(БҰРЫНҒЫ РЕДАКЦИЯ) «ӨСІМДІКТЕР КАРАНТИНІ САЛАСЫНДАҒЫ ТЕКСЕРУ ПАРАҚТАРЫН...

Өсімдіктер карантині саласындағы тексеру парақтарын бекіту туралы

Қазақстан Республикасы Ауыл шаруашылығы министрінің 2015 жылғы 28 желтоқсандағы № 15-05/1138 және Қазақстан Республикасы Ұлттық экономика министрінің 2015 жылғы 29 желтоқсандағы № 819 бірлескен бұйрығы

(2019.11.01. берілген өзгерістер мен толықтырулармен)

Осы редакция 2023 жылғы 15 ақпанда енгізілген өзгерістеріне дейін қолданылды

ҚР Премьер-Министрінің орынбасары - ҚР Ауыл шаруашылығы министрінің 2019.11.01. № 6 және ҚР Ұлттық экономика министрінің 2019.11.01. № 4 бірлескен бұйрығымен тақырыбы жаңа редакцияда (бұр.ред.қара)

2015 жылғы 29 қазандағы Қазақстан Республикасы Кәсіпкерлік кодексінің 143-бабының 1-тармағына сәйкес БҰЙЫРАМЫЗ:

ҚР Премьер-Министрінің орынбасары - ҚР Ауыл шаруашылығы министрінің 2019.11.01. № 6 және ҚР Ұлттық экономика министрінің 2019.11.01. № 4 бірлескен бұйрығымен 1-тармақ жаңа редакцияда (бұр.ред.қара)

1. Мыналар:

1) осы бірлескен бұйрыққа 1-қосымшаға сәйкес фитосанитарлық тәуекелі жоғары карантинге жатқызылған өнімді және (немесе) фитосанитарлық тәуекелі жоғары карантинге жатқызылған өнімнен алынған өнімді өндіруді, дайындауды, сақтауды, өңдеуді жүзеге асыратын бақылау және қадағалау субъектілеріне (объектілеріне) арналған өсімдіктер карантині саласындағы тексеру парағы;

2) осы бірлескен бұйрыққа 2-қосымшаға сәйкес карантиндік объектілерді және (немесе) бөтен текті түрлерді және (немесе) карантиндік объектілермен және (немесе) бөтен текті түрлермен залалданған (ластанған) карантинге жатқызылған өнімді пайдалана отырып немесе оларға қатысты ғылыми зерттеулерді жүзеге асыратын бақылау және қадағалау субъектілеріне (объектілеріне) арналған өсімдіктер карантині саласындағы тексеру парағы;

3) осы бірлескен бұйрыққа 3-қосымшаға сәйкес ағаштан жасалған буып-түю материалын таңбалауды және залалсыздандыруды жүзеге асыратын бақылау және қадағалау субъектілеріне (объектілеріне) арналған өсімдіктер карантині саласындағы тексеру парағы;