«Техникалық құралдардың өлшем құралдарына тиістілігін белгілеу ережесін бекіту туралы» Қазақстан Республикасы Индустрия және сауда министрлігі 2009 жылғы 12 қарашадағы № 312 бұйрығы (2013.28.01. берілген өзгерістермен) (күші жойылды)

Техникалық құралдардың өлшем құралдарына тиістілігін белгілеу ережесін бекіту туралы
Қазақстан Республикасы Индустрия және сауда министрлігі 2009 жылғы 12 қарашадағы № 312 бұйрығы

(2013.28.01. берілген өзгерістермен)

ҚР Сауда және интеграция министрінің 2019 жылғы 23 желтоқсандағы № 143 бұйрығымен күші жойылды

 «Өлшем бірлігін қамтамасыз ету туралы» Қазақстан Республикасының 2000 жылғы 7 маусымдағы Заңының 5-бабы 2-тармағы 16) тармақшасын іске асыру мақсатында, БҰЙЫРАМЫН:

1. Қоса берілген Техникалық құралдардың өлшем құралдарына тиістілігін белгілеудің ережелері бекітілсін.

2. Қазақстан Республикасы Индустрия және сауда министрлігінің Техникалық реттеу және метрология комитеті:

1) белгіленген тәртіпте осы бұйрықты Қазақстан Республикасының Әділет министрлігінде мемлекеттік тіркеуді қамтамасыз етсін;

2) мемлекеттік тіркеуден кейін Қазақстан Республикасының заңнамасында белгіленген тәртіпте оны бұқаралық ақпарат құралдарында ресми жариялауды қамтамасыз етсін.

3. Осы бұйрықтың орындалуын бақылау Қазақстан Республикасы Индустрия және сауда министрлігінің Техникалық реттеу және метрология комитетінің Төрағасы Ғ.М. Мұхамбетовке жүктелсін.

4. Осы бұйрық оның бірінші ресми жарияланған күнінен кейін он күннен кейін қолданысқа енгізіледі.

Қазақстан Республикасы

Индустрия және сауда

министрінің

2009 жылғы 12 қарашадағы

№ 312 бұйрығымен

бекітілген

Техникалық құралдардың өлшем құралдарына тиістілігін белгілеу

ережелері

Осы Техникалық құралдардың өлшем құралдарына тиістілігін белгілеу ережелері «Өлшем бірлігін қамтамасыз ету туралы» Қазақстан Республикасының 2000 жылғы 7 маусымдағы Заңына сәйкес әзірленген және техникалық құралдардың өлшем құралдарына тиістілігін белгілеу тәртібін (бұдан әрі - Ережелер) анықтайды және техникалық құралдардың өндірушілері, жеткізушілері және пайдаланушылары болып табылатын жеке және заңды тұлғаларға қолданылады.