(БҰРЫНҒЫ РЕДАКЦИЯ) ҚР ҚАРЖЫ МИНИСТРІНІҢ 2009.25.05 № 215 БҰЙРЫҒЫ

Республикалық немесе жергілікті бюджет есебінен ұсталатын мемлекеттік мекемелердің оларды өткізуден түсетін ақшасы өзінің иелігінде қалатын тауарлары (жұмыстары, көрсетілетін қызметтері) тізбесінің сыныптауышын бекіту туралы
Қазақстан Республикасы Қаржы министрінің 2009 жылғы 25 мамырдағы № 215 бұйрығы

(2015.09.02. берілген өзгерістер мен толықтыруларымен)

Осы редакция 2016 жылғы 22 қазанда енгізілген өзгерістеріне дейін қолданылды

ҚР Қаржы министрінің м.а. 2012.18.05. № 259 бұйрығымен (бұр.ред.қара); 2015.09.02. № 76 бұйрығымен (бұр.ред.қара) тақырыбы жаңа редакцияда

ҚР Қаржы министрінің м.а. 2012.18.05. № 259 бұйрығымен кiрiспе жаңа редакцияда (бұр.ред.қара)

2008 жылғы 4 желтоқсандағы Қазақстан Республикасының Бюджет кодексiнiң 102-бабының 1-тармағына және Қазақстан Республикасы Үкiметiнiң 2009 жылғы 26 ақпандағы № 220 қаулысымен бекiтiлген Бюджеттiң атқарылуы және оған кассалық қызмет көрсету ережесiнiң 329-тармағына сәйкес, БҰЙЫРАМЫН:

ҚР Қаржы министрінің 2013.13.05. № 236 бұйрығымен (бұр.ред.қара); 2015.09.02. № 76 бұйрығымен (бұр.ред.қара) 1-тармақ жаңа редакцияда

1. Қоса беріліп отырған Республикалық немесе жергілікті бюджет есебінен ұсталатын мемлекеттік мекемелердің оларды өткізуден түсетін ақшасы өзінің иелігінде қалатын тауарлары (жұмыстары, көрсетілетін қызметтері) тізбесінің сыныптауышы бекітілсін.

2. Мыналардың күші жойылды деп танылсын:

1) «Мемлекеттік бюджет қаражаты есебінен ұсталатын, өткізуден түсетін ақшасы өзінің иелігінде қалатын мемлекеттік мекемелер тауарларының (жұмыстарының, көрсетілетін қызметтерінің) тізбесі сыныптауышын бекіту туралы» Қазақстан Республикасы Қаржы министрінің 2007 жылғы 13 желтоқсандағы № 456 бұйрығы (Қазақстан Республикасының Нормативтік құқықтық кесімдерді мемлекеттік тіркеудің тізіліміне № 5057 болып тіркелген);