«Кеме экипажының ең аз құрамына қойылатын талаптарды белгілеу туралы» Қазақстан Республикасы Үкіметінің 2011 жылғы 28 маусымдағы № 726 Қаулысы (2014.23.04. берілген өзгерістер мен толықтырулармен) (күші жойылды)

Кеме экипажының ең аз құрамына қойылатын талаптарды белгілеу туралы
Қазақстан Республикасы Үкіметінің 2011 жылғы 28 маусымдағы № 726 Қаулысы

(2014.23.04. берілген өзгерістер мен толықтырулармен)

Қазақстан Республикасы Үкіметінің 2015 жылғы 10 тамыздағы № 624 Қаулысымен күші жойылды

«Сауда мақсатында теңізде жүзу туралы» Қазақстан Республикасының 2002 жылғы 17 қаңтардағы Заңының 4-бабы 2-тармағының 25) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған кеме экипажының ең аз құрамына қойылатын талаптар бекітілсін.

2. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасы

Үкіметінің

2011 жылғы 28 маусымдағы

№ 726 қаулысымен

бекітілген

Кеме экипажының ең аз құрамына қойылатын талаптар

1. Осы кеме экипажының ең аз құрамына қойылатын талаптар (бұдан әрі - Талаптар) кеме экипажының ең аз құрамына қойылатын талаптарды белгілейді, ол кеме жүзуінің қауіпсіздігін және қоршаған ортаны қорғауды қамтамасыз ету үшін қажет.

ҚР Үкіметінің 2014.23.04. № 388 Қаулысымен 2-тармақ жаңа редакцияда (бұр.ред.қара)

2. Талаптар Қазақстан Республикасының Теңіз кемелерінің мемлекеттік кеме тізілімінде, бербоут-чартер тізілімінде және халықаралық кеме тізілімінде мемлекеттік тіркеуге жататын өздігінен жүретін кемелерге қолданылады.

ҚР Үкіметінің 2012.30.07. № 1002 Қаулысымен 3-тармақ жаңа редакцияда (бұр.ред.қара); ҚР Үкіметінің 2014.23.04. № 388 Қаулысымен 3-тармақ өзгертілді (бұр.ред.қара)

3. Экипаждың ең аз құрамына мынадай лауазымдар кіреді, олардың саны осы талаптарға 1-қосымшаға сәйкес кеме экипаждарының ең аз құрамының нормативіне сәйкес белгіленеді:

1) капитан;

2) капитанның аға көмекшісі;

3) капитанның вахталық көмекшісі;

4) аға механик;

5) ҚР Үкіметінің 2014.23.04. № 388 Қаулысымен алып тасталды (бұр.ред.қара)

6) вахта механигі;