«Қазақстан Республикасы Туризм және спорт министрлігінің 2010 - 2014 жылдарға арналған стратегиялық жоспары туралы» Қазақстан Республикасы Үкіметінің 2009 жылғы 31 желтоқсандағы № 2340 Қаулысы (2010.20.11. берілген өзгерістер мен толықтырулармен)

Корреспонденты на фрагмент
Поставить закладку
Посмотреть закладки
Добавить комментарий

Қазақстан Республикасы Туризм және спорт министрлігінің 2010 - 2014 жылдарға арналған стратегиялық жоспары туралы
Қазақстан Республикасы Үкіметінің 2009 жылғы 31 желтоқсандағы № 2340 Қаулысы

(2010.20.11. берілген өзгерістер мен толықтырулармен)

«Қазақстан Республикасындағы мемлекеттік жоспарлау жүйесі туралы» Қазақстан Республикасы Президентінің 2009 жылғы 18 маусымдағы № 827 Жарлығын іске асыру мақсатында Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Қазақстан Республикасы Туризм және спорт министрлігінің 2010 - 2014 жылдарға арналған стратегиялық жоспары бекітілсін.

2. Осы қаулы 2010 жылғы 1 қаңтардан бастап қолданысқа енгізіледі және ресми жариялануға тиіс.

Қазақстан Республикасының

Премьер-Министрі

К. Мәсімов

Поставить закладку
Посмотреть закладки
Добавить комментарий

Қазақстан Республикасы

Үкіметінің

2009 жылғы 31 желтоқсандағы

№ 2340 қаулысымен

бекітілген

Қазақстан Республикасы Туризм және спорт министрлігінің

2010 — 2014 жылдарға арналған стратегиялық жоспары

I. Миссиясы мен пайымдауы

Миссиясы

Туризм, дене шынықтыру және спорт саласында мемлекеттік саясатты іске асыру мақсатында тиімді мемлекеттік басқаруды және салааралық, өңіраралық үйлестіруді қамтамасыз ету.

Пайымдауы

Қазақстанның халықаралық туристік қоғамдастыққа Орталық Азия өңіріндегі туризмнің көшбасшысы ретінде бірігуі және бәсекеге қабілетті спорттық ұлтты қалыптастыру.

Поставить закладку
Посмотреть закладки
Добавить комментарий

II. Қазіргі жағдайды талдау

2008 жылы министрліктің қызметі Қазақстан Республикасы Үкіметінің 2007 - 2009 жылдарға арналған бағдарламасын, Қазақстан Республикасында туризмді дамытудың 2007 - 2011 жылдарға арналған мемлекеттік бағдарламасын және Қазақстан Республикасында дене шынықтыру және спортты дамытудың 2007 - 2011 жылдарға арналған мемлекеттік бағдарламасын іске асыруға бағытталды.

Туризм саласында

Қазақстан Республикасында туризмді дамытудың 2007 - 2011 жылдарға арналған мемлекеттік бағдарламасын іске асырудың бірінші жылының қорытындысы бойынша туристік қызмет көрсеткіштерінің тұрақты өсу үрдісінің сақталғаны байқалады. Айталық, 2008 жылдың қорытындысы бойынша 2007 жылмен салыстырғанда тұтастай республика бойынша туристердің саны 3,1 %-ға көбейді. Туризм түрлері бойынша туристік индустрияның түрлі бағыттағы даму үрдістері байқалады: 2007 жылғы ұқсас кезеңмен салыстырғанда сыртқа шығушы туристер саны 15,4 %-ға артты және 5 242,6 мың адамды құрады, ішкі туризмдегі келушілер саны 8,2 %-ға артты және 4 254,1 мың адамды құрады.

Көрсетілген қызметтердің жалпы көлемі 22,6 %-ға артты және 66 045,9 млн. теңгені құрады, сатылған жолдамалар құны 16 926, 8 млн. теңгені құрады.

Есепті кезеңде туристік қызметпен айналысатын 1163 туристік фирма және 64 жеке кәсіпкер 497,1 мың келушіге қызмет көрсетті, бұл экономикадағы әлемдік жағдайдың салдарынан 2007 жылғы деңгеймен салыстырғанда 12,3 %-ға кем.

Туристік индустрия субъектілерінің туристік қызметінен түскен жалпы табыс 2008 жылы 66,6 млрд. теңгені құрады және бюджетке аударылған салық сомасы 9,3 млрд. теңгені құрады.

Республикада қолданыстағы қонақ үй шаруашылығының 1149 кәсіпорны 2 576,2 мың адамға қызмет көрсетті және 50 559,4 млн. теңгеге қызмет көрсетті. Есепті кезеңнің қорытындылары бойынша орналастыру объектілерінде 29 504 нөмір бар, олардың біржолғы сыйымдылығы 64 377 төсек-орынды құрады.

Алайда, әлемдік экономикалық дағдарыс және әлеуетті туристердің сатып алу мүмкіндігінің төмендеуі республикаға келу санына кері әсерін тигізді, осылайша, 2008 жылдың қорытындысы бойынша 2007 жылмен салыстырғанда сырттан келушілер туризмі 11,1 %-ға азайды және 4 721,5 мың адамды құрады.

Елімізде қазақстандық және шетелдік азаматтардың әр түрлі туристік қызметтерге деген сұраныстарын қанағаттандыру үшін кең мүмкіндіктерді қамтамасыз ететін қазіргі заманғы аса тиімді және бәсекеге қабілетті туристік кешенді іске асыруға жағдай жасалып жатыр, ұлттық туристік өнімнің сапасын қамтамасыз ету үшін стандарттар әзірленді және қабылданды. Қазақстан Республикасында туризмнің материалдық-техникалық базасын дамытуға инвестиция тарту үшін шарттар анықталды.

Туризм және спорт саласының аясында ерлер және әйелдердің тең құқығы және тең мүмкіндіктері олардың өзіндік ерекшеліктері есепке алына отырып, табысты іске асып жатқандығын атап өткен жөн: туризм индустриясында туристік ұйымдардың басшылығында және қызмет көрсету аясында әйелдер көбірек еңбекпен қамтылған (барлық еңбекпен қамтылғандар санының 98 %-ға жуығы). Спортта әдетте ерлер көш бастап жүрген спорт түрлерін көптеген әйел азаматтар белсенді игеріп жатыр.

Бұдан басқа, бүгінде бірқатар проблемалық мәселелер туындап отыр, олардың шешу көзделген мақсатқа - Қазақстанды Орталық Азия өңіріндегі туризм орталығы ретінде қалыптастыруға қол жеткізуге мүмкіндік береді.

1. Туристік және көліктік инфрақұрылымдардың жеткіліксіз дамуы

Қонақ үйлерді, пансионаттарды, демалыс үйлері мен базаларын қоса алғанда, орналасу объектілерінің, сонымен қатар санаторийлік-курорттық мекемелердің материалдық базасы жоғары дәрежеде моральдық және физикалық тозғандығымен сипатталады. Бүгінгі таңда туризм ауқымы, сапа түрлері және туристер үшін ұсынылатын тұратын жерлер халықаралық талаптарға сай емес.

2. Қызмет көрсетудің төмен сапасы және Ұлы Жібек жолының қазақстандық бөлігінде таңбалы тарихи орындардың қиындық тудыруы қазақстандық та, шетелдік те туристерді қызықтырмайды. Біздің тарихи мұрамыздың туристік бағдарламаларын халықаралық насихаттау мен жылжыту да сапалы түрде қайта қарауды талап етеді.

Туризмді дамыту көлік инфрақұрылымының жағдайымен тікелей байланысты болғандықтан, әуе және темір жол тасымалы географиясының шектеулілігі, ішкі және сыртқы туристердің топтық сапарлары үшін көліктің барлық түріне жол жүру билеттеріне жеңілдіктер жүйесінің болмауы маңызды проблемаға айналып отыр.

3. Кадрларды даярлаудың, қайта даярлаудың және олардың біліктілігін арттырудың төмен деңгейі және туризмнің ғылыми базасының жоқтығы

Туризмді дамытуға кедергі жасайтын негізгі проблемалардың бірі қызмет көрсететін салада мамандандырылған туристік кадрлардың болмауы болып табылады. Бұл туризм индустриясы объектілерінде білікті мамандардың болмауы проблемасына ғана емес, сонымен қатар туристік сала үшін кадрлар даярлау сапасына да қатысты.

4. Туристік индустрияда ұсынылатын қызметтердің төмен сапасы

Бұл мәселе жоғарыда аталған мәселемен өзара байланысты, өйткені қызмет көрсету саласындағы төменгі сапа туризм индустриясы объектілерінде көрсетілетін қызметтер сапасының төмендеуіне әкеп соқтырады. Сонымен қоса, бұл Қазақстанда туристік визаларды рәсімдеу мерзіміне, шетелдік туристерді тіркеу процедураларына, кедендік және паспорттық бақылауға қатысты.

5. Туризм елі ретінде Қазақстанның жеткіліксіз деңгейдегі тартымдылығы

Елдің оң туристік имиджін жылжыту жөніндегі іс-шаралар жүйесіз сипатта, туризм жөніндегі көрмелерге қатысу мемлекеттің жарнамалық қызметінің тиімділігін толық өлшемде қамтамасыз етпейді. Осы уақытқа дейін туристерді тартуда Қазақстан үшін бірінші басымдықты нарықтар болып табылатын елдер - Германияда, Ұлыбританияда, Оңтүстік Кореяда туристік өкілдіктер (шетелдердегі мекемелер жанынан туризм бөлімдерін) ашу және олардың қызметін қамтамасыз ету мәселесі шешілмей отыр. Сонымен қатар, жыл сайын орасан көп туристерді қабылдайтын, туризм саласында дамыған елдердің (Франция, Испания, Германия) тәжірибесі аталған мәселені шешу қажеттігін куәландырады.

Қазақстан туризмінің әлемдік туристік нарықтағы қалыптасқан бәсекеге қабілеттілік деңгейі сақталған жағдайда отандық туристік нарықты дамыту мүмкіндігі өмір деңгейін жақсарту және халықтың еңбекпен қамтылуын қамтамасыз ету үшін, сапалы туристік қызметтерге деген артып келе жатқан сұранысты қанағаттандыру және елде туризмді тұрақты дамытуға жағдайлар жасау үшін жеткіліксіз болады.

Спорт саласында

Қазақстан Республикасы Туризм және спорт министрлігі халықаралық стандарттарға жақындау мақсатында 2008 жылы спорттың инфрақұрылымын одан әрі дамытуға және республика спортының материалдық-техникалық базасын жақсартуға бағытталған бірқатар ұйымдастыру шараларын жүзеге асырды.

2008 жылы спорт құрылыстарының саны бүкіл республика бойынша 29 847 бірлікті құрады, олардың ішінде 19341 бірлік ауылдық жерде орналасқан, бұл 2007 жылмен салыстырғанда 249 бірлікке (1,2 %) артық, оның ішінде:

жүзу бассейндерінің саны 12 бірлікке артты (2007 жылы - 186 болса, 2008 жылы - 198 болды);

2008 жылы Солтүстік Қазақстан және Ақмола облыстарында екі стадион салынды (2007 жылы - 240 бірлік болса, 2008 жылы - 242 болды);

спорт залдарының саны 119 бірлікке көбейіп, 2007 жылы - 6 715 бірлік болса, 2008 жылы - 6 834-ті құрады;

20 бірлікке теннис корты көбейді. Егер 2007 жылы олардың саны - 221 болса, 2008 жылы - 241-ді құрады (6 - Астанада, 5 - Алматы облысында, 3 - Оңтүстік Қазақстан, 2 - Атырау облыстарында және 1 - Батыс Қазақстан, Қарағанды, Қызылорда, Қостанай облыстарында).

- хоккей корты 2008 жылы 36 бірлікке көбейді, егер 2007 жылы олардың саны 275 бірлік болса, 2008 жылы - 311-ді құрады (32 - Солтүстік Қазақстан облысында және 4 - Павлодар облысында).

Астана және Алматы қалаларындағы 7-ші қысқы Азия ойындарын дайындау мен өткізу шеңберінде заманауи спорт объектілері салынатын болады.

«30 корпоративтік көшбасшы» бағдарламасына енген «Медеу - Шымбұлақ» «серпінді» жобасын іске асыру мақсатында спорт инфрақұрылымын дамыту үшін мемлекеттік-жеке серіктестік шеңберінде жұмыс жүргізілуде.

Республикада 11 өңірлік спортта дарынды балаларға арналған мектеп-интернат жұмыс істейді, оларда 2811 болашағы бар оқушылар оқиды. Өңірлерде жоғарғы нәтижелерге жету үшін жағдай жасаған.

Барлық облыстарда және Астана мен Алматы қалаларында 16 олимпиада резервін даярлау орталығы бар, онда 1128 спортшы шеберліктерін көтереді.

Республикада 7 мамандандырылған олимпиадалық даярлау орталығы жұмыс істейді, оларда 904 спортшы спорт шеберлігін шың және орталық спортшылардың 95 %-ы Қазақстан құрамы командасының негізгі Жастар және жасөспірімдер құрамаларының санында өнер көрсетеді.

Пекинде өткен 29 жазғы Олимпиада ойындарының қорытындысында әртүрлі дәрежеде 13 медаль иеленді, соның ішінде 2 алтын, 4 күміс және 7 қола медаль, жалпы командалық 29 орынды иеленді.

Дамудың оң тенденцияларымен қатар, отандық спорттың дамуын тежеп отырған проблемалар да бар:

1. Материалдық-техникалық базаның және спорт инфрақұрылымының төмен деңгейі

1) қазіргі қызмет ететін олимпиадалық даярлық орталықтары мен олимпиадалық даярлық резерві орталықтарындағы жоғары жетістіктер спортында өзіндік материалдық-техникалық базасы жоқ;

2) ауылда спортты дамыту проблемасы бәрінен бұрын материалдық-техникалық базаның жоқтығынан айрықша өткір болып тұр. Ауылдық жерлердегі 4169 спорт залының 3639-ы жалпы білім беру мектептерінде орналасқан және оқу сабақтарын өткізу үшін пайдаланылады. Спорт ғимараттарының тек 12,0 %-ында ғана барлық халықтың дене шынықтырумен айналысуына мүмкіндік бар.

Спорттық ғимараттардың ғана емес, сонымен бірге ұйымдарда, оқу орындарында, халықтың тұратын жері мен бұқаралық демалыс орындарында спорттық мүкәммал мен жабдықтың да жетіспеуі сезіледі. Республикалық олимпиадалық даярлық орталықтары мен өңірлік олимпиадалық резервті даярлау орталықтарының өзіндік спорттық базалары жоқ. Спортта дарынды балаларға арналған мектеп-интернаттардың және жоғары спорт шеберлігі мектептерінің спорттық базалары да талаптарға сәйкес келмейді.

Жоғары спорт шеберлігі мектептерінің проблемалары да осы деңгейде оқу-жаттығу процесін ұйымдастыру жеткілікті қаржыландырылмайды, соның салдарынан жоспарланған жарыстар мен жиындарды өткізуге, үй-жайларды жалдауға қаражат жетіспейді.

Қазіргі қызмет ететін спорттық ғимараттардың басым көпшілігі техникалық пайдалану жөніндегі жетілдірілген нормативтер мен талаптарға, халықаралық регламенттерге және жарыстар мен оқу-жаттығу процесін өткізу ережелеріне сәйкес келмейді.

2. Бұқаралық және балалар мен жасөспірімдер спортының нашар дамуы

1991 жылдан бастап дене шынықтыру және спорт саласында біршама өзгерістер болды, олар республикалық ерікті дене шынықтыру-спорттық қоғамдары, дене шынықтыру ұжымдары, балалар мен жасөспірімдер мектептері, тұрғылықты жері бойынша жеткіншектер клубтары желілерінің күрт қысқаруына әкелді. Балалар мен жасөспірімдер спорт мектептерінің желісі қазіргі уақытта республиканың мектеп жасындағы балаларының 6 %-ының ғана айналысуына мүмкіндік тудыра алады. Төмен деңгейдегі материалдық-техникалық база, сапалы спорттық мүкәммал мен жабдықтың болмауы спорт резервін жоғары деңгейде дайындауды ұйымдастыруға және халықаралық дәрежедегі спортшыларды тәрбиелеуге мүмкіндік бермейді. Халықтың тұрғылықты жері бойынша да жұмыс дұрыс жолға қойылмаған, жеткіншіктер клубтарының желісі жеткіліксіз дамыған, қарапайым спорт алаңдары мен тұрғылықты жерлерде және бұқаралық демалыс орындарында спорт ғимараттары жоқтың қасы. Ауылда спортты дамыту проблемасы ерекше өткір болып отыр. Елдің төрт облысының ауылдық жерлерінде бір де бір жүзу бассейні жоқ, республиканың 13 ауданында балалар мен жасөспірімдерге арналған спорт мектептері жоқ, соған байланысты ауылда спортпен айналысушы балалар мен жеткіншектердің саны жалпы республикалық көрсеткіштен екі есе төмен.

3. Қазіргі заманғы талаптарға жауап беретін ғылыми базаның болмауы, білікті мамандар тапшылығы

1) спорт саласында білікті мамандардың өткір жетіспеуі байқалады. Жоғары шеберлік спортында республиканың жетекші жаттықтырушыларының көпшілігі орта жаста, ал олардың орнын толық ауыстыратын мамандар жоқ. Сонымен қатар, ауылдық жерлердегі жалпы білім беру мектептерінің 25 %-ның дене шынықтыру мұғалімдері жоқ, балалар мен жасөспірімдер спорт мектептерінің оқытушылық құрамының 30 %-ның арнаулы білім жоқ;

2) спорттық ғимараттарды техникалық пайдалану мамандары жоқ, Спорт және туризм академиясының спорт түрлері бойынша түлектерінің дайындық деңгейі қазіргі заманғы талаптарға жауап бермейді.

Спорт саласы жоғары бәсекелі болып табылады және оқу-жаттығу процесін ұйымдастыру, спортшылардың функционалдық және физикалық мүмкіндіктерін арттыру, оларды оңалту және қалыпқа келтіру әдістемесіндегі барлық жаңаша әзірлемелер стратегиялық материалдар болып табылады, оларды басқа елдердің иеленуі мүмкін болмайды.

Бүгін біздің жаттықтырушылар Бүкілодақтық дене шынықтыру ғылыми-зерттеу институты 1983 - 1985 жылдары әзірлеген бағдарламалар мен әдістемелер бойынша жұмыс істейді. Қазақстан өзінің ғылыми базасын құрмай, бүгінде заманауи ғылыми әдістемелерсіз қалып отыр. Сол себепті республиканың спорт мектептерінде спорт түрлерінен бірыңғай оқу бағдарламаларын енгізу мүмкін болмай отыр, ал ол спорт резерві мен халықаралық дәрежедегі спортшыларды даярлаудың жүйелі жолын қамтамасыз етуге кедергі келтіріп отыр.

Поставить закладку
Посмотреть закладки
Добавить комментарий

ҚР Үкіметінің 2010.14.06. № 571 Қаулысымен (бұр.ред.қара); 2010.20.11. № 1227 Қаулысымен (бұр.ред.қара) ІІІ бөлім өзгертілді

ІІІ. Қызметінің стратегиялық бағыттары, мақсаттары, міндеттері және көрсеткіштері

Атауы	Өлшем бірлігі	Есепті кезең		Жоспарлы кезең
Атауы	Өлшем бірлігі	1-жыл (есеп)	2-жыл (ағымдағы жоспар)	1-жыл	2-жыл	3-жыл	4-жыл	5-жыл
		2008	2009	2010	2011	2012	2013	2014
Туризм саласында
1-стратегиялық бағыт. Қазақстанды Орталық Азия өңірінің туризм орталығына айналдыру
1-мақсат. Аса тиімді және бәсекеге қабілетті туристік индустрия құру
Показать изменения Нысаналы индикаторлар Туристік қызмет саласындағы қызметтерді ұсынатын ұйымдардың жиынтық кірісін 2015 жылға 2008 жылдың деңгейінен кемінде 12 %-ға ұлғайту: 2009 жылы кемінде 2,5 %-ға, 2010 жылы кемінде 3,3 %-ға, 2011 жылы кемінде 4,7 %-ға, 2012 жылы кемінде 7,5%, 2013 жылы кемінде 9,5 %-ға.
1.1.1-міндет	Туризм инфрақұрылымын дамытуды қамтамасыз ету
1. Туристік орталықтарды салу: Туристік индустрияның неғұрлым перспективалы бағыттары бойынша салалық шебер-жоспар әзірлеу	шебер-жоспар		1
2. Ұлы Жібек Жолының қазақстандық бөлігінде туризмнің дамуына зерттеу жүргізу (жеке инвестицияның есебінен)	есеп		1
3. Жол бойы инфрақұрылымы объектілерінің саны - (ККМ және тиісті әкімдіктермен бірге)	саны		5	5	5
4. Туристік және табиғи объектілерге апаратын жөнделген және жаңа жолдардың ұзақтығы - (ККМ және тиісті әкімдіктермен бірге)	км	1781,4	604,9	872,7	1106,8
5. 2 мемлекеттік ұлттық табиғи паркте жайластырылған экологиялық соқпақтар саны (АШМ-мен бірге)	соқпақтар	15	8	19	20
1.1.2-міндет	Туристік қызмет көрсетулердің сапасын арттыруды қамтамасыз ету
1. «Жедел желі» анықтамалық туристік қызметтер саны - облыс және Астана және Алматы қалаларының әкімдіктерімен бірге	саны		1	1	2	2
2. Қонақжайлылық индустриясын ұйымдастыру жөніндегі курс тыңдаушыларының саны - облыс және Астана және Алматы қалаларының әкімдіктерімен, Қазақстандық туристік қауымдастығымен және басқа да мүдделі ұйымдармен бірге (жеке инвестицияның есебінен)	саны		150	150	150	150	150	150
3. Туризм индустриясы саласында кәсіби стандарттарды әзірлеу	қызмет			1
1.1.3-міндет	Қазақстандық туристік өнімді халықаралық және ішкі нарықта жылжыту
1. Қазақстанның халықаралық туристік көрмелерге қатысуы	саны	8	8	8	8	8	8	8
2. Қазақстанның туристік әлеуетті туралы бейнероликтер көрсететін халықаралық телеарналардың саны	жылына саны	4	0	1
3. Шетелдік БАҚ өкілдері мен туроператорлар үшін ақпараттық турлардың саны		1	1
4. Дайындалған және шығарылған жарнамалық-ақпараттық өнімнің қағаз және электрондық жеткізгіштегі саны	саны	121 000	0	кемінде 60000
5. Ішкі туризм бойынша туристік іс-шаралар санын көбейту	саны	2	4	4	4	4	4	4
1.1.4-міндет	Халықаралық қоғамдастыққа интеграциялау
1. ЮНДТҰ өткізетін іс-шараларға Қазақстанның қатысуы (Қазақстан Республикасы Сыртқы істер министрлігімен бірге)	елдер саны	1	0	1	1	1	1	1
2. 2009 жылы Астана қаласында Дүниежүзілік туристік ұйымының Бас Ассамблеясының 18-сессиясын өткізу	мүше елдер саны	0	145
Спорт саласында
2-стратегиялық бағыт. Қазақстандық спорттың әлемдік спорт аренасындағы бәсекеге қабілеттілігін арттыру
1-мақсат. Спортшылардың сапалы дайындығы және халықаралық аренада сапалы өнер көрсетуі үшін жағдайлар жасау
Нысаналы индикатор Қазақстанның әлемдегі жетекші отыз спорттық державаның қатарына кіруі
2.1.1-міндет	Халықаралық стандарттарға жауап беретін материалдық-техникалық базаны және спорт инфрақұрылымын дамыту
1. Спорт құрылыстарын қалпына келтіру және қайта құру саны	саны		4	6	1		3	1
2. Ведомстволық бағынысты спорт ұйымдарын материалдық техникалық жарақтандыру	саны (кемінде)	559	2	528	500	470	450	450
3. Ведомстволық бағынысты спорт ұйымдарының ғимараттарын, үй-жайларын және құрылыстарын күрделі жөндеу	саны (кемінде)	2		1	1	1	1	1
2.1.2-міндет	Қазақстандық спортшылардың бәсекеге қабілеттілігін қамтамасыз ету
1. Халықаралық дәрежедегі спорт шеберлерінің санын арттыру	%	5	10	15	20	25	28	30
Показать изменения 2. Спорттық республикалық мемлекеттік мекемелердің және мемлекеттік қазыналық кәсіпорындардың саны	саны	18	18	20
2.1.3-міндет	Спорт түрлерінен мамандарды даярлау және олардың біліктілігін арттыру жүйесін жасау
1. Жас спортшыларды шет елдерде оқыту	саны		28	28	28	28	28	28
2. Спорт проблемалары жөніндегі мәселелерді шешуге арналған ғылыми зерттеулер саны	саны	4	6	6	6	6	6	6
2.1.4-міндет	2011 - 2012 жылдардағы Олимпиада және Азия ойындарына дайындау
1. Қысқы Азия ойындарында өнер көрсету қорытындылары бойынша Қазақстанның күшті үштік командасына ену	орын	4			3
2. Жазғы Олимпиада ойындарында өнер көрсету қорытындылары бойынша Қазақстанның күшті 30 командаға енуі	орын	29				28
2-мақсат. Бұқаралық спортты және дене шынықтыру-сауықтыру қозғалысын дамыту
Нысаналы индикатор Дене шынықтырумен және спортпен шұғылданатын халықтың барлық жас ерекшеліктерінің үлесін 2014 жылы 23,0 %-ға дейін арттыру
2.2.1-міндет	Дене шынықтырумен шұғылданатын халық үшін жағдайларды қамтамасыз ету
Показать изменения 1. Дене шынықтырумен және спортпен тұрақты түрде шұғылданатын барлық жастағы халықтың үлесі	%	16,0	18,0	17,4	18,8	20,4	22,0	23,6
2. Дене шынықтырумен және спортпен шұғылданатын 6-дан 18 жасқа дейінгі адамдардың қамтылуы	%	8,5	9,0	9,5	10,0	10,5	11,0	11,5
2.2.2-міндет	Мүгедектердің дене шынықтыруы мен спортын дамытуды қамтамасыз ету
1. Дене шынықтырумен және спортпен тұрақты түрде шұғылданатын мүгедектердің үлес салмағын арттыру	%	5,57	6,0	6,5	7,0	7,5	8,0	8,5

Поставить закладку
Посмотреть закладки
Добавить комментарий

IV. Мемлекеттік органның стратегиялық бағыттары мен

мақсаттарының мемлекеттің стратегиялық мақсаттарына сәйкестігі

Мемлекеттік органның стратегиялық бағыттары мен мақсаттары	Мемлекеттік органның мақсаттары оларды іске асыруға бағытталған мемлекеттің стратегиялық мақсаттары	Стратегиялық құжаттың, нормативтік құқықтық актінің атауы
1-стратегиялық бағыт. Қазақстанды Орталық Азия өңірінің туризм орталығына айналдыру
1-мақсат. Аса тиімді және бәсекеге қабілетті туристік индустрия құру	3-ұзақ мерзімді басымдық «Шетел инвестициялары мен ішкі жинақталымдардың деңгейі жоғары ашық нарықтық экономикаға негізделген экономикалық өсу. Экономикалық өрлеудің нақтылы, тұрлаулы және барғған сайын арта түсетін қарқынына қол жеткізу».	«Қазақстан - 2030 Барлық Қазақстандықтардың өсіп-өркендеуі, қауіпсіздігі және әл-ауқатының артуы» атты Мемлекет басшысының Қазақстан халқына Жолдауы, 2007 ж., ақпан
	«1. Бәсекеге қабілетті экономика. Экономика біздің дамуымыздың басты басымдығы, ал экономикалық өсімнің барынша жоғары қарқынына қол жеткізу - негізгі міңдетіміз болып қала береді». «3. Қазақстанның жеделдетілген экономикалық және әлеуметтік прогресі. Қазақстан өз азаматтары үшін өмір сүрудің жоғары стандарттарын жасай отырып, әлемнің тиімді дамып келе жатқан елдерінің қатарына қосылуға тиіс. Біз мұны ұлтымыз бен экономикамыз бәсекеге қабілетті болған жағдайда ғана істей аламыз». «3.1. Инновациялық экономика құру және шикізаттық емес секторды дамыту Біз экономиканы диверсификациялауға бағытталған Индустриялық-инновациялық стратегияны іске асыра бастадық. Бұл болашақтың бағдарламасы. Біз бәсекеге қабілетті экономиканың үлгісін таңдай отырып, бәсекелестікке қарымы мол басым салаларды дамытуға кірістік, сол арқылы қазақстандық кластерлер жүйесінің дамуына жол аштық. Биылғы жылдың ортасына қарай біздің қолымызда нарықтың туризм, мұнай-газ машиналарын жасау, тамақ және тоқыма өнеркәсібі, көлік-логистикалық қызмет көрсету, металлургия және құрылыс материалдары сияқты салаларда кемінде 5-7 кластерін жасау мен дамытудың жоспары болуы керек деп санаймын. Ел экономикасының шикізаттық емес салалардағы ұзақ мерзімдік мамандануын, міне солар айқындайтын болады». «3.5. 21 ғасыр деңгейінде білім беру мен кәсіптік даярлау» «Біздің стратегиялық міндетіміз - бәсекеге қабілетті елдердің қатарынан лайықты орын алу. Сондықтан да мемлекет пен жеке меншік сектор өзара сенім мен тиімділікке негізделген әріптестік қатынастарын жолға қоюы керек».	«Қазақстан экономикалық, әлеуметтік және саяси жедел жаңару жолында» Мемлекет Басшысының Қазақстан халқына Жолдауы, 2005 ж., ақпан
	«1. Бірінші басымдық: Қазақстанның әлемдік экономикаға ойдағыдай кірігуі - елдің экономикалық дамуының сапалық серпілісінің негізі» - «Халықаралық маңыздағы «серпілістік» жобаларды іске асыру, индустрияны дамыту, әлемдік рыноктың белгілі бір тауашаларында бәсекеге қабілетті бола алатын тауарлар мен қызметтерді өндіру». «Білімге негізделген бәсекеге қабілетті экономиканы дамыту» бөлімі «- Елде әлемде жоғары дамыған бәсекеге қабілетті - қаржылық, туристік, көлік-логистикалық, білім беру және сауда қызметтердің бес орталығын қалыптастыру «Жастар саясаты» бөлімі «- темекі шегуге, алкоголь мен есірткіні пайдалануға қарсы бағытталған салауатты өмір салтын насихаттау жөніндегі жұмысты күшейтуді бастау.»	«Қазақстанның әлемдегі бәсекеге барынша қабілетті 50 елдің қатарына кіру стратегиясы» атты Мемлекет басшысының Қазақстан халқына Жолдауы, 2006 ж., наурыз
	«Сырттан келушілер туризмі және ішкі туризм көлемін арттыру есебінен мемлекет пен халық кірісінің тұрақты өсуін, халықты жұмыспен қамтуды қамтамасыз ету үшін бәсекеге қабілетті туристік индустрия құру»	Қазақстан Республикасы Президентінін 2006 жылғы 29 желтоқсандағы № 231 Жарлығы «Қазақстан Республикасында туризмді дамытудың 2007 - 2011 жылдарға арналған мемлекеттік бағдарламасы»
2-стратегиялық бағыт. Қазақстандық спорттың әлемдік спорт аренасындағы бәсекеге қабілеттілігін арттыру
1-мақсат. Спортшылардың сапалы дайындығы және халықаралық аренада сапалы өнер көрсетуі үшін жағдайлар жасауды қамтамасыз ету	«Қазақстан бүгінгі таңда әлеуметтік-экономикалық жаңару мен саяси демократияландырудың жаңа кезеңіне қадам басқалы тұр. Мен өзіміздің әлемдік рейтинг кестесінің жоғары бөлігіне іліккен елдер тобының ішінен орын алуымызға мүмкіндік беретін басты негіздер мыналар деп білемін. Екіншіден, біз аға ұрпақты, ана мен баланы, жастарды қамқорлық пен ілтипатқа бөлейтін әлеуметтік бағдарланған қоғам, ел халқының барлық топтары тұрмысының жоғары сапасы мен алдыңғы қатарлы әлеуметтік стаңдарттарын қамтамасыз ететін қоғам құрудамыз.	«Қазақстанның әлемдегі бәсекеге барынша қабілетті 50 елдің қатарына кіру стратегиясы» атты Қазақстан Республикасының Президенті Н.Ә. Назарбаевтың халқына Жолдауы, 2006 ж., наурыз
	«Алтыншы міндет - осы заманғы білім беру мен кәсіптік қайта даярлау, «парасатты экономиканың» негіздерін қалыптастыру, жаңа технологияларды, идеялар мен көзқарастарды пайдалану, инновациялық экономиканы дамыту.»	«Жаңа әлемдегі жаңа Қазақстан» Н.Ә. Назарбаевтың Қазақстан Республикасы Президентінің Қазақстан халқына Жолдауы, 2007 ж., ақпан
2-мақсат. Бұқаралық спортты және дене шынықтыру-сауықтыру қозғалысын дамыту	«Бесінші. «Дені сау ұлт» үшін инфрақұрылым дамытудың маңызы жоғары. Балалық шақтан бастап дене шынықтыру пен спорттық даярлыққа және оған ең қолайлы мүмкіндіктер туғызуға ерекше ден қойылуы керек. Әкімдер жаңа стадиондар мен спорт кешендерін, балаларға арналған және басқа спорт алаңдарын салу мен ескілерін жаңарту арқылы барлық жастағы адамдардың спортпен шұғылдануына, өздерінің бойларын сергек ұстауына, сөйтіп өмір жастарын ұзартуына жағдай жасауы қажет»	«Қазақстан халқының әл-ауқатын арттыру - мемлекеттік саясаттың басты мақсаты» Н.Ә. Назарбаевтың Қазақстан Республикасы Президентінің Қазақстан халқына Жолдауы, 2008 ж., ақпан
	«Халықтың денсаулығын бекемдеу үшін дене тәрбиесі мен спорттың тиімді жүйесін құру»	Қазақстан Республикасы Президентінің 2006 жылғы 28 желтоқсандағы № 230 Жарлығы «Қазақстан Республикасында Дене шынықтыру және спортты дамытудың 2007 - 2011 жылдарға арналған мемлекеттік бағдарламасы»