Корпоративтік табыс салығы бойынша салық есептілігін (декларацияны) жасау қағидалары (100.00-нысан) (Қазақстан Республикасы Премьер-Министрінің Орынбасары-Қазақстан Республикасы Қаржы Министрінің 2013 жылғы 6 желтоқсандағы № 558 бұйрығына 2-қосымша) (2014.31.07. берілген өзгерістер мен толықтырулармен) (күші жойылды)

ҚР Қаржы министрінің 2021 жылғы 4 ақпандағы № 76 бұйрығымен күші жойылды

2014 ж. 1 қаңтардан бастап 2014 жылғы 31 желтоқсанға дейін туындайтын қатынастарға қолданылады

Қазақстан Республикасы

Премьер-Министрінің Орынбасары-

Қазақстан Республикасы Қаржы Министрінің

2013 жылғы 6 желтоқсандағы

№ 558 бұйрығына

1-қосымша

Корпоративтік табыс салығы бойынша декларация

Қазақстан Республикасы

Премьер-Министрінің Орынбасары-

Қазақстан Республикасы Қаржы Министрінің

2013 жылғы 6 желтоқсандағы

№ 558 бұйрығына

2-қосымша

Корпоративтік табыс салығы бойынша салық есептілігін (декларацияны) жасау
қағидалары
(100.00-нысан)

(2014.31.07. берілген өзгерістер мен толықтырулармен)

1. Жалпы ережелер

ҚР Премьер-Министрінің Орынбасары - ҚР Қаржы Министрінің 2014.31.07. № 327 бұйрығымен 1-тармақ өзгертілді (бұр.ред.қара)

1. Осы Корпоративтік табыс салығы бойынша салық есептілігін (декларацияны) жасау қағидалары (100.00-нысан) (бұдан әрі - Қағидалар) «Салық және бюджетке төленетін басқа да міндетті төлемдер туралы» 2008 жылғы 10 желтоқсандағы Қазақстан Республикасының Кодексіне (Салық кодексі) сәйкес әзірленген және корпоративтік табыс салығын есептеуге (бұдан әрі - КТС) арналған корпоративтік табыс салығы бойынша салық есептілігі нысанын (декларация) (бұдан әрі - декларация) жасау тәртібін айқындайды. декларацияны:

мемлекеттік мекемелерді;

Салық кодексінің 134-бабы 2-тармағында көрсетілген табыстар бойынша Салық кодексінің 134-бабы 1-тармағының тиісті шарттарына сәйкес келетін коммерциялық емес ұйымдарды;

110.00 немесе 150.00-нысан бойынша декларация толтыратын жер қойнауын пайдаланушыларды қоспағанда, тұрақты мекеме арқылы Қазақстан Республикасында қызметін жүзеге асыратын резидент заңды тұлғалар, резидент емес заңды тұлғалар жасайды.

2. Декларация декларацияның өзінен (100.00-нысан) және салық міндеттемесін есептеу туралы ақпаратты егжей-тегжейлі көрсетуге арналған оған қосымшалардан (100.01-ден 100.07-ге дейінгі нысандар) тұрады.

3. Декларацияны толтыру кезінде түзетуге, өшіруге және тазалауға жол берілмейді.

4. Көрсеткіштер болмаған кезде декларацияның тиісті торкөздері толтырылмайды.