«Халықтың санитариялық-эпидемиологиялық саламаттылығы саласында тәуекелдер дәрежесін бағалау критерийі мен тексеру парақтарының нысандарын бекіту туралы» Қазақстан Республикасы Денсаулық сақтау министрінің 2012 жылғы 19 желтоқсандағы № 872 бұйрығы (2013.18.06. берілген өзгерістермен) (күші жойылды)

Халықтың санитариялық-эпидемиологиялық саламаттылығы саласында тәуекелдер дәрежесін бағалау критерийі мен тексеру парақтарының нысандарын бекіту туралы
Қазақстан Республикасы Денсаулық сақтау министрінің 2012 жылғы 19 желтоқсандағы № 872 бұйрығы

(2013.18.06. берілген өзгерістермен)

ҚР Ұлттық экономика министрінің 2015 жылғы 28 желтоқсандағы № 804 бұйрығымен күші жойылды

«Халық денсаулығы және денсаулық сақтау жүйесі туралы» Қазақстан Республикасының 2009 жылғы 18 қыркүйектегі Кодексінің 7-бабының 1-тармағының 72) тармақшасына, «Қазақстан Республикасындағы мемлекеттік бақылау және қадағалау туралы» Қазақстан Республикасының 2011 жылғы 6 қаңтардағы Заңының 15-бабының 1-тармағына сәйкес БҰЙЫРАМЫН:

1. Қоса беріліп отырған:

1) осы бұйрыққа 1-қосымшаға сәйкес халықтың санитариялық-эпидемиологиялық саламаттылығы саласында тәуекелдер дәрежесін бағалау критерийі;

2) осы бұйрыққа 2-қосымшаға сәйкес балалар сүт асүйлеріне арналған;

осы бұйрыққа 3-қосымшаға сәйкес балалардың сауықтыру және санаториялық объектілеріне (жыл бойындағы, маусымдық) арналған;

осы бұйрыққа 4-қосымшаға сәйкес балалар үйлеріне, жетім балалар мен ата-анасының қамқорлығынсыз қалған балаларға арналған білім беру ұйымдарына, кәмелетке жетпеген балаларды бейімдеу орталықтарына арналған;

осы бұйрыққа 5-қосымшаға сәйкес бастауыш, негізгі орта және жалпы орта білім беру ұйымдарында, интернат ұйымдарында, пансионаттарда, медреседе, баспаналарда, вахталық кенттерде орналасқан қоғамдық тамақтану және сауда объектілеріне арналған;

осы бұйрыққа 6-қосымшаға сәйкес онкологиялық ауруханаларды (диспансерлерді), наркологиялық ауруханаларды (диспансерлерді), медициналық-әлеуметтік оңалту орталықтарын, психиатриялық ауруханаларды (диспансерлерді) қоспағанда стационарлық көмек көрсететін ұйымдарға арналған;

осы бұйрыққа 7-қосымшаға сәйкес қан қызметі саласындағы қызметті жүзеге асыратын ұйымдарға арналған;