Мемлекеттік сатып алу саласында тізілімдерді қалыптастырудың және оны жүргізудің ережесін бекіту туралы Қазақстан Республикасы Үкіметінің 2007 жылғы 29 қарашадағы № 1149 Қаулысы (2014.24.04. берілген өзгерістер мен толықтырулармен) (күші жойылды)

Мемлекеттік сатып алу саласында тізілімдерді қалыптастырудың және оны жүргізудің ережесін бекіту туралы
Қазақстан Республикасы Үкіметінің 2007 жылғы 29 қарашадағы № 1149 Қаулысы

(2014.24.04. берілген өзгерістер мен толықтырулармен)

 Қазақстан Республикасы Yкiметiнiң 2015 жылғы 10 тамыздағы № 636 Қаулысымен күші жойылды

«Мемлекеттік сатып алу туралы» Қазақстан Республикасының 2007 жылғы 21 шілдедегі Заңының 13-бабының 13) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Мемлекеттік сатып алу саласында тізілімдерді қалыптастырудың және оны жүргізудің ережесі бекітілсін.

2. Осы қаулы 2008 жылғы 1 қаңтардан бастап қолданысқа енгізіледі және ресми жариялануға тиіс.

Қазақстан Республикасы

Үкіметінің

2007 жылғы 29 қарашадағы

№ 1149 қаулысымен

бекітілген

Мемлекеттік сатып алу саласында тізілімдерді қалыптастырудың және оны жүргізудің
ережесі

1. Жалпы ережелер

1. Осы Мемлекеттік сатып алу саласында тізілімдерді қалыптастырудың және оны жүргізудің ережесі (бұдан әрі - Ереже) «Мемлекеттік сатып алу туралы» Қазақстан Республикасының 2007 жылғы 21 шілдедегі Заңына (бұдан әрі - Заң) сәйкес әзірленді және мемлекеттік сатып алу саласында тізілімдерді қалыптастырудың және оны жүргізудің тәртібін айқындайды.

ҚР Үкіметінің 2008.31.12 № 1321 Қаулысымен 2-тармақ өзгертілді (бұр. ред. қара)

2. Мемлекеттік сатып алу саласында тізілімдерді мемлекеттік сатып алу жөніндегі уәкілетті орган (бұдан әрі - уәкілетті орган) мемлекеттік сатып алу веб-порталы (бұдан әрі - веб-портал) арқылы электрондық түрде, мемлекеттік және орыс тілдерінде қалыптастырады және жүргізеді әрі олар Заңның 11-бабының талаптарына сәйкес болуы тиіс.

ҚР Үкіметінің 2008.31.12 № 1321 Қаулысымен 3-тармақ өзгертілді (бұр. ред. қара)

3. Мемлекеттік құпияларды және заңмен қорғалатын өзге де құпияны құрайтын мәліметтерді қоспағанда, тізілімдерде қамтылған мәліметтер веб-порталда орналастырылады және олар төлем алынбастан танысу үшін мүдделі тұлғаларға қол жетімді болуы тиіс.

2. Мемлекеттік сатып алу саласында тізілімдерді қалыптастыру және оны жүргізу тәртібі

ҚР Үкіметінің 2012.19.03. № 342 Қаулысымен 4-тармақ өзгертілді (бұр.ред.қара)

4. Мемлекеттік сатып алу саласында тізілімдер мынадай түрлерге бөлінеді:

1) тапсырыс берушілердің тізілімі;

2) ҚР Үкіметінің 2012.19.03. № 342 Қаулысымен алып тасталды (бұр.ред.қара)

3) мемлекеттік сатып алу туралы шарттардың тізілімі;

4) мемлекеттік сатып алуға жосықсыз қатысушылардың тізілімі.

§1. Тапсырыс берушілердің тізілімі

ҚР Үкіметінің 2008.31.12 № 1321 Қаулысымен (бұр. ред. қара); 2014.24.04. № 393 Қаулысымен (бұр. ред. қара) 5-тармақ өзгертілді

5. Тапсырыс берушілердің тізілімі тапсырыс беруші туралы мынадай мәліметтерді қамтуы тиіс:

1) тапсырыс берушінің атауы;

2) тапсырыс берушінің орналасқан орны - мекен-жайы, почталық индексі;

3) бизнес-сәйкестендіру нөмірі (БСН);

4) тапсырыс берушінің әділет органдарында мемлекеттік тіркелгені туралы құжаттың нөмірі және күні.

ҚР Үкіметінің 2008.31.12 № 1321 Қаулысымен Ереже 5-1-тармақпен толықтырылды өзгертілді

5-1. Тапсырыс берушілер тізілімін жүргізу осы Ережеге 2-қосымшаға сәйкес нысан бойынша веб-портал арқылы жүзеге асырылады.

ҚР Үкіметінің 2008.31.12 № 1321 Қаулысымен (бұр. ред. қара); 2014.24.04. № 393 Қаулысымен (бұр. ред. қара) 6-тармақ жаңа редакцияда

6. Тапсырыс берушілердің тізілімін қалыптастыру осы Ережеге 2-қосымшаға сәйкес веб-порталдағы тапсырыс берушінің тіркеу деректері негізінде веб-портал арқылы автоматты түрде жүзеге асырылады. Бұл ретте тапсырыс беруші веб-порталда ол әділет органдарында мемлекеттік тіркелген күнінен бастап үш жұмыс күнінен кешіктірмей тіркеледі. Қайта ұйымдастырылған (таратылған) не тапсырыс берушінің әділет органындағы тіркеу деректері өзгерген жағдайда, тапсырыс беруші осындай жағдайлар әділет органдарында тіркелген күннен бастап он жұмыс күнінен кешіктірмейтін мерзімде веб-порталдағы тапсырыс берушінің тіркеу деректеріне өзгертілген мәліметтерді енгізеді.

ҚР Үкіметінің 2008.31.12 № 1321 Қаулысымен 7-тармақ жаңа редакцияда (бұр. ред. қара)

7. ҚР Үкіметінің 2014.24.04. № 393 Қаулысымен алып тасталды (бұр. ред. қара)

8. ҚР Үкіметінің 2008.31.12 № 1321 Қаулысымен алып тасталды (бұр. ред. қара)

ҚР Үкіметінің 2008.31.12 № 1321 Қаулысымен 9-тармақ өзгертілді (бұр. ред. қара)

9. Тапсырыс берушілердің тізіліміне енгізілген тапсырыс беруші туралы мәліметтер заңнамада белгіленген тәртіппен электрондық түрінде сақталады.

§2. ҚР Үкіметінің 2012.19.03. № 342 Қаулысымен алып тасталды (бұр.ред.қара)

§ 3. Мемлекеттік сатып алу туралы шарттардың тізілімі

ҚР Үкіметінің 2008.31.12 № 1321 Қаулысымен (бұр. ред. қара); 2014.24.04. № 393 Қаулысымен (бұр. ред. қара) 13-тармақ өзгертілді

13. Шарттардың тізілімінде шарт (оның өзгеруі) туралы мынадай мәліметтер қамтылуы тиіс:

1) тапсырыс берушінің атауы;

2) қаржыландыру көзі - республикалық бюджет, жергілікті бюджет, мемлекеттік мекемелердің тауарларды (жұмыстарды, көрсетілетін қызметтерді) өткізуден түскен қаражаты, мемлекеттік мекемелер үшін демеушілік, қайырымдылық көмектен түскен қаражат (бұдан әрі - бюджеттен тыс қаражат), меншікті қаражат;

3) мемлекеттік сатып алуды Заңға сәйкес жүзеге асырудың, сондай-ақ осы Заңның өнім берушіні таңдауды және онымен мемлекеттік сатып алу туралы шарт жасасуды реттейтін нормаларын қолданбастан жүзеге асырылатын мемлекеттік сатып алу тәсілі;

4) конкурс қорытындылары, аукцион қорытындылары, бір көзден сатып алуды өткізу қорытындылары, баға ұсыныстарын сұратуды жүргізу қорытындылары шығарылған күн, сондай-ақ шарттың жасалу негізін растайтын құжаттың деректемелері;

 5) шартты жасасқан күн - шарттың жасалған жылы, күні, айы;

6) аумақтық қазынашылық бөлімшелерде мемлекеттік мекемелердің шартты тіркегені туралы мәліметтер - өтінім нөмірі мен тіркеу күнін қоса алғанда, тіркеу туралы хабарламалардың деректемелері;

7) шарттың мәні, бағасы және оның орындалу мерзімі - тауарлардың, жұмыстардың, көрсетілетін қызметтердің толық атауы, олардың құны, сондай-ақ шарттың орындалатын айы және жылы;

8) заңды тұлғалар үшін - атауы, орналасқан жері, бизнес-сәйкестендіру нөмірі (БСН) және өнім беруші (орындаушы, мердігер) болып табылатын жеке тұлғалар үшін - тегі, аты, әкесінің аты, тұрғылықты жері, жеке сәйкестендіру нөмірі (ЖСН);

 9) шарттың қолданылуын тоқтату туралы (орындалуы немесе орындалмауы туралы) мәліметтер - тауарларды беруге, жұмыстарды орындауға, қызметтерді көрсетуге арналған шарттың орындалуы туралы не оның бұзылуына байланысты немесе өзге де себептер бойынша шарттың қолданылуын тоқтату туралы ақпарат.

Мемлекеттік құпияларды және заңмен қорғалатын өзге де құпияны құрайтын мәліметтерді қамтитын мемлекеттік сатып алу туралы шарттар мемлекеттік сатып алу туралы шарттардың жеке тізіліміне енгізіледі, оны жүргізудің тәртібін уәкілетті орган мемлекеттік құпияларды қорғау жөніндегі уәкілетті органмен келісім бойынша белгілейді. Мұндай мәліметтерге қол жеткізу Қазақстан Республикасының мемлекеттік құпиялар туралы заннамасына сәйкес жүзеге асырылады.

Заңның 4-бабы 1-тармағының 3), 23) тармақшаларында көзделген мемлекеттік сатып алудың нәтижелері бойынша жасалған шарттар туралы мәліметтер мемлекеттік сатып алу туралы шарттардың тізіліміне енгізілуге жатпайды.

ҚР Үкіметінің 2008.31.12 № 1321 Қаулысымен 14-тармақ жаңа редакцияда (бұр. ред. қара)

14. Тапсырыс беруші шартты жасасқан (оны өзгерткен) күннен бастап он жұмыс күнінен кешіктірмей осы Ережеге 7-қосымшаға сәйкес шарттар тізілімінің электрондық нысанын толтыру жолымен шарт (оның өзгеруі) туралы мәліметтерді веб-порталға енгізеді.

ҚР Үкіметінің 2008.31.12 № 1321 Қаулысымен 15-тармақ өзгертілді (бұр. ред. қара)

15. Тапсырыс беруші шарт қолданылуын тоқтатқан (орындалған немесе орындалмаған) күнінен бастап үш жұмыс күнінен кешіктірмей осы Ережеге 7-қосымшаға сәйкес шарттар тізілімінің электрондық нысанын толтыру жолымен шарттың қолданылуын тоқтату туралы (орындалуы немесе орындалмауы туралы) мәліметтерді веб-портал арқылы енгізеді.

ҚР Үкіметінің 2008.31.12 № 1321 Қаулысымен 16-тармақ жаңа редакцияда (бұр. ред. қара)

16. ҚР Үкіметінің 2014.24.04. № 393 Қаулысымен алып тасталды (бұр. ред. қара)

17. ҚР Үкіметінің 2008.31.12 № 1321 Қаулысымен алып тасталды (бұр. ред. қара)

ҚР Үкіметінің 2008.31.12 № 1321 Қаулысымен 18-тармақ жаңа редакцияда (бұр. ред. қара)

18. Тапсырыс беруші мемлекеттік сатып алу веб-порталына шарттың өзгеруі туралы мәліметтерді немесе шарттың қолданылуын тоқтату туралы (орындалуы немесе орындалмауы туралы) мәліметтерді ұсынған жағдайда, шарт туралы бастапқы мәліметтер мұрағатын сақтай отырып, тізілімдегі жазбаны автоматты түрде жаңарту жүргізіледі.

19. ҚР Үкіметінің 2008.31.12 № 1321 Қаулысымен алып тасталды (бұр. ред. қара)

20. ҚР Үкіметінің 2008.31.12 № 1321 Қаулысымен алып тасталды (бұр. ред. қара)

21. Шарттардың тізіліміне енгізілген шарт (оның өзгеруі) туралы мәліметтер және (немесе) шарттың қолданылуын тоқтату туралы (орындалуы немесе орындалмауы туралы) мәліметтер шарттың қолданылуын тоқтату туралы (орындалуы немесе орындалмауы туралы) мәліметтерді оған енгізген күннен бастап үш жыл бойы шарттардың тізілімінде сақталады.

ҚР Үкіметінің 2008.31.12 № 1321 Қаулысымен 22-тармақ өзгертілді (бұр. ред. қара)

22. Көрсетілген мерзім өткен соң шарттардың тізілімінен шығарылған шарт (оның өзгеруі) туралы мәліметтер немесе шарттың қолданылуын тоқтату туралы (орындалуы немесе орындалмауы туралы) мәліметтер заңнамада белгіленген тәртіппен электрондық түрінде сақталады.

§ 4. Мемлекеттік сатып алуға жосықсыз қатысушылардың тізілімі

ҚР Үкіметінің 2008.31.12 № 1321 Қаулысымен 23-тармақ өзгертілді (бұр. ред. қара)

23. Тапсырыс берушілер әлеуетті өнім берушіні мемлекеттік сатып алуға жосықсыз қатысушы деп тану туралы соттың шешімі заңды күшіне енгеннен кейін үш жұмыс күні ішінде осы Ережеге 8-қосымшаға сәйкес мұндай өнім беруші туралы мәліметтерді электрондық және қағаз түрінде уәкілетті органға береді.

24. Тізілімді жүргізу осы Ережеге 9-қосымшаға сәйкес нысан бойынша жүзеге асырылады.

ҚР Үкіметінің 2012.19.03. № 342 Қаулысымен 25-тармақ жаңа редакцияда (бұр.ред.қара); ҚР Үкіметінің 2014.24.04. № 393 Қаулысымен 25-тармақ өзгертілді (бұр. ред. қара)

25. Тізілімге мәліметтерді енгізген кезде:

1) жосықсыз өнім беруші туралы ақпарат:

өнім берушінің атауы;

елі;

Қазақстан Республикасының резиденттері үшін - бизнес сәйкестендіру нөмірі (БСН) (заңды тұлға үшін);

жеке сәйкестендіру нөмірі (ЖСН) (жеке тұлға үшін);

Ресей Федерациясының резиденттері үшін - салық төлеушінің сәйкестендіру нөмірі (СТС) (заңды тұлғалар үшін), дара жеке шоттың сақтандыру нөмірі (ДЖШСН) (жеке тұлғалар үшін);

Беларусь Республикасының резиденттері үшін - төлеушінің есепке алу нөмірі (ТЕН) (заңды тұлғалар үшін), веб-порталда автоматты түрде берілетін реттік нөмір (РН) (жеке тұлғалар үшін);

 2) өткізілген сатып алу туралы мәліметтер:

сатып алуды жүзеге асыру тәсілі;

сатып алу туралы хабарландырудың нөмірі;

сатып алу туралы хабарландырудың күні;

сатып алу қорытындыларын шығару күні;

3) Мемлекеттік сатып алу туралы шарттар тізіліміндегі шарттың нөмірі;

4) өнім берушіні (әлеуетті) мемлекеттік сатып алуға жосықсыз қатысушы деп тану негіздемесі;

5) сот шешімі туралы мәліметтер:

соттың атауы;

сот шешімінің нөмірі;

сот шешімінің күні;

сот шешімінің заңды күшіне енген күні;

6) Мемлекеттік сатып алуға жосықсыз қатысушылардың тізілімінен алып тасталған күн.

ҚР Үкіметінің 2014.24.04. № 393 Қаулысымен 26-тармақ жаңа редакцияда (бұр. ред. қара)

26. Мемлекеттік сатып алудың жосықсыз қатысушысы туралы мәліметтерді қамтитын тізілімдегі жазба Заңда белгіленген мерзім өткен соң тізілімнен автоматты түрде алынып тасталады. Мемлекеттік сатып алудың жосықсыз қатысушысы деп тану туралы шешімді жою туралы заңды күшіне енген сот актісі болған жағдайда, мемлекеттік сатып алуға жосықсыз қатысушы туралы мәліметтерді қамтитын тізілімдегі жазба әлеуетті өнім берушінің не өнім берушінің сұрау салуы бойынша уәкілетті орган тиісті сот актісін алған күннен бастап үш жұмыс күні ішінде алынып тасталады.

1-қосымша. ҚР Үкіметінің 2008.31.12 № 1321 Қаулысымен алып тасталды (бұр. ред. қара)

 ҚР Үкіметінің 2008.31.12 № 1321 Қаулысымен 2-қосымша өзгертілді (бұр. ред. қара); ҚР Үкіметінің 2014.24.04. № 393 Қаулысымен 2-қосымша жаңа редакцияда (бұр. ред. қара)

Мемлекеттік сатып алу саласында

тізілімдерді қалыптастырудың

және оны жүргізудің ережесіне

2-қосымша

Тапсырыс берушілер тізілімі

кестенің жалғасы

кестенің жалғасы

кестенің жалғасы

3-қосымша. ҚР Үкіметінің 2012.19.03. № 342 Қаулысымен алып тасталды (бұр.ред.қара)

4-қосымша. ҚР Үкіметінің 2012.19.03. № 342 Қаулысымен алып тасталды (бұр.ред.қара)

5-қосымша ҚР Үкіметінің 2008.31.12 № 1321 Қаулысымен алып тасталды (бұр. ред. қара)

6-қосымша ҚР Үкіметінің 2008.31.12 № 1321 Қаулысымен алып тасталды (бұр. ред. қара)

ҚР Үкіметінің 2008.31.12 № 1321 Қаулысымен 7-қосымша жаңа редакцияда (бұр. ред. қара); ҚР Үкіметінің 2009.20.12 № 2138 Қаулысымен (бұр.ред.қара); 2009.30.12. № 2305 Қаулысымен (бұр.ред.қара) 7-қосымша өзгертілді; ҚР Үкіметінің 2014.24.04. № 393 Қаулысымен 7-қосымша жаңа редакцияда (бұр. ред. қара)

Мемлекеттік сатып алу саласында

тізілімдерді қалыптастырудың

және оны жүргізудің ережесіне

7-қосымша

Шарттардың тізілімі

кестенің жалғасы

кестенің жалғасы

ҚР Үкіметінің 2008.31.12 № 1321 Қаулысымен 8-қосымша өзгертілді (бұр. ред. қара); ҚР Үкіметінің 2012.19.03. № 342 Қаулысымен (бұр.ред.қара); 2014.24.04. № 393 Қаулысымен (бұр. ред. қара) 8-қосымша жаңа редакцияда

Мемлекеттік сатып алу саласында

тізілімдерді қалыптастырудың

және оны жүргізудің ережесіне

8-қосымша

Мемлекеттік сатып алуға жосықсыз қатысушылар туралы мәліметтер

кестенің жалғасы

ҚР Үкіметінің 2008.31.12 № 1321 Қаулысымен 9-қосымша өзгертілді (бұр. ред. қара); ҚР Үкіметінің 2012.19.03. № 342 Қаулысымен (бұр.ред.қара); 2014.24.04. № 393 Қаулысымен (бұр. ред. қара) 9-қосымша жаңа редакцияда

Мемлекеттік сатып алу саласында

тізілімдерді қалыптастырудың

және оны жүргізудің ережесіне

9-қосымша

Мемлекеттік сатып алуға жосықсыз қатысушылар тізілімі

кестенің жалғасы