімде жүзеге асырылады. Шағымды қарау нәтижесі жөнінде тұтынушыға пошта арқылы жазбаша түрде хабарланады. 26. Қазақстан Республикасы Ішкі істер министрлігінің мекенжайы: 010000, Астана қаласы, Тәуелсіздік көшесі, № 1 үй, телефоны: 71-46-46, интернет-ресурс: www.mvd.kz. 27. Қазақстан Республикасы Көлік және коммуникация министрлігінің Мемлекеттік қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің мекенжайы: 010000, Астана қаласы, Есіл ауданы, Орынбор көшесі, № 8 үй, 14-кіреберіс, e-mail интернет-ресурсы: kagu-con@mci.gov.kz және «электрондық үкімет» 1414 Call-орталық нөмірі.
ҚР Үкіметінің 2012.29.12. № 1788 Қаулысымен 1-қосымша өзгертілді (бұр.ред.қара) «Қазақстан Республикасының азаматтарын тұрғылықты жері бойынша тіркеу» мемлекеттік қызмет стандартына 1-қосымша
Мемлекеттік қызмет көрсететін халыққа қызмет көрсету орталықтарының (ХҚО) тізбесі
азаматтарын тұрғылықты жері бойынша тіркеу» мемлекеттік қызмет стандартына 2-қосымша
Облыстардың, Астана және Алматы қалаларының Ішкі істер департаменттері басшыларының байланыс телефондары мен заңды мекенжайлары
Доступ к документам и консультации
от ведущих специалистов |