«Қазақстан Республикасы Инвестициялар және даму министрлігінің 2017-2021 жылдарға арналған стратегиялық жоспарын бекіту туралы» Қазақстан Республикасы Инвестициялар және даму министрінің 2016 жылғы 29 желтоқсандағы № 887 бұйрығы (2019.27.12. берілген өзгерістер мен толықтырулармен) (күші жойылды)

Қазақстан Республикасы Инвестициялар және даму министрлігінің 2017-2021 жылдарға арналған стратегиялық жоспарын бекіту туралы
Қазақстан Республикасы Инвестициялар және даму министрінің 2016 жылғы 29 желтоқсандағы № 887 бұйрығы

(2019.27.12. берілген өзгерістер мен толықтырулармен)

ҚР Индустрия және инфрақұрылымдық даму министрінің 2019 жылғы 28 желтоқсандағы № 954 бұйрығымен күші жойылды

2008 жылғы 4 желтоқсандағы Қазақстан Республикасы Бюджет кодексінің 62-бабына сәйкес БҰЙЫРАМЫН:

1. Қазақстан Республикасы Инвестициялар және даму министрлігінің (бұдан әрі-Министрлік) 2017 - 2021 жылдарға арналған стратегиялық жоспары (бұдан әрі - Стратегиялық жоспар) бекітілсін.

2. Жоспардың орындалуына жауапты Министрліктің құрылымдық бөлімшелерінің басшылары жыл сайынғы есепті кезеңнен кейінгі жылдың, қаңтар айының 20-нан кешіктірмей, Министрліктің Стратегиялық жоспарлау департаментіне Стратегиялық жоспарды іске асыру барысы туралы ақпаратты ұсынуды қамтамасыз етсін.

3. Министрліктің Стратегиялық жоспарлау департаменті:

1) бекітілген Стратегиялық жоспарды күнтізбелік 3 күн ішінде Министрліктің веб-порталында орнастыруды қамтамасыз етсін;

2) стратегиялық жоспардың іске асырылуы туралы есепті, есептік кезеңнен кейінгі жылдың, ақпан айының 20-нан кешіктірмей дайындауды және оны Министрліктің веб-порталында орнастыруды қамтамасыз етсін.

4. «Қазақстан Республикасы Инвестициялар және даму министрлігінің 2014-2018 жылдарға арналған стратегиялық жоспарын бекіту туралы» Қазақстан Республикасы Инвестициялар және даму министрінің 2014 жылғы 9 желтоқсандағы № 256 бұйрығының күші жойылсын.

5. Осы бұйрықтың орындалуын бақылау Министрліктің жауапты хатшысына жүктелсін.

6. Осы бұйрық 2017 жылғы 1 қаңтардан бастап күшіне енеді және таратуға жатады.

«КЕЛІСІЛГЕН»:

Қазақстан Республикасының

Қаржы министрі

Б. Сұлтанов

«КЕЛІСІЛГЕН»:

Қазақстан Республикасының

Ұлттық экономика министрі

Т. Сүлейменов