Қазақстан Республикасы мен Түрік Республикасы арасындағы Анталия аймағы Кемер болысында орналасқан меншіктің Қазақстан Республикасына пайдалануға беру туралы хаттама (1993 жылғы 13 желтоқсан, Анкара қаласы) (2012.16.04. берілген өзгерістер мен толықтырулармен)

Қазақстан Республикасы мен Түрік Республикасы арасындағы Анталия аймағы Кемер болысында орналасқан меншіктің
Қазақстан Республикасына пайдалануға беру туралы
хаттама
(Анкара қ., 1993 жылғы 13 желтоқсанда)

(2012.16.04. берілген өзгерістер мен толықтырулармен)

ҚР Үкіметінің 2007 жылғы 6 қарашадағы № 1046 Қаулысымен бекітілді

2012 ж. 19 қарашада күшіне енді

Қазақстан Республикасы мен Түрік Республикасы арасындағы қалыптасқан байланыстарды, достық және туысқандықты одан әрі дамыту мақсатымен төмендегілер жайында келісті:

2012 ж. 16 сәуірдегі Хаттамамен 1-бап жаңа редакцияда (бұр.ред.қара)

1-бап

Мазмұны

Осы Хаттамаға сәйкес Анталия провинциясының Кемер уезінде Бельдиби ауылының аумағында орналасқан жалпы алаңы 66023,41 шаршы метр, 806 нөмірлі орманды жер учаскесі Қазақстан Республикасына пайдалануға беріледі.

2012 ж. 16 сәуірдегі Хаттамамен 2-бап жаңа редакцияда (бұр.ред.қара)

2-бап

Пайдалану түрі

Алаңы 22295,36 шаршы метр берілетін жер учаскесінің бір бөлігі Қазақстан Республикасына мемлекеттік резиденция үшін рекреациялық және сауықтыру мақсатында пайдалануға өтеусіз негізде беріледі.

Алаңы 43728,05 шаршы метр жер учаскесінің басқа бөлігі Қазақстан Республикасына коммерциялық мақсатта пайдалану үшін ақылы негізде беріледі. Осы жер учаскесін коммерциялық мақсатта пайдалануға байланысты салықтарды, баждар мен өзге де міндетті алымдарды төлеу тәртібі мен шарттары Түрік Республикасының заңнамасына сәйкес айқындалады.