«Қазақстан Республикасы Индустрия және инфрақұрылымдық даму министрлігінің 2020 - 2024 жылдарға арналған стратегиялық жоспары туралы» Қазақстан Республикасы Индустрия және инфрақұрылымдық даму министрінің 2019 жылғы 28 желтоқсандағы № 954 бұйрығы (күші жойылды)

Қазақстан Республикасы Индустрия және инфрақұрылымдық даму министрлігінің 2020 - 2024 жылдарға арналған стратегиялық жоспары туралы
Қазақстан Республикасы Индустрия және инфрақұрылымдық даму министрінің 2019 жылғы 28 желтоқсандағы № 954 бұйрығы

2008 жылғы 4 желтоқсандағы Қазақстан Республикасы Бюджет кодексінің 62-бабына және «Құқықтық актілер туралы» 2016 жылғы 6 сәуірдегі Қазақстан Республикасы Заңының 65-бабының 3-тармағына сәйкес БҰЙЫРАМЫН:

1. Қоса беріліп отырған Қазақстан Республикасы Индустрия және инфрақұрылымдық даму министрлігінің (бұдан әрі - Министрлік) 2020 - 2024 жылдарға арналған стратегиялық жоспары (бұдан әрі - Стратегиялық жоспар) бекітілсін.

2. Жоспардың орындалуына жауапты Министрліктің құрылымдық бөлімшелерінің басшылары жыл сайын есептік кезеңнен кейінгі жылдың 20-сыншы қаңтарынан кешіктірмей Министрліктің Стратегиялық жоспарлау департаментіне Стратегиялық жоспардың іске асырылу барысы туралы ақпаратты ұсынуды қамтамасыз етсін.

3. Министрліктің Стратегиялық жоспарлау департаменті:

1) осы бұйрықты Қазақстан Республикасының заңнамасымен белгіленген тәртіпте Министрліктің веб-порталында орналастыруды;

2) Стратегиялық жоспардың іске асырылуы туралы есепті жыл сайын есептік кезеңнен кейінгі жылдың 15-інші ақпанынан кешіктірмей дайындауды және оны Министрліктің веб-порталында орналастыруды қамтамасыз етсін.

4. «Қазақстан Республикасы Инвестициялар және даму министрлігінің 2017-2021 жылдарға арналған стратегиялық жоспарын бекіту туралы» Қазақстан Республикасы Инвестициялар және даму министрінің 2016 жылғы 29 желтоқсандағы № 887 бұйрығының күші жойылсын.

5. Осы бұйрықтың орындалуын бақылау Министрліктің жауапты хатшысына жүктелсін.

6. Осы бұйрық 2020 жылғы 1 қаңтардан бастап күшіне енеді және таратылуға жатады.

Қазақстан Республикасы