(БҰРЫНҒЫ РЕДАКЦИЯ) «КӘСІБИ ЖӘНЕ АУДИТОРЛЫҚ ҰЙЫМДАРДЫҢ ЕСЕПТІЛІК ТІЗБЕСІ...

Кәсіби және аудиторлық ұйымдардың есептілік тізбесін, нысандары мен ұсыну мерзімділігін, сондай-ақ аудиторлық ұйымның азаматтық-құқықтық жауапкершілігін сақтандыру жөніндегі ақпарат нысанын бекіту туралы
Қазақстан Республикасы Қаржы министрінің 2015 жылғы 26 наурыздағы № 216 бұйрығы

Осы редакция 2016 жылғы 4 тамызда енгізілген өзгерістеріне дейін қолданылды

«Аудиторлық қызмет туралы» 1998 жылғы 20 қарашадағы Қазақстан Республикасы Заңының 7-бабының 13) тармақшасына және 21-бабы 2-тармағының 8) тармақшасына сәйкес БҰЙЫРАМЫН:

1. Қоса беріліп отырған:

1) осы бұйрыққа 1-қосымшаға сәйкес кәсіби аудиторлық және аудиторлық ұйымдардың тізбесі мен есептілікті ұсыну мерзімділігі;

2) осы бұйрыққа 2-қосымшаға сәйкес кәсіби аудиторлық ұйымның қызметі туралы жыл сайынғы есеп нысаны;

3) осы бұйрыққа 3-қосымшаға сәйкес кәсіби аудиторлық ұйымның аудиторлардың біліктілігін арттыру курстарын өткізуі және сертификаттар беруі туралы жыл сайынғы есеп нысаны осы бұйрыққа жыл сайынғы есеп нысаны;

4) осы бұйрыққа 4-қосымшаға сәйкес аудиторлық ұйымдар қызметінің негізгі көрсеткіштері, кәсіби аудиторлық ұйымның мүшелері бойынша жыл сайынғы есеп нысаны;

5) осы бұйрыққа 5-қосымшаға сәйкес міндетті аудитті жүргізетін аудиторлық ұйымдардың ең аз талаптарына сәйкестігі туралы тоқсан сайынғы есеп нысаны;

6) осы бұйрыққа 6-қосымшаға сәйкес кәсіби аудиторлық ұйымға кірген (шыққан) аудиторлардың және аудиторлық ұйымдардың саны туралы тоқсан сайынғы есеп нысаны;

7) осы бұйрыққа 7-қосымшаға сәйкес кәсіби аудиторлық ұйым жүргізген сыртқы сапа бақылауы туралы жыл сайынғы есеп нысаны;

8) осы бұйрыққа 8-қосымшаға сәйкес аудиторлық ұйымның аудиторлық қызметке қойылатын біліктілік талаптарына сәйкестігі туралы есеп нысаны;

9) осы бұйрыққа 9-қосымшаға сәйкес аудиторлық ұйымның азаматтық-құқықтық жауапкершілігін сақтандыру жөніндегі ақпарат нысаны бекітілсін.